ਹਰ ਸਮੇਂ ਦੇਖਭਾਲ ਤੇ ਇਲਾਜ ਫ੍ਰੀ, ਬਾਹਰਲੇ ਮੁਲਕਾਂ ਵਾਂਗ ਸਾਡੇ ਬਜ਼ੁਰਗਾਂ ਨੂੰ ਵੀ ਕਦੇ ਮਿਲ ਸਕਣਗੀਆਂ ਇਹ ਸਹੂਲਤਾਂ?

ਖਬਰਿਸਤਾਨ ਨੈਟਵਰਕ, ਨਵੀਂ ਦਿੱਲੀ- ਕਿਸੇ ਵੀ ਦੇਸ਼, ਸਮਾਜ ਜਾਂ ਪਰਿਵਾਰ ਦੀ ਖੁਸ਼ਹਾਲੀ ਇਸ ਗੱਲ ਤੋਂ ਆਂਕੀ ਜਾਂਦੀ ਹੈ ਕਿ ਉਹ ਆਪਣੇ ਬਜ਼ੁਰਗਾਂ ਦੀ ਦੇਖਭਾਲ ਲਈ ਕਿਹੋ ਜਿਹੀ ਵਿਵਸਥਾ ਡਿਵੈਲਪ ਕਰਦੇ ਹਨ। ਵੱਡੀ ਨੌਜਵਾਨ ਆਬਾਦੀ ਵਾਲੇ ਸਾਡੇ ਦੇਸ਼ ਭਾਰਤ ਦੀ ਆਬਾਦੀ ਅੱਜ 1 ਅਰਬ 40 ਕਰੋੜ ਦੇ ਨੇੜੇ ਹੈ ਜਿਸ ਵਿਚ 10.1 ਫੀਸਦੀ ਆਬਾਦੀ ਬਜ਼ੁਰਗਾਂ ਦੀ ਹੈ। ਯਾਨੀ 60 ਸਾਲ ਤੋਂ ਜ਼ਿਆਦਾ ਉਮਰ ਦੇ ਲੋਕਾਂ ਦੀ ਆਬਾਦੀ। ਐੱਨ.ਐੱਸ.ਓ. ਦੇ ਅੰਕੜਿਆਂ ਮੁਤਾਬਕ ਸਾਲ 2021 ਵਿਚ ਦੇਸ਼ ਵਿਚ ਬਜ਼ੁਰਗਾਂ ਦੀ ਆਬਾਦੀ 13 ਕਰੋੜ 80 ਲੱਖ ਸੀ ਜੋ ਕਿ ਅਗਲੇ ਇਕ ਦਹਾਕੇ ਵਿਚ ਯਾਨੀ ਸਾਲ 2031 ਤੱਕ 41 ਫੀਸਦੀ ਵੱਧ ਕੇ 19 ਕਰੋੜ 40 ਲੱਖ ਹੋ ਜਾਣ ਦਾ ਅੰਦਾਜ਼ਾ ਹੈ।

ਅੱਜ ਦੇਸ਼ ਵਿਚ ਵੱਧਦੇ ਬਿਰਧ ਆਸ਼ਰਮ ਇਸ ਗੱਲ ਦਾ ਸੰਕੇਤ ਹੈ ਕਿ ਬਜ਼ੁਰਗਾਂ ਦੀ ਦੇਖਭਾਲ ਵਿਚ ਸਮਾਜ ਜਾਂ ਸੋਸ਼ਲ ਸਕਿਓਰਿਟੀ ਸਿਸਟਮ ਕਿਤੇ ਨਾ ਕਿਤੇ ਭਰਪੂਰ ਨਹੀਂ ਹੈ। ਬੁਢੇਪੇ ਵਿਚ ਆਮਦਨ ਦੀ ਕਮੀ, ਪੈਨਸ਼ਨ ਦੀ ਦਿੱਕਤ ਅਤੇ ਪਰਿਵਾਰਾਂ ਵਿਚ ਦੇਖਭਾਲ ਦੀ ਕਮੀ ਵਿਚਾਲੇ ਅੱਜ ਦੇਸ਼ ਭਰ ਵਿਚ 750 ਤੋਂ ਜ਼ਿਆਦਾ ਓਲਡ ਏਜ ਹੋਮ ਹਨ ਜੋ ਕਿ ਸਰਕਾਰੀ ਅਤੇ ਗੈਰ ਸਰਕਾਰੀ ਮਦਦ ਨਾਲ ਚੱਲ ਰਹੇ ਹਨ ਪਰ ਇਨ੍ਹਾਂ ਵਿਚ ਵੀ ਜ਼ਿਆਦਾਤਰ ਵਿਚ ਬਹੁਤ ਬਿਹਤਰ ਸਹੂਲਤਾਂ ਨਹੀਂ ਹੋਣ ਦੀ ਗੱਲ ਹਮੇਸ਼ਾ ਸਾਹਮਣੇ ਆਉਂਦੀ ਹੈ। 

ਇਸ ਸਾਲ ਦੇ ਬਜਟ ਵਿਚ ਸੋਸ਼ਲ ਸਕਿਓਰਿਟੀ ਖਾਸ ਕਰਕੇ ਬਜ਼ੁਰਗਾਂ ਦੇ ਹਿੱਤ ਲਈ ਕੋਈ ਵਿਵਸਥਾ ਕੀਤੇ ਗਏ ਹਨ ਜਿਵੇਂ ਸੇਵਿੰਗ ਅਕਾਉਂਟ ਵਿਚ ਬਜਤ 'ਤੇ ਜ਼ਿਆਦਾ ਵਿਆਜ ਦਰ, ਇਲਾਜ ਲਈ ਸਕੀਮ ਅਤੇ ਬਜ਼ੁਰਗਾਂ ਦੇ ਇਸਤੇਮਾਲ ਵਾਲੀਆਂ ਦਵਾਈਆਂ 'ਤੇ ਰਾਹਤ ਦੇ ਕਦਮ ਪਰ ਇਕ ਵੈਲਫੇਅਰ ਸਟੇਟ ਨੂੰ ਆਪਣੀ ਬਜ਼ੁਰਗ ਹੁੰਦੀ ਆਬਾਦੀ ਲਈ ਹੋਰ ਕਿਹੜੀਆਂ ਗੱਲਾਂ 'ਤੇ ਧਿਆਨ ਦੇਣ ਦੀ ਲੋੜ ਹੈ ਇਸ ਦੇ ਲਈ ਦੁਨੀਆ ਵਿਚ ਕਈ ਦੇਸ਼ਾਂ ਵਿਚ ਚੁੱਕੇ ਗਏ ਕਦਮਾਂ ਤੋਂ ਸਿੱਖਣ ਦੀ ਲੋੜ ਹੈ। ਖਾਸ ਕਰਕੇ ਫਿਨਲੈਂਡ ਵਰਗੇ ਸਕੈਡੀਨੇਵੀਅਨ ਦੇਸ਼ਾਂ ਤੋਂ ਜੋ ਬਿਹਤਰ ਲਾਈਫਸਾਈਟਲ ਅਤੇ ਹੈਪੀਨੇਸ ਇੰਡੈਕਸ ਵਿਚ ਦੁਨੀਆ ਵਿਚ ਸਭ ਤੋਂ ਅੱਗੇ ਮੰਨੀ ਜਾਂਦੀ ਹੈ।

ਭਾਰਤ ਵਿਚ ਬੁਢੇਪਾ ਪੈਨਸ਼ਨ ਦਾ ਹਾਲ 

ਭਾਰਤ ਵਿਚ ਬਜ਼ੁਰਗਾਂ ਲਈ ਕੇਂਦਰ ਅਤੇ ਸੂਬਾ ਸਰਕਾਰਾਂ ਵਲੋਂ ਬੁਢੇਪਾ ਪੈਨਸ਼ਨ ਦੀ ਵਿਵਸਥਾ ਹੈ। ਇਹ ਵੱਖ-ਵੱਖ ਸੂਬਿਆਂ ਵਿਚ ਉਥੋਂ ਦੀਆਂ ਸੂਬਾ ਸਰਕਾਰਾਂ ਦੀ ਹਿੱਸੇਦਾਰੀ ਮੁਤਾਬਕ 600 ਰੁਪਏ ਤੋਂ 1000 ਰੁਪਏ ਤੱਕ ਹਰ ਮਹੀਨੇ ਹੁੰਦੀ ਹੈ। ਇਸ ਦੇ ਨਾਲ ਹੀ ਦਿੱਲੀ ਵਰਗੇ ਸੂਬਿਆਂ ਵਿਚ ਮੁਹੱਲਾ ਕਲੀਨਿਕ ਤਾਂ ਕੇਂਦਰ ਸਰਕਾਰ ਦੀ ਆਯੁਸ਼ਮਾਨ ਭਾਰਤ ਵਰਗੀ ਸਰਕਾਰੀ ਯੋਜਨਾਵਾਂ ਦੇ ਰਾਹੀਂ ਬਜ਼ੁਰਗਾਂ ਦੇ ਇਲਾਜ ਦੀ ਕਈ ਥਾਂ ਸਹੂਲਤਾਂ ਵੀ ਸਰਕਾਰ ਦੇ ਰਹੀ ਹੈ। ਪਰ ਸਵਾਲ ਉਠਦਾ ਹੈ ਕਿ ਬਜ਼ੁਰਗਾਂ ਦੀਆਂ ਦਿੱਕਤਾਂ ਅਤੇ ਵੱਡੀ ਆਬਾਦੀ ਨੂੰ ਧਿਆਨ ਵਿਚ ਰੱਖਦੇ ਹੋਏ ਕੀ ਇਹ ਕਦਮ ਭਰਪੂਰ ਹਨ? ਕੀ ਅਸੀਂ ਆਪਣੇ ਬਜ਼ੁਰਗਾਂ ਨੂੰ ਭਰਪੂਰ ਸੋਸ਼ਲ ਸਕਿਓਰਿਟੀ ਅਤੇ ਕੇਅਰ ਦੇ ਪਾ ਰਹੇ ਹਾਂ?

ਹੋਰਨਾਂ ਮੁਲਕਾਂ ਵਿਚ ਕੀ ਹੈ ਸਿਸਟਮ

ਵਿਸ਼ਵ ਹੈਪੀਨੈਸ ਇੰਡੈਕਸ ਵਿਚ ਨੰਬਰ-1 'ਤੇ ਆਉਣ ਵਾਲਾ ਦੇਸ਼ ਫਿਨਲੈਂਡ ਭਾਵੇਂ ਹੀ ਇਕ ਛੋਟਾ ਦੇਸ਼ ਹੈ ਪਰ ਆਪਣੇ ਬਜ਼ੁਰਗਾਂ ਲਈ ਜਿਹੋ ਜਿਹੀਆਂ ਸਹੂਲਤਾਂ ਉਥੇ ਵਿਕਸਿਤ ਕੀਤੀਆਂ ਜਾ ਚੁੱਕੀਆਂ ਹਨ ਉਸ ਨਾਲ ਸਾਡੇ ਸ਼ਹਿਰਾਂ ਅਤੇ ਸਥਾਨਕ ਪ੍ਰਸ਼ਾਸਨ ਲਈ ਕਾਫੀ ਕੁਝ ਸਿੱਖਣ ਲਾਇਕ ਹੈ। ਜਾਪਾਨ ਤੋਂ ਇਲਾਵਾ ਫਿਨਲੈਂਡ ਸਭ ਤੋਂ ਜ਼ਿਆਦਾ ਬਜ਼ੁਰਗ ਆਬਾਦੀ ਵਾਲੇ ਦੇਸ਼ਾਂ ਵਿਚੋਂ ਹੈ। ਬਿਹਤਰ ਸਿਹਤ ਸਹੂਲਤਾਂ ਅਤੇ ਸੋਸ਼ਲ ਸਕਿਓਰਿਟੀ ਸਿਸਟਮ ਕਾਰਣ ਇਥੇ ਲੋਕਾਂ ਦੀ ਲਾਈਫ ਐਕਸਪੇਟੈਂਸੀ 84 ਸਾਲ ਹੈ।ਫਿਨਲੈਂਡ ਵਿਚ 60 ਸਾਲ ਤੋਂ ਜ਼ਿਆਦਾ ਉਮਰ ਦਾ ਹਰ ਵਿਅਕਤੀ ਓਲਡ ਏਜ ਪੈਨਸ਼ਨ ਦਾ ਹੱਕਦਾਰ ਹੁੰਦਾ ਹੈ। ਫਿਨਲੈਂਡ ਦੀ ਰਾਜਧਾਨੀ ਹੇਲਸਿੰਕੀ ਵਿਚ ਉਥੋਂ ਦੇ ਸਥਾਨਕ ਪ੍ਰਸ਼ਾਸਨ ਵਲੋਂ ਬਜ਼ੁਰਗ ਲੋਕਾਂ ਲਈ ਓਲਡ ਏਜ ਪੈਨਸ਼ਨ ਦੀ 1888 ਯੂਰੋ ਦੀ ਹਰ ਮਹੀਨੇ ਦੀ ਵਿਵਸਥਾ ਹੈ ਜੋ ਕਿ ਭਾਰਤੀ ਰੁਪਏ ਵਿਚ ਇਕ ਲੱਖ 65 ਹਜ਼ਾਰ ਰੁਪਏ ਬਣਦੀ ਹੈ ਉਹ ਵੀ ਹਰ ਮਹੀਨੇ। ਇਸ ਤੋਂ ਇਲਾਵਾ ਸਿਟੀ ਪ੍ਰਸ਼ਾਸਨ ਵਲੋਂ ਬਜ਼ੁਰਗਾਂ ਨੂੰ ਫਿਜ਼ੀਕਲੀ ਅਤੇ ਸੋਸ਼ਲੀ ਐਕਟਿਵ ਰੱਖਣ ਲਈ ਵੀ ਕਈ ਤਰ੍ਹਾਂ ਦੇ ਕਦਮ ਚੁੱਕੇ ਜਾਂਦੇ ਹਨ।

ਖਬਰਿਸਤਾਨ ਪੰਜਾਬੀ ਨਾਲ ਜੁੜਨ ਲਈ ਕਲਿੱਕ ਕਰੋ

https://chat.whatsapp.com/IYWIxWuOGlq3AzG0mGNpz0

ਖਬਰਿਸਤਾਨ ਪੰਜਾਬੀ ਦੇ ਟੈਲੀਗ੍ਰਾਮ ਗਰੁੱਪ ਨਾਲ ਜੁੜਨ ਲਈ ਕਲਿੱਕ ਕਰੋ

https://t.me/+hdfPXo2PROo4NGU1