ਜਲੰਧਰ ਵਿਚ ਇਕ ਜੋੜੇ ਦਾ ਹੋਇਆ ਵਿਆਹ ਉਸ ਵੇਲੇ ਚਰਚਾਵਾਂ ਵਿਚ ਆ ਗਿਆ, ਜਦੋਂ ਵਿਆਹ ਦੀ ਵੀਡੀਓ ਕਾਫੀ ਵਾਇਰਲ ਹੋਈ। ਦੱਸ ਦੇਈਏ ਕਿ 2.5 ਫੁੱਟ ਕੱਦ ਦਾ ਲੰਬਾ ਲਾੜਾ ਜਸਮੇਰ ਸਿੰਘ ਅਤੇ 3.5 ਫੁੱਟ ਲੰਬੀ ਲਾੜੀ ਸੁਪ੍ਰੀਤ ਕੌਰ ਦਾ ਵਿਆਹ ਹੋਇਆ, ਜਿਨ੍ਹਾਂ ਦੇ ਵਿਆਹ ਦੀ ਵੀਡੀਓ ਕਾਫ਼ੀ ਵਾਇਰਲ ਹੋ ਰਹੀ ਹੈ।
ਕੈਨੇਡਾ ਦੀ PR ਹੈ ਲਾੜੀ
ਹਰਿਆਣਾ ਦੇ ਕੁਰੂਕਸ਼ੇਤਰ ਦੇ ਜਸਮੇਰ ਸਿੰਘ ਉਰਫ਼ ਪੋਲਾ ਮਲਿਕ ਨੇ ਸ਼ਨੀਵਾਰ ਨੂੰ ਗੁਰਦੁਆਰਾ ਸਾਹਿਬ ਵਿਖੇ ਕੈਨੇਡਾ ਤੋਂ ਆਈ ਜਲੰਧਰ ਦੀ ਸੁਪ੍ਰੀਤ ਕੌਰ ਨਾਲ ਵਿਆਹ ਕਰਵਾਇਆ। ਦੋਵਾਂ ਦੇ ਵਿਆਹ ਦੀ ਅੱਜ ਸੋਮਵਾਰ ਨੂੰ ਕੁਰੂਕਸ਼ੇਤਰ ਵਿੱਚ ਇੱਕ ਰਿਸੈਪਸ਼ਨ ਪਾਰਟੀ ਰੱਖੀ ਗਈ ਹੈ।ਲੜਕੀ ਕੈਨੇਡਾ ਦੀ ਪੱਕੀ ਪੀ ਆਰ ਹੈ।
ਦੋਵਾਂ ਦੀ ਡਾਂਸ ਕਰਦੇ ਦੀ ਵੀਡੀਓ ਵਾਇਰਲ, ਸੋਸ਼ਲ ਮੀਡੀਆ ‘ਤੇ ਹੋਇਆ ਪਿਆਰ
ਵਿਆਹ ਦੌਰਾਨ ਦੋਵਾਂ ਦੇ ਡਾਂਸ ਕਰਦੇ ਹੋਏ ਦੀ ਵੀਡੀਓ ਸੋਸ਼ਲ ਮੀਡੀਆ ਉਤੇ ਕਾਫੀ ਵਾਇਰਲ ਹੋਈ। ਦੱਸਿਆ ਜਾ ਰਿਹਾ ਹੈ ਕਿ ਦੋਵਾਂ ਦੀ ਮੁਲਾਕਾਤ ਡੇਢ ਸਾਲ ਪਹਿਲਾਂ ਸੋਸ਼ਲ ਮੀਡੀਆ ‘ਤੇ ਹੋਈ ਸੀ। ਡੇਢ ਸਾਲ ਬਾਅਦ ਦੋਵਾਂ ਨੇ ਇੱਕ ਦੂਜੇ ਨਾਲ ਵਿਆਹ ਕਰਨ ਦਾ ਫੈਸਲਾ ਕੀਤਾ। ਵਿਆਹ ਤੋਂ ਪਹਿਲਾਂ, ਸੁਪ੍ਰੀਤ ਕਈ ਵਾਰ ਪੋਲਾ ਮਲਿਕ ਨੂੰ ਉਸ ਦੇ ਪਿੰਡ ਮਿਲਣ ਆਈ ਤਾਂ ਜੋ ਉਹ ਉਸਦੇ ਪਰਿਵਾਰ ਬਾਰੇ ਜਾਣ ਸਕੇ। ਬਾਅਦ ਵਿੱਚ ਦੋਵਾਂ ਨੇ ਵਿਆਹ ਕਰਨ ਦਾ ਫੈਸਲਾ ਕੀਤਾ। ਉਨ੍ਹਾਂ ਨੇ ਆਪਣੇ ਮਾਪਿਆਂ ਨਾਲ ਪ੍ਰੇਮ ਵਿਆਹ ਬਾਰੇ ਗੱਲ ਕੀਤੀ। ਜਿਸ ਤੋਂ ਬਾਅਦ ਦੋਵਾਂ ਦੇ ਪਰਿਵਾਰ ਵਿਆਹ ਲਈ ਸਹਿਮਤ ਹੋ ਗਏ। ਪੋਲਾ ਮਲਿਕ ਕੁਰੂਕਸ਼ੇਤਰ ਦੇ ਪਿਹੋਵਾ ਸਬ-ਡਵੀਜ਼ਨ ਦੇ ਸਰਸਾ ਪਿੰਡ ਦਾ ਵਸਨੀਕ ਹੈ।
ਹਰਿਆਣਾ ਦਾ ਸਭ ਤੋਂ ਛੋਟੇ ਕੱਦ ਦਾ ਵਿਅਕਤੀ
ਪੋਲਾ ਕੋਲ ਲਗਭਗ 5 ਏਕੜ ਜ਼ਮੀਨ ਹੈ ਜਿਸ ‘ਤੇ ਉਹ ਖੇਤੀ ਕਰਦਾ ਹੈ। ਉਸ ਦਾ ਇੱਕ ਛੋਟਾ ਭਰਾ ਰਾਹੁਲ ਮਲਿਕ ਵੀ ਹੈ। ਪੋਲਾ ਮਲਿਕ ਸੋਸ਼ਲ ਮੀਡੀਆ ‘ਤੇ ਬਹੁਤ ਸਰਗਰਮ ਹੈ। ਫੇਸਬੁੱਕ ‘ਤੇ ਉਸ ਦੇ 17 ਹਜ਼ਾਰ ਅਤੇ ਇੰਸਟਾਗ੍ਰਾਮ ‘ਤੇ ਸਾਢੇ 5 ਹਜ਼ਾਰ ਫਾਲੋਅਰਜ਼ ਹਨ। ਆਪਣੇ ਅਕਾਊਂਟਸ ‘ਤੇ ਖੁਦ ਨੂੰ ਹਰਿਆਣਾ ਦਾ ਸਭ ਤੋਂ ਛੋਟਾ ਵਿਅਕਤੀ ਦੱਸਿਆ ਹੈ। ਉਹ ਆਪਣੀਆਂ ਰੀਲਾਂ ਬਣਾਉਂਦਾ ਹੈ ਅਤੇ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਅਪਲੋਡ ਕਰਦਾ ਹੈ। ਡੇਢ ਸਾਲ ਪਹਿਲਾਂ, ਪੋਲਾ ਮਲਿਕ ਦੀ ਮੁਲਾਕਾਤ ਕੈਨੇਡਾ ਵਿੱਚ ਰਹਿ ਰਹੀ ਸੁਪ੍ਰੀਤ ਕੌਰ ਨਾਲ ਇੱਕ ਸੰਸਥਾ ਦੇ ਫੇਸਬੁੱਕ ਪੇਜ ‘ਤੇ ਹੋਈ ਸੀ। ਸੁਪ੍ਰੀਤ ਨੇ ਕੈਨੇਡੀਅਨ ਨਾਗਰਿਕਤਾ ਲੈ ਲਈ ਹੈ। ਉਹ ਕਦੇ-ਕਦੇ ਭਾਰਤ ਆਉਂਦੀ ਹੈ। ਸੁਪ੍ਰੀਤ ਅਤੇ ਪੋਲਾ ਨੇ ਸੋਸ਼ਲ ਮੀਡੀਆ ‘ਤੇ ਗੱਲਾਂ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ। ਦੋਸਤੀ ਤੋਂ ਬਾਅਦ, ਦੋਵਾਂ ਵਿਚਕਾਰ ਪਿਆਰ ਹੋ ਗਿਆ। ਦੋਵਾਂ ਨੇ ਇੱਕ ਦੂਜੇ ਨੂੰ ਡੇਢ ਸਾਲ ਤੱਕ ਡੇਟ ਕੀਤਾ।
