ਖਬਰਿਸਤਾਨ ਨੈੱਟਵਰਕ– ਪੰਜਾਬ ਵਿੱਚ ਦੀਵਾਲੀ ਬੰਪਰ ਲਾਟਰੀ ਵਿੱਚ 11 ਕਰੋੜ ਰੁਪਏ ਦਾ ਜੇਤੂ ਆਖਰਕਾਰ ਲੱਭ ਹੀ ਗਿਆ ਹੈ। 11 ਕਰੋੜ ਰੁਪਏ ਦੀ ਲਾਟਰੀ ਜਿੱਤਣ ਵਾਲਾ ਅਮਿਤ ਸੇਹਰਾ ਹੈ, ਜੋ ਕਿ ਇੱਕ ਸਬਜ਼ੀ ਵਿਕਰੇਤਾ ਹੈ, ਜਿਸ ਨੇ ਬਠਿੰਡਾ ਦੇ ਰਤਨ ਲਾਟਰੀ ਕਾਊਂਟਰ ਤੋਂ ਟਿਕਟ ਖਰੀਦੀ ਸੀ।
ਜੇਤੂ ਜੈਪੁਰ ਦਾ ਰਹਿਣ ਵਾਲਾ
ਜੈਪੁਰ ਦਾ ਰਹਿਣ ਵਾਲਾ ਅਮਿਤ ਸੇਹਰਾ ਬਠਿੰਡਾ ਵਿੱਚ ਲਾਟਰੀ ਖਰੀਦਣ ਤੋਂ ਬਾਅਦ ਘਰ ਪਰਤਿਆ। ਉਸਨੂੰ ਲਾਟਰੀ ਡਰਾਅ ਬਾਰੇ ਪਤਾ ਨਹੀਂ ਸੀ। ਇਸ ਦੌਰਾਨ ਲਾਟਰੀ ਵਿਕਰੇਤਾਵਾਂ ਨੇ ਉਸ ਨਾਲ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਕੋਈ ਵੀ ਉਸ ਨਾਲ ਸੰਪਰਕ ਨਹੀਂ ਕਰ ਸਕਿਆ।
ਅਮਿਤ ਸੇਹਰਾ ਦੁਆਰਾ ਦਿੱਤਾ ਗਿਆ ਫ਼ੋਨ ਨੰਬਰ ਖਰਾਬ ਸੀ। ਹਾਲਾਂਕਿ, ਇੱਕ ਵਾਰ ਜਦੋਂ ਉਸਦਾ ਨੰਬਰ ਐਕਟੀਵੇਟ ਹੋ ਗਿਆ, ਤਾਂ ਉਸਨੂੰ ਸੰਪਰਕ ਕੀਤਾ ਗਿਆ ਅਤੇ ਦੱਸਿਆ ਗਿਆ ਕਿ ਉਸ ਨੇ 11 ਕਰੋੜ ਰੁਪਏ ਜਿੱਤ ਲਏ ਹਨ।
31 ਅਕਤੂਬਰ ਨੂੰ ਕੱਢਿਆ ਸੀ ਡਰਾਅ
ਅਮਿਤ ਸੇਹਰਾ ਹੁਣ ਆਪਣਾ ਲਾਟਰੀ ਇਨਾਮ ਦਾਅਵਾ ਕਰਨ ਲਈ ਪੰਜਾਬ ਆ ਰਿਹਾ ਹੈ। ਉਸਦੀ ਪਹਿਲਾਂ ਤਸਦੀਕ ਕੀਤੀ ਜਾਵੇਗੀ, ਜਿਸ ਤੋਂ ਬਾਅਦ ਉਸਨੂੰ ਲਾਟਰੀ ਇਨਾਮ ਸੌਂਪਿਆ ਜਾਵੇਗਾ।
ਜ਼ਿਕਰਯੋਗ ਹੈ ਕਿ 31 ਅਕਤੂਬਰ ਨੂੰ ਰਾਤ 8 ਵਜੇ ਡਰਅ ਕੱਢੇ ਗਏ ਸਨ, ਸਾਰੇ ਜੇਤੂਆਂ ਤੋਂ ਇਲਾਵਾ 11 ਕਰੋੜ ਦੇ ਜੇਤੂ ਦਾ ਪਤਾ ਨਹੀਂ ਲੱਗ ਪਾ ਰਿਹਾ ਸੀ।
