ਜਲੰਧਰ ‘ਚ ਪਿਟਬੁੱਲ ਕੁੱਤੇ ਦਾ ਕਹਿਰ ਉਸ ਸਮੇਂ ਸਾਹਮਣੇ ਆਇਆ ਜਦੋਂ ਉਸ ਨੇ ਆਪਣੀ ਮਾਲਕਣ ‘ਤੇ ਹਮਲਾ ਕਰ ਦਿੱਤਾ। ਪਿਟਬੁੱਲ ਕਰੀਬ 20 ਮਿੰਟ ਤੱਕ ਆਪਣੀ ਮਾਲਕਣ ਨੂੰ ਵੱਢਦਾ ਰਿਹਾ। ਔਰਤ ਦੇ ਹੱਥਾਂ, ਲੱਤਾਂ ਅਤੇ ਸਰੀਰ ਦੇ ਹੋਰ ਕਈ ਹਿੱਸਿਆਂ ‘ਤੇ ਕੁੱਤੇ ਕੱਟਣ ਦੇ ਨਿਸ਼ਾਨ ਹਨ।
ਕਿੰਝ ਬਚੀ ਜਾਨ
ਜਿਸ ਤਰ੍ਹਾਂ ਪਿਟਬੁੱਲ ਨੇ ਔਰਤ ਉਤੇ ਹਮਲਾ ਕੀਤਾ, ਔਰਤ ਦੀ ਜਾਨ ਵੀ ਜਾ ਸਕਦੀ ਸੀ ਪਰ ਇਸ ਦੌਰਾਨ ਔਰਤ ਦੇ 8-9 ਸਾਲ ਦੇ ਬੇਟੇ ਨੇ ਹਿੰਮਤ ਦਿਖਾਉਂਦੇ ਹੋਏ ਕੁੱਤੇ ਦੇ ਮੂੰਹ ‘ਚ ਰੱਸੀ ਪਾ ਕੇ ਉਸ ਨੂੰ ਬਾਹਰ ਧੱਕਾ ਦਿੱਤਾ। ਇਸ ਨਾਲ ਔਰਤ ਦੀ ਜਾਨ ਬਚ ਗਈ।
ਪਹਿਲਾਂ ਵੀ ਲੋਕਾਂ ‘ਤੇ ਕਰ ਚੁੱਕੈ ਹਮਲਾ
ਪੁਲਿਸ ਹਾਦਸੇ ਦੀ ਜਾਂਚ ਕਰ ਰਹੀ ਹੈ। ਇਹ ਮਾਮਲਾ ਜਲੰਧਰ ਦੇ 66 ਫੁੱਟ ਰੋਡ ‘ਤੇ ਫੋਲੜੀਵਾਲ ਦੇ ਨਾਲ ਲੱਗਦੀ ਗ੍ਰੀਨ ਵੈਲੀ ਕਾਲੋਨੀ ਤੋਂ ਸਾਹਮਣੇ ਆਇਆ ਹੈ, ਜਿਥੋਂ ਦੀ ਰਹਿਣ ਵਾਲੀ ਕੰਵਲਜੀਤ ਕੌਰ (35) ਆਪਣੇ ਪਿਟਬੁੱਲ ਕੁੱਤੇ ਨੂੰ ਘਰ ਦੇ ਅੰਦਰ ਲਿਜਾਣ ਦੀ ਕੋਸ਼ਿਸ਼ ਕਰ ਰਹੀ ਸੀ ਕਿ ਕੁੱਤੇ ਨੇ ਹਮਲਾ ਕਰ ਦਿੱਤਾ।ਕੁੱਤਾ ਕਰੀਬ ਅੱਧੇ ਘੰਟੇ ਤੱਕ ਬੇਕਾਬੂ ਰਿਹਾ ਅਤੇ ਔਰਤ ਦੇ ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ਨੂੰ ਵੱਢਦਾ ਰਿਹਾ।
ਕੁੱਤੇ ਦੇ ਹਮਲੇ ਦੀ ਸੂਚਨਾ ਮਿਲਣ ’ਤੇ ਪੁਲਿਸ ਚੌਕੀ ਦੀ ਟੀਮ ਮੌਕੇ ’ਤੇ ਪੁੱਜੀ। ਲੋਕਾਂ ਦਾ ਕਹਿਣਾ ਹੈ ਕਿ ਪਿਟਬੁੱਲ ਨੇ ਪਹਿਲਾਂ ਵੀ ਲੋਕਾਂ ‘ਤੇ ਹਮਲਾ ਕੀਤਾ ਸੀ।
