ਲੁਧਿਆਣਾ ਵਿਚ ਕੁਝ ਬਦਮਾਸ਼ਾਂ ਨੇ ਪੁਲਸ ਉਤੇ ਹਮਲਾ ਕਰ ਦਿੱਤਾ, ਮਾਮਲਾ ਜਗਰਾਓਂ ਦੇ ਪਿੰਡ ਕਮਾਲਪੁਰ ਤੋਂ ਸਾਹਮਣੇ ਆਇਆ, ਜਿਥੇ ਕਾਰ ਲੁੱਟ ਦੇ ਮਾਮਲੇ ਵਿਚ ਰੇਕੀ ਕਰਨ ਗਈ ਪੁਲਸ ਟੀਮ ਉਤੇ ਕੁਝ ਬਦਮਾਸ਼ਾਂ ਨੇ ਹਮਲਾ ਕਰ ਦਿੱਤਾ।
4 ਪੁਲਸ ਮੁਲਾਜ਼ਮ ਜ਼ਖਮੀ
ਜਾਣਕਾਰੀ ਅਨੁਸਾਰ ਹਮਲੇ ਵਿੱਚ ਸਦਰ ਥਾਣੇ ਦੇ ਐਸਐਚਓ ਅਤੇ ਮਰਾਡੋ ਪੁਲਸ ਚੌਕੀ ਦੇ ਇੰਚਾਰਜ ਸਮੇਤ ਚਾਰ ਪੁਲਸ ਮੁਲਾਜ਼ਮ ਜ਼ਖਮੀ ਹੋ ਗਏ। ਐਸਐਚਓ ਦੀ ਅੱਖ ਦੇ ਨੇੜੇ ਇੱਕ ਛੋਟੀ ਤਲਵਾਰ ਲੱਗੀ ਜਦੋਂ ਕਿ ਚੌਕੀ ਇੰਚਾਰਜ ਦੀਆਂ ਉਂਗਲਾਂ ਉਤੇ ਇੱਕ ਛੋਟੀ ਤਲਵਾਰ ਲੱਗੀ।
ਇਸ ਮਾਮਲੇ ਚ ਕਾਰਵਾਈ ਕਰਨ ਪੁੱਜੀ ਸੀ ਪੁਲਸ
ਦੱਸ ਦੇਈਏ ਕਿ ਲਗਭਗ 3 ਦਿਨ ਪਹਿਲਾਂ ਪਿੰਡ ਸੰਗੋਵਾਲ ਵਿੱਚ ਗੰਨ ਪੁਆਇੰਟ ’ਤੇ ਲੁਟੇਰਿਆਂ ਨੇ ਇੱਕ ਆਲਟੋ ਕਾਰ ਲੁੱਟੀ ਸੀ।ਕਾਰ ਲੁੱਟ ਖੋਹ ਮਾਮਲੇ ਦੀ ਜਾਂਚ ਕਰਦੇ ਹੋਏ ਪੁਲਸ ਉਕਤ ਮੁਲਜ਼ਮਾਂ ਤੱਕ ਪਹੁੰਚੀ ਸੀ, ਜਿਥੇ ਬਦਮਾਸ਼ਾਂ ਨੇ ਉਨ੍ਹਾਂ ‘ਤੇ ਹਮਲਾ ਕਰ ਦਿੱਤਾ।
ਇਕ ਮੁਲਜ਼ਮ ਗ੍ਰਿਫਤਾਰ
ਹਮਲੇ ਵਿੱਚ ਐਸ.ਐਚ.ਓ ਦੀ ਅੱਖ ਨੇੜੇ ਇਕ ਛੋਟੀ ਤਲਵਾਰ, ਜਦੋਂ ਕਿ ਚੌਕੀ ਇੰਚਾਰਜ ਦੀਆਂ ਉਂਗਲਾਂ ‘ਤੇ ਸੱਟਾਂ ਲੱਗੀਆਂ। ਐਸ.ਐਚ.ਓ ਇੱਕ ਨਿੱਜੀ ਹਸਪਤਾਲ ਵਿਚ ਦਾਖਲ ਹਨ। ਇਸ ਦੌਰਾਨ ਪੁਲਸ ਨੇ ਇਕ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
