ਖ਼ਬਰਿਸਤਾਨ ਨੈੱਟਵਰਕ: ਜਲੰਧਰ ‘ਚ ਦੇਰ ਰਾਤ ਇੱਕ ਬੇਕਾਬੂ ਬੋਲੈਰੋ ਗੱਡੀ ਦੁਕਾਨ ‘ਚ ਜਾ ਵੜੀ। ਹਾਦਸੇ ‘ਚ ਦੁਕਾਨ ‘ਚ ਮਹਿਲਾ ਦੇ ਦੋ ਬੱਚੇ ਵੀ ਮੌਜੂਦ ਸਨ। ਹਾਲਾਂਕਿ ਇਸ ਹਾਦਸੇ ‘ਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਹੈ। ਪਰ ਮਹਿਲਾ ਦੇ ਲੱਤ ‘ਤੇ ਸੱਟ ਲੱਗੀ। ਹਾਦਸੇ ਤੋਂ ਬਾਅਦ ਦੋਸ਼ੀ ਫਰਾਰ ਹੋ ਗਿਆ। ਘਟਨਾ ਦੀ ਜਾਣਕਾਰੀ ਥਾਣਾ ਨੰਬਰ 8 ਨੂੰ ਦਿੱਤੀ ਗਈ।
ਮਿਲੀ ਜਾਣਕਾਰੀ ਅਨੁਸਾਰ ਸੁੰਦਰ ਨਗਰ ਵਿੱਚ ‘ਸ਼ਿਵਮ ਮੋਬਾਈਲ ਵਰਲਡ’ ਦੀ ਦੁਕਾਨ ਦੇ ਅੰਦਰ ਇੱਕ ਮਹਿਲਾ ਬੈਠੀ ਹੋਈ ਸੀ। ਉਸੇ ਸਮੇਂ ਤੇਜ਼ ਰਫ਼ਤਾਰ ਬੋਲੈਰੋ ਗੱਡੀ ਦੁਕਾਨ ਵਿੱਚ ਵੜ ਗਈ, ਜਿਸ ਕਾਰਨ ਦੁਕਾਨ ਦਾ ਸਾਰਾ ਸਾਮਾਨ ਚਕਨਾਚੂਰ ਹੋ ਗਿਆ ਅਤੇ ਮਹਿਲਾ ਦੀ ਲੱਤ ‘ਤੇ ਹਲਕੀ ਸੱਟ ਲੱਗੀ। ਉਸ ਨੇ ਇਸ ਦੀ ਸੂਚਨਾ ਥਾਣਾ ਅੱਠ ਦੀ ਪੁਲਿਸ ਨੂੰ ਦਿੱਤੀ।
ਗੱਡੀ ਦੇ ਅਸਲ ਮਾਲਕ ਜਸਵੀਰ ਸਿੰਘ ਵਾਸੀ ਹਰਗੋਬਿੰਦ ਸਿੰਘ ਦਾ ਰਹਿਣ ਵਾਲਾ ਹੈ। ਉਸ ਨੇ ਦੱਸਿਆ ਕਿ ਉਹ ਪਿਛਲੇ ਕੁਝ ਦਿਨਾਂ ਤੋਂ ਬਿਮਾਰ ਚੱਲ ਰਿਹਾ ਹੈ । ਉਹ ਦਵਾਈ ਲੈਣ ਗੱਡੀ ਰੋਕ ਕੇ ਉਤਰਿਆ ਤਾਂ ਇਸ ਦੌਰਾਨ ਹੀ ਪਿੱਛੇ ਤੋਂ ਇੱਕ ਗੱਡੀ ਆ ਗਈ ਤੇ ਨਾਲ ਦੀ ਸੀਟ ‘ਤੇ ਬੈਠਾ ਉਸਦਾ ਸਾਥੀ ਡਰਾਈਵਰ ਸੀਟ ‘ਤੇ ਆ ਗਿਆ, ਉਸਨੇ ਬ੍ਰੇਕ ਦੀ ਥਾਂ ਰੇਸ ‘ਤੇ ਪੈਰ ਰੱਖ ਦਿੱਤਾ ਜਿਸ ਕਾਰਣ ਇਹ ਹਾਦਸਾ ਵਾਪਰਿਆ ਹੈ। ਪੁਲਿਸ ਨੇ ਗੱਡੀ ਨੂੰ ਕਜ਼ਬੇ ‘ਚ ਲੈ ਲਿਆ ਹੈ। ਪੁਲਿਸ ਪਰਿਵਾਰ ਦੇ ਬਿਆਨਾਂ ਦੇ ਆਧਾਰ ‘ਤੇ ਬਣਦੀ ਕਾਰਵਾਈ ਕਰੇਗੀ।
