ਚੰਡੀਗੜ੍ਹ ‘ਚ ਭਿਆਨਕ ਅੱਗ ਲੱਗਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸਵੇਰੇ ਸਵੇਰੇ ਧਨਾਸ ਨੇੜੇ ਸਾਰੰਗਪੁਰ ‘ਚ ਅੱਗ ਲੱਗਣ ਨਾਲ ਚਾਰ ਦੁਕਾਨਾਂ ਸੜ ਕੇ ਸੁਆਹ ਹੋ ਗਈਆਂ। ਅੱਗ ਬੁਝਾਉਣ ਲਈ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਮੌਕੇ ‘ਤੇ ਪਹੁੰਚੀਆਂ। ਫਾਇਰ ਵਿਭਾਗ ਨੇ ਕਿਹਾ ਕਿ ਥਿਨਰ ਹੋਣ ਕਾਰਨ ਅੱਗ ਬਹੁਤ ਤੇਜ਼ੀ ਨਾਲ ਫੈਲ ਗਈ, ਜਿਸ ਕਾਰਨ ਸਾਰਾ ਸਾਮਾਨ ਸੜ ਗਿਆ। ਸਾਰੰਗਪੁਰ ਵਿੱਚ ਕਈ ਸੰਗਮਰਮਰ ਅਤੇ ਟਾਈਲ ਦੀਆਂ ਦੁਕਾਨਾਂ ਵੀ ਇਸ ਅੱਗ ਨਾਲ ਪ੍ਰਭਾਵਿਤ ਹੋਈਆਂ ਹਨ।
ਫਾਇਰ ਬ੍ਰਿਗੇਡ 5 ਗੱਡੀਆਂ ਨੇ ਅੱਗ ‘ਤੇ ਪਾਇਆ ਕਾਬੂ
ਫਰਨੀਚਰ ਮਾਰਕੀਟ ਦੇ ਗੋਦਾਮਾਂ ‘ਚ ਅੱਗ ਲੱਗ ਗਈ | ਜਿਸ ਵਿੱਚ ਲਗਭਗ 4 ਦੁਕਾਨਾਂ ਸੜ ਗਈਆਂ। ਫਾਇਰ ਵਿਭਾਗ ਨੂੰ ਪਹਿਲੀ ਸੂਚਨਾ ਸਵੇਰੇ 6.55 ਵਜੇ ਮਿਲੀ। ਅੱਗ ਬੁਝਾਉਣ ਲਈ ਸੈਕਟਰ 11, 17, 38 ਅਤੇ ਇੰਡਸਟਰੀਅਲ ਏਰੀਆ ਤੋਂ 5 ਗੱਡੀਆਂ ਪਹੁੰਚੀਆਂ।
ਉਨ੍ਹਾਂ ਨੇ ਲਗਭਗ ਇੱਕ ਘੰਟੇ ਵਿੱਚ ਅੱਗ ‘ਤੇ ਕਾਬੂ ਪਾ ਲਿਆ। ਅੱਗ ਲੱਗਣ ਨਾਲ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਬਾਕੀ ਫਰਨੀਚਰ ਅਤੇ ਸੰਗਮਰਮਰ ਦੀਆਂ ਦੁਕਾਨਾਂ ਸੁਰੱਖਿਅਤ ਹਨ।
