ਖ਼ਬਰਿਸਤਾਨ ਨੈੱਟਵਰਕ:ਪਠਾਨਕੋਟ-ਸੁਜਾਨਪੁਰ ਰਸਤੇ ਦੀ ਵਰਤੋਂ ਕਰਨ ਵਾਲੇ ਯਾਤਰੀਆਂ ਲਈ ਮਹੱਤਵਪੂਰਨ ਖ਼ਬਰ ਹੈ। ਰੇਲਵੇ ਵਿਭਾਗ ਵੱਲੋਂ ਮੁਰੰਮਤ ਅਤੇ ਸੜਕ ਚੌੜਾਈ ਦੇ ਕੰਮ ਕਰਕੇ ਇਸ ਮਾਰਗ ‘ਤੇ ਸਥਿਤ ਰੇਲਵੇ ਫਾਟਕ 2 ਮਈ ਸਵੇਰੇ 8 ਵਜੇ ਤੋਂ 4 ਮਈ ਸ਼ਾਮ 7 ਵਜੇ ਤੱਕ ਬੰਦ ਰਹੇਗਾ।
ਫਾਟਕ ਬੰਦ ਹੋਣ ਕਰਕੇ ਯਾਤਰੀਆਂ ਨੂੰ ਵੱਖ-ਵੱਖ ਬਦਲਵੇਂ ਰਸਤੇ ਵਰਤਣੇ ਪੈਣਗੇ, ਜਿਸ ਨਾਲ 4 ਤੋਂ 8 ਕਿਲੋਮੀਟਰ ਤੱਕ ਵਾਧੂ ਸਫ਼ਰ ਕਰਨਾ ਪਵੇਗਾ।
ਜੰਮੂ ਜਾਂ ਸੁਜਾਨਪੁਰ ਜਾਣ ਲਈ: ਮਲਿਕਪੁਰ ਰਾਹੀਂ ਹੁੰਦੇ ਹੋਏ ਮਾਧੋਪੁਰ ਵਾਲਾ ਰਸਤੇ ਤੋਂ ਜਾ ਸਕਦੇ ਹੋ।
ਪਠਾਨਕੋਟ ਸ਼ਹਿਰ ਆਉਣ ਲਈ: ਜੁਗਿਆਲ ਰੋਡ ਜਾਂ ਕਾਠਵਾਲਾ ਪੁਲ ਵਾਲਾ ਰਸਤੇ ਤੋਂ ਜਾ ਸਕਦੇ ਹੋ।
ਹੋਰ ਰਸਤਾ: ਡਿਫੈਂਸ ਰੋਡ ਰਾਹੀਂ ਵੀ ਪਠਾਨਕੋਟ ਪਹੁੰਚਿਆ ਜਾ ਸਕਦਾ ਹੈ।
ਪ੍ਰਸ਼ਾਸਨ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਪਹਿਲਾਂ ਤੋਂ ਆਪਣੀ ਯਾਤਰਾ ਦੀ ਯੋਜਨਾ ਬਣਾਉਣ ਅਤੇ ਦੱਸੇ ਗਏ ਰਸਤੇ ਹੀ ਵਰਤਣ ਤਾਂ ਜੋ ਕਿਸੇ ਤਰ੍ਹਾਂ ਦੀ ਦਿੱਕਤ ਤੋਂ ਬਚਿਆ ਜਾ ਸਕੇ। ਰੇਲਵੇ ਅਧਿਕਾਰੀਆਂ ਮੁਤਾਬਕ ਇਹ ਕੰਮ ਸੜਕ ਦੀ ਸਮਰੱਥਾ ਵਧਾਉਣ ਲਈ ਕੀਤਾ ਜਾ ਰਿਹਾ ਹੈ, ਜਿਸ ਨਾਲ ਭਵਿੱਖ ਵਿੱਚ ਆਵਾਜਾਈ ਹੋਰ ਸੁਗਮ ਹੋਵੇਗੀ।
