ਖਬਰਿਸਤਾਨ ਨੈੱਟਵਰਕ- ਯੂ ਪੀ ਵਿੱਚ ਅੱਜ 10ਵੀਂ ਅਤੇ 12ਵੀਂ ਜਮਾਤ ਦੇ ਨਤੀਜੇ ਐਲਾਨੇ ਗਏ ਹਨ। ਉੱਤਰ ਪ੍ਰਦੇਸ਼ ਸੈਕੰਡਰੀ ਸਿੱਖਿਆ ਬੋਰਡ ਨੇ ਯੂਪੀ ਬੋਰਡ 10ਵੀਂ, 12ਵੀਂ ਦਾ ਨਤੀਜਾ ਦੁਪਹਿਰ 12:30 ਵਜੇ ਐਲਾਨਿਆ। ਬੱਚੇ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ upresults.nic.in ਅਤੇ upmsp.edu.in ‘ਤੇ ਜਾ ਕੇ ਆਪਣੇ ਨਤੀਜੇ ਦੇਖ ਸਕਦੇ ਹਨ। ਇਸ ਵਾਰ 54 ਲੱਖ ਬੱਚੇ ਪਾਸ ਹੋਏ ਹਨ।
ਯਸ਼ ਪ੍ਰਤਾਪ ਨੇ ਟਾਪ ਕੀਤਾ
ਇਸ ਵਾਰ ਯਸ਼ ਪ੍ਰਤਾਪ ਸਿੰਘ ਨੇ 97.83% ਅੰਕ ਪ੍ਰਾਪਤ ਕਰ ਕੇ 10ਵੀਂ ਜਮਾਤ ਵਿੱਚ ਟਾਪ ਕੀਤਾ ਹੈ ਜਦੋਂ ਕਿ, ਇਟਾਵਾ ਦੀ ਅੰਸ਼ੀ ਤਿਵਾਰੀ ਨੇ 97.67 ਪ੍ਰਤੀਸ਼ਤ ਅੰਕਾਂ ਨਾਲ ਦੂਜਾ ਸਥਾਨ ਪ੍ਰਾਪਤ ਕੀਤਾ ਅਤੇ ਅਭਿਸ਼ੇਕ ਕੁਮਾਰ ਯਾਦਵ ਨੇ 97.67 ਪ੍ਰਤੀਸ਼ਤ ਅੰਕਾਂ ਨਾਲ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਮੁਰਾਦਾਬਾਦ ਦਾ ਮ੍ਰਿਦੁਲ ਗਰਗ 97.50 ਅੰਕਾਂ ਨਾਲ ਚੌਥੇ ਸਥਾਨ ‘ਤੇ ਹੈ। ਇਸ ਦੌਰਾਨ, ਮਹਿਕ ਜੈਸਵਾਲ 97.20% ਅੰਕਾਂ ਨਾਲ 12ਵੇਂ ਸਥਾਨ ‘ਤੇ ਰਹੀ ਹੈ।
CM ਯੋਗੀ ਆਦਿੱਤਿਆਨਾਥ ਨੇ ਵਧਾਈ ਦਿੱਤੀ
ਯੂ ਪੀ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਵੀ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ਹੈ। ਉਨ੍ਹਾਂ ਦਸਵੀਂ ਅਤੇ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਦਸਵੀਂ ‘ਤੇ ਟਵੀਟ ਕਰ ਕੇ ਵਧਾਈ ਦਿੱਤੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਫੇਲ੍ਹ ਹੋਏ ਵਿਦਿਆਰਥੀਆਂ ਲਈ ਇੱਕ ਵਿਸ਼ੇਸ਼ ਸੰਦੇਸ਼ ਵੀ ਲਿਖਿਆ ਹੈ। ਉਨ੍ਹਾਂ ਨੇ ਲਿਖਿਆ- ਵਿਦਿਆਰਥੀਓ! ਅਸਫਲਤਾ ਨਿਰਾਸ਼ਾ ਦਾ ਕਾਰਨ ਨਹੀਂ ਹੋਣੀ ਚਾਹੀਦੀ, ਇਹ ਸਵੈ-ਮੁਲਾਂਕਣ ਦਾ ਮੌਕਾ ਪ੍ਰਦਾਨ ਕਰਦੀ ਹੈ। ਨਿਰਾਸ਼ ਨਾ ਹੋਵੋ, ਦੁਬਾਰਾ ਕੋਸ਼ਿਸ਼ ਕਰੋ। ਸਫਲਤਾ ਤੁਹਾਡੀ ਉਡੀਕ ਕਰ ਰਹੀ ਹੈ।
