ਖ਼ਬਰਿਸਤਾਨ ਨੈੱਟਵਰਕ: ਜਲੰਧਰ ਇਨਫੋਰਸਮੈਂਟ ਡਾਇਰੈਕਟੋਰੇਟ (ED) ਦੇ ਵੱਖ-ਵੱਖ ਰੈਂਕਾਂ ਦੇ 13 ਅਧਿਕਾਰੀਆਂ ਦਾ ਟ੍ਰਾਂਸਫ਼ਰ ਕੀਤਾ ਗਿਆ ਹੈ। ਜਾਲੰਧਰ ਦਫ਼ਤਰ ਵਿੱਚ ਇੱਕੋ ਵਾਰ ਵੱਡਾ ਬਦਲਾਅ ਦੇਖਣ ਨੂੰ ਮਿਲਿਆ ਹੈ। ਇੱਥੋਂ ਵੱਖ-ਵੱਖ ਰੈਂਕਾਂ ਦੇ 13 ਅਧਿਕਾਰੀਆਂ ਦਾ ਤਬਾਦਲਾ ਕਰ ਦਿੱਤਾ ਗਿਆ ਹੈ। ਇਹ ਤਬਾਦਲੇ ਉਦੋਂ ਹੋਏ ਹਨ ਜਦੋਂ ਹਾਲ ਹੀ ਵਿੱਚ ਸਾਂਸਦ ਅਸ਼ੋਕ ਮਿੱਤਲ ਦੇ ਟਿਕਾਣਿਆਂ ‘ਤੇ ਛਾਪੇਮਾਰੀ ਕੀਤੀ ਗਈ ਸੀ। ਸੀਨੀਅਰ ਅਧਿਕਾਰੀਆਂ ਮੁਤਾਬਕ ਨਵੀਂ ਟੀਮ ਨੂੰ ਸੈੱਟ ਹੋਣ ਅਤੇ ਕੇਸਾਂ ਦੀ ਜਾਂਚ ਮੁੜ ਤੇਜ਼ੀ ਨਾਲ ਸ਼ੁਰੂ ਕਰਨ ਵਿੱਚ 20 ਤੋਂ 30 ਦਿਨ ਲੱਗ ਸਕਦੇ ਹਨ।
ਇਨ੍ਹਾਂ ਤਬਾਦਲਿਆਂ ਨਾਲ ਦਫ਼ਤਰ ਦੇ ਕੰਮਕਾਜ ‘ਤੇ ਅਸਰ ਪਵੇਗਾ। ਅਧਿਕਾਰੀਆਂ ਨੇ ਦੱਸਿਆ ਕਿ ਆਮ ਤੌਰ ‘ਤੇ ਸਾਲਾਨਾ ਤਬਾਦਲਿਆਂ ਵਿੱਚ ਪ੍ਰਤੀ ਸਟੇਸ਼ਨ 2-3 ਅਧਿਕਾਰੀਆਂ ਦਾ ਤਬਾਦਲਾ ਹੁੰਦਾ ਹੈ, ਪਰ ਇਸ ਵਾਰ ਜਲੰਧਰ ਤੋਂ ਵੱਖ-ਵੱਖ ਰੈਂਕਾਂ ਦੇ 13 ਅਧਿਕਾਰੀਆਂ ਦਾ ਤਬਾਦਲਾ ਕੀਤਾ ਗਿਆ ਹੈ, ਜਿਨ੍ਹਾਂ ਵਿੱਚੋਂ ਕੁਝ ਅਧਿਕਾਰੀਆਂ ਨੇ ਇੱਕ ਸਾਲ ਹੀ ਸੇਵਾ ਕੀਤੀ ਸੀ। ਲਗਭਗ ਇੰਨੇ ਹੀ ਅਧਿਕਾਰੀਆਂ ਦਾ ਅਜੇ ਅਹੁਦਾ ਸੰਭਾਲਣਾ ਬਾਕੀ ਹੈ, ਜਿਸ ਕਾਰਨ ਦਫ਼ਤਰ ਵਿੱਚ ਕਰਮਚਾਰੀਆਂ ਦੀ ਆਰਜ਼ੀ ਕਮੀ ਹੋ ਗਈ ਹੈ।
