ਖ਼ਬਰਿਸਤਾਨ ਨੈੱਟਵਰਕ : 1 ਅਪ੍ਰੈਲ ਅੱਜ ਤੋਂ ਕੈਂਸਰ, ਸ਼ੂਗਰ, ਦਿਲ ਦੀ ਬੀਮਾਰੀ ਅਤੇ ਬੁਖਾਰ ਵਰਗੀਆਂ 900 ਜ਼ਰੂਰੀ ਦਵਾਈਆਂ, ਐਂਟੀਬਾਇਓਟਿਕਸ ਮਹਿੰਗੀਆਂ ਹੋ ਗਈਆਂ ਹਨ। ਸਰਕਾਰ ਨੇ ਜ਼ਰੂਰੀ ਦਵਾਈਆਂ ਦੀ ਰਾਸ਼ਟਰੀ ਸੂਚੀ (NLEM) ਵਿੱਚ ਸ਼ਾਮਲ ਦਵਾਈਆਂ ਦੀਆਂ ਕੀਮਤਾਂ ਵਿੱਚ 1.74 ਪ੍ਰਤੀਸ਼ਤ ਤੱਕ ਵਾਧੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਹ ਵਾਧਾ ਥੋਕ ਮੁੱਲ ਸੂਚਕਾਂਕ (WPI) ਦੇ ਆਧਾਰ ‘ਤੇ ਕੀਤਾ ਗਿਆ ਹੈ।
ਜਿਸ ਕਾਰਨ ਹੁਣ ਦਵਾਈ ਕੰਪਨੀਆਂ ਨੂੰ ਬਿਨਾਂ ਕਿਸੇ ਵਾਧੂ ਇਜਾਜ਼ਤ ਦੇ ਕੀਮਤਾਂ ਵਧਾਉਣ ਦੀ ਆਜ਼ਾਦੀ ਮਿਲ ਗਈ ਹੈ।
ਕਿਹੜੀਆਂ-ਕਿਹੜੀਆਂ ਦਵਾਈਆਂ ਹੋਈਆਂ ਮਹਿੰਗੀਆਂ?
ਰਿਪੋਰਟ ਦੇ ਅਨੁਸਾਰ, ਐਂਟੀਬਾਇਓਟਿਕ ਅਜ਼ੀਥਰੋਮਾਈਸਿਨ: 250mg ਦੀ ਇੱਕ ਗੋਲੀ ₹ 11.87 ਵਿੱਚ ਅਤੇ 500mg ₹ 23.98 ਵਿੱਚ ਉਪਲਬਧ ਹੋਵੇਗੀ।
ਡ੍ਰਾਈ ਸ਼ਰਬਤ (ਅਮੋਕਸੀਸਿਲਿਨ + ਕਲੇਵੂਲਨਿਕ ਐਸਿਡ): ₹2.09 ਪ੍ਰਤੀ ਮਿ.ਲੀ.।
ਦਰਦ ਨਿਵਾਰਕ ਡਾਈਕਲੋਫੇਨੈਕ: ਪ੍ਰਤੀ ਗੋਲੀ ₹2.09।
ਆਈਬਿਊਪਰੋਫ਼ੈਨ: 200 ਮਿਲੀਗ੍ਰਾਮ: ₹0.72 ਪ੍ਰਤੀ ਟੈਬਲੇਟ। 400 ਮਿਲੀਗ੍ਰਾਮ: ਪ੍ਰਤੀ ਟੈਬਲੇਟ ₹1.22।
ਡਾਇਬਟੀਜ਼ ਦਵਾਈ (ਡੈਪਾਗਲੀਫਲੋਜ਼ਿਨ + ਮੈਟਫੋਰਮਿਨ + ਗਲਾਈਮੇਪੀਰੀਡ): ਪ੍ਰਤੀ ਟੈਬਲੇਟ ₹12.74।
ਐਂਟੀਵਾਇਰਲ ਐਸਾਈਕਲੋਵਿਰ: 200 ਮਿਲੀਗ੍ਰਾਮ: ₹7.74 ਪ੍ਰਤੀ ਟੈਬਲੇਟ। 400 ਮਿਲੀਗ੍ਰਾਮ: ₹13.90 ਪ੍ਰਤੀ ਟੈਬਲੇਟ।
ਮਲੇਰੀਆ ਦਵਾਈ ਹਾਈਡ੍ਰੋਕਸਾਈਕਲੋਰੋਕਿਨ: 200 ਮਿਲੀਗ੍ਰਾਮ: ₹6.47 ਪ੍ਰਤੀ ਟੈਬਲੇਟ। 400 ਮਿਲੀਗ੍ਰਾਮ: ₹14.04 ਪ੍ਰਤੀ ਟੈਬਲੇਟ।
