ਖ਼ਬਰਿਸਤਾਨ ਨੈੱਟਵਰਕ: ਜਲੰਧਰ ‘ਚ ਚੋਰੀ,ਲੁੱਟ-ਖੋਹ ਦੇ ਮਾਮਲੇ ਦਿਨ-ਬ-ਦਿਨ ਵੱਧ ਰਹੇ ਹਨ| ਮੁਲਜ਼ਮ ਬੇਖੋਫ਼ ਹੋ ਕੇ ਸ਼ਰੇਆਮ ਵਾਰਦਾਤ ਨੂੰ ਅੰਜਾਮ ਦੇ ਰਹੇ ਹਨ| ਹਾਲ ਹੀ ‘ਚ ਦਿਲਕੁਸ਼ਾ ਮਾਰਕਿਟ ਤੋਂ ਐਕਟਿਵਾ ਦੇ ਚੋਰੀ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ| ਜਿੱਥੇ ਦਿਨ-ਦਿਹਾੜੇ ਚੋਰ ਐਕਟਿਵਾ ਲੈ ਕੇ ਫਰਾਰ ਹੋ ਗਿਆ| ਇਹ ਘਟਨਾ ਸੀਸੀਟੀਵੀ ਕੈਮਰਿਆਂ ‘ਚ ਕੈਦ ਹੋ ਗਈ।
ਜਾਣਕਾਰੀ ਦਿੰਦੇ ਹੋਏ ਪੀੜਤ ਰਾਜੀਵ ਕੁਮਾਰ ਨੇ ਦੱਸਿਆ ਕਿ ਉਹ ਦਿਲਕੁਸ਼ਾ ਮਾਰਕੀਟ ਵਿੱਚ ਸਾਮਾਨ ਖਰੀਦਣ ਆਇਆ ਸੀ।ਉਸਨੇ ਆਪਣੀ ਐਕਟਿਵਾ ਦੁਕਾਨ ਦੇ ਬਾਹਰ ਖੜ੍ਹੀ ਕਰ ਦਿੱਤੀ। ਕੁਝ ਸਮੇਂ ਬਾਅਦ, ਜਦੋਂ ਉਹ ਸਾਮਾਨ ਲੈ ਕੇ ਵਾਪਸ ਆਇਆ, ਤਾਂ ਐਕਟਿਵਾ ਗਾਇਬ ਸੀ। ਜਦੋਂ ਉਸਨੇ ਨੇੜੇ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਜਾਂਚ ਕੀਤੀ ਤਾਂ ਇੱਕ ਨੌਜਵਾਨ ਐਕਟਿਵਾ ‘ਤੇ ਬੈਠਾ ਆਉਂਦਾ ਦਿਖਾਈ ਦਿੱਤਾ।
ਦੇਖਿਆ ਜਾ ਸਕਦਾ ਹੈ ਕਿ ਚੋਰ ਐਕਟਿਵਾ ‘ਤੇ ਬੈਠਾ ਆਲੇ-ਦੁਆਲੇ ਨੂੰ ਦੇਖਦਾ ਰਿਹਾ ਅਤੇ ਮੌਕਾ ਮਿਲਦੇ ਹੀ ਉਸਨੇ ਤਾਲਾ ਖੋਲ੍ਹ ਕੇ ਐਕਟਿਵਾ ਚੋਰੀ ਕਰ ਲਈ। ਬਾਜ਼ਾਰ ਵਿੱਚ ਲੋਕਾਂ ਨੇ ਚੋਰ ਦਾ ਚਿਹਰਾ ਪਛਾਣਨ ਦੀ ਕੋਸ਼ਿਸ਼ ਕੀਤੀ, ਪਰ ਉਸਨੂੰ ਪਛਾਣ ਨਾ ਸਕੇ। ਇਸ ਤੋਂ ਬਾਅਦ ਪੁਲਿਸ ਸਟੇਸ਼ਨ ਨੂੰ ਜਾਣਕਾਰੀ ਦਿੱਤੀ ਗਈ, ਜਿਸ ਤੋਂ ਬਾਅਦ ਪੁਲਿਸ ਸਟੇਸ਼ਨ-4 ਦੀ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਗਈ।
