ਖ਼ਬਰਿਸਤਾਨ ਨੈੱਟਵਰਕ: ਕੈਨੇਡਾ ‘ਚ ਪੜ੍ਹਨ ਗਏ ਮਲੇਰਕੋਟਲਾ ਦੇ 29 ਸਾਲਾ ਨੌਜਵਾਨ ਨੇ ਖੁਦਕੁਸ਼ੀ ਕਰ ਲਈ | ਹਰਮਨ ਆਪਣੀ ਮਾਤਾ ਦੀ ਮੌਤ ਤੋਂ ਬਾਅਦ ਆਪਣੇ ਦਾਦਾ-ਦਾਦੀ ਨਾਲ ਰਹਿੰਦਾ ਸੀ| ਹਰਮਨ ਨੇ ਇੰਸਟਾਗ੍ਰਾਮ ‘ਤੇ ਆਪਣੀ ਆਖਰੀ ਸਟੋਰੀ ਪੋਸਟ ਕਰਨ ਤੋਂ ਬਾਅਦ 21 ਜੂਨ ਨੂੰ ਰਾਤ ਕੈਨੇਡਾ ‘ਚ ਖੁਦਕੁਸ਼ੀ ਕਰ ਲਈ। ਮ੍ਰਿਤਕ ਦੀ ਪਛਾਣ ਹਰਮਨ ਜੋਤ ਸਿੰਘ ਬੀੜ ਅਹਿਮਦਾਬਾਦ ਪਿੰਡ ਵਾਸੀ ਵਜੋਂ ਹੋਈ ਹੈ|
ਉਸਦੇ ਮਾਮਾ ਧਰਮਿੰਦਰ ਨੇ ਦੱਸਿਆ ਕਿ ਉਨ੍ਹਾਂ ਨੇ ਉਸਨੂੰ ਚੰਗੇ ਭਵਿੱਖ ਲਈ ਕੈਨੇਡਾ ਭੇਜਿਆ ਸੀ| ਦੱਸਿਆ ਕਿ ਉਹ ਵਿਦੇਸ਼ ‘ਚ ਪੜ੍ਹਦੇ ਸਮੇਂ ਮਾਨਸਿਕ ਤਣਾਅ ‘ਚ ਸੀ| ਉਹ ਇਕੱਲਾਪਣ ਤੋਂ ਪਰੇਸ਼ਾਨ ਸੀ | ਬਚਪਨ ‘ਚ ਹੀ ਉਸਦੇ ਮਾਤਾ ਦੀ ਮੌਤ ਹੋ ਗਈ ਸੀ| ਉਨ੍ਹਾਂ ਹਰਮਨ ਨੂੰ ਆਪਣੇ ਪਿੰਡ ਚੱਕ ਸ਼ੇਖੂਪੁਰਾ ਵਿੱਚ ਪੁੱਤਰ ਵਾਂਗ ਪਾਲਿਆ। ਘੱਟ ਹਾਜ਼ਰੀ ਕਾਰਨ ਉਸਦੀ ਪੜ੍ਹਾਈ ਪ੍ਰਭਾਵਿਤ ਹੋ ਰਹੀ ਸੀ। ਉਹ ਆਪਣੇ ਮਾਮਾ ਨੂੰ ਫ਼ੋਨ ‘ਤੇ ਕਹਿੰਦਾ ਰਹਿੰਦਾ ਸੀ ਕਿ ਪੰਜਾਬ ਤੋਂ ਕੋਈ ਵੀ ਕੈਨੇਡਾ ਨਾ ਆਵੇ। ਕਿਹਾ ਕਿ ਇੱਥੇ ਬਹੁਤ ਮੁਸ਼ਕਲਾਂ ਹਨ।
ਉਸਦੇ ਦੋਸਤਾਂ ਨੇ ਉਸਨੂੰ ਕਮਰੇ ਵਿੱਚ ਮ੍ਰਿਤਕ ਪਾਇਆ ਅਤੇ ਕੈਨੇਡੀਅਨ ਪੁਲਿਸ ਨੂੰ ਸੂਚਿਤ ਕੀਤਾ। ਪਰਿਵਾਰ ਨੇ ਹਰਮਨ ਦੀ ਲਾਸ਼ ਭਾਰਤ ਲਿਆਉਣ ਲਈ ਪ੍ਰਸ਼ਾਸਨ ਅਤੇ ਸਮਾਜ ਤੋਂ ਮਦਦ ਮੰਗੀ ਹੈ। ਉਹ ਚਾਹੁੰਦੇ ਹਨ ਕਿ ਉਸਦਾ ਅੰਤਿਮ ਸੰਸਕਾਰ ਪੰਜਾਬ ਦੀ ਧਰਤੀ ‘ਤੇ ਕੀਤਾ ਜਾਵੇ।
