ਖਬਰਿਸਤਾਨ ਨੈੱਟਵਰਕ- ਫੈਨਜ਼ ਵੱਲੋਂ ਕਾਫੀ ਦੇਰ ਤੋਂ ਉਡੀਕੀ ਜਾ ਰਹੀ ਸਿੱਧੂ ਮੂਸੇਵਾਲਾ ਦੀ ਨਵੀਂ EP ਅੱਜ ਰਿਲੀਜ਼ ਹੋ ਗਈ ਹੈ। ਦੱਸ ਦੇਈਏ ਕਿ ਨਵੀਂ ਈ ਪੀ MOOSE PRINT ਰਿਲੀਜ਼ ਹੁੰਦੇ ਹੀ ਯੂਟਿਊਬ ਉਤੇ ਟਰੈਂਡ ਕਰਨ ਲੱਗੀ। ਇਸ ਈ ਪੀ ਵਿਚ 3 ਗੀਤ ਹਨ, ਜਿਨ੍ਹਾਂ ਦੇ ਨਾਂ 0008,-Take Notes ਤੇ -Neals ਸ਼ਾਮਲ ਹਨ।
ਟਰੈਂਡਿੰਗ ਵਿਚ ਤਿੰਨੇ ਗੀਤ
ਈ ਪੀ ਦੇ ਰਿਲੀਜ਼ ਹੁੰਦੇ ਹੀ ਤਿੰਨੋਂ ਗਾਣਿਆਂ ਉਤੇ ਮਿਲੀਅਨ ਵਿਊਜ਼ ਆ ਗਏ। ਟੇਕ ਨੋਟਸ ਗੀਤ ਨੰਬਰ ਇਕ ਉਤੇ ਯੂਟਿਊਬ ਉਤੇ ਟਰੈਂਡ ਕਰ ਰਿਹਾ ਹੈ। ਜਿਸ ਵਿਚ ਕੁਝ ਮਿੰਟਾਂ ਵਿਚ ਹੀ ਕਾਫੀ ਕੁਮੈਂਟ ਵੀ ਆ ਗਏ।
ਹੁਣ ਤਕ ਇੰਨੇ ਗਾਣੇ ਹੋ ਚੁੱਕੇ ਹਨ ਰਿਲੀਜ਼
ਸਿੱਧੂ ਮੂਸੇਵਾਲਾ ਨੇ 29 ਮਈ, 2022 ਨੂੰ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ। ਅਗਲੇ ਹੀ ਮਹੀਨੇ, 23 ਜੂਨ, 2022 ਨੂੰ, ਉਸਦਾ ਪਹਿਲਾ ਗੀਤ ‘SYL’ ਰਿਲੀਜ਼ ਹੋਇਆ। ਉਸਦਾ ਦੂਜਾ ਗੀਤ ‘ਵਾਰ’, ਤੀਜਾ ਗੀਤ ‘ਮੇਰਾ ਨਾ’ ਚੌਥੇ ਗੀਤ ਦਾ ਨਾਮ ‘ਚੋਰਨੀ’, ਪੰਜਵਾਂ ਗੀਤ ‘ਵਾਚਆਊਟ’ 6ਵਾਂ ਗੀਤ ‘ਡ੍ਰਿਪੀ’ 7ਵਾਂ ਗੀਤ ‘410’ 8ਵਾਂ ਗੀਤ ‘ਅਟੈਚ’ ਅਤੇ 9ਵਾਂ ਗੀਤ “ਲਾਕ” 23 ਜਨਵਰੀ ਨੂੰ ਰਿਲੀਜ਼ ਹੋਇਆ ਸੀ ।
