ਪੰਜਾਬ ‘ਚ ਪ੍ਰਦੂਸ਼ਣ ਕੰਟਰੋਲ ਬੋਰਡ (ਪੀਪੀਸੀਬੀ) ਨਾਲ ਸਬੰਧਤ ਉਦਯੋਗਾਂ ਦਾ ਕੰਮ ਹੁਣ ਪਹਿਲ ਦੇ ਆਧਾਰ ’ਤੇ ਕੀਤਾ ਜਾਵੇਗਾ। PPCB ਨੇ ਉਦਯੋਗ ਨਾਲ ਸਬੰਧਤ ਮੁੱਦਿਆਂ ਨੂੰ ਹੱਲ ਕਰਨ ਲਈ ਹਫ਼ਤੇ ‘ਚ ਸੱਤੇ ਦਿਨ ਚੱਲਣ ਵਾਲੀ ਹੈਲਪਲਾਈਨ, ਵੈੱਬਸਾਈਟ ਅਤੇ ਚੈਟਬੋਟ ਸਹੂਲਤ ਸ਼ੁਰੂ ਕੀਤੀ ਹੈ। ਇਸ ਦੇ ਨਾਲ ਹੀ ਪਟਿਆਲਾ ਸਥਿਤ ਮੁੱਖ ਦਫ਼ਤਰ ‘ਚ ਇੱਕ ਹੈਲਪ ਡੈਸਕ ਸਥਾਪਿਤ ਕੀਤਾ ਗਿਆ ਹੈ। ਇਸ ਲਈ ਯੋਗ ਸਟਾਫ਼ ਨਿਯੁਕਤ ਕੀਤਾ ਗਿਆ ਹੈ।
ਹੈਲਪਲਾਈਨ ,ਵੈੱਬਸਾਈਟ ਅਤੇ ਚੈਟਬੋਟ ਸਹੂਲਤ ਕੀਤੀ ਸ਼ੁਰੂ
ਪ੍ਰਦੂਸ਼ਣ ਕੰਟਰੋਲ ਬੋਰਡ ਦੁਆਰਾ ਸ਼ੁਰੂ ਕੀਤੀ ਗਈ ਹੈਲਪਲਾਈਨ ਲਈ ਲੋਕਾਂ ਨੂੰ 9914498898 ‘ਤੇ ਕਾਲ ਕਰਨੀ ਪਵੇਗੀ। ਇੱਥੇ ਰੋਜ਼ਾਨਾ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਲੋਕਾਂ ਦੀਆਂ ਕਾਲਾਂ ਸੁਣੀਆਂ ਜਾਣਗੀਆਂ। ਇਸ ਦੇ ਨਾਲ ਹੀ ਤੁਹਾਨੂੰ ਵਿਭਾਗ ਦੀ ਵੈੱਬਸਾਈਟ https://ppcb.punjab.gov.in/en ‘ਤੇ ਜਾਣਾ ਹੋਵੇਗਾ। ਜਿੱਥੇ ਤੁਹਾਨੂੰ ਤੁਹਾਡੇ ਸਵਾਲਾਂ ਦੇ ਜਵਾਬ ਮਿਲਣਗੇ। ਇਸ ਚੈਟਬੋਟ ਸੇਵਾ ਵਿੱਚ 39 ਤਰ੍ਹਾਂ ਦੀਆਂ ਸੇਵਾਵਾਂ ਸ਼ਾਮਲ ਕੀਤੀਆਂ ਗਈਆਂ ਹਨ।
ਇਸ ‘ਚ ਇੰਡਸਟਰੀ ਲਗਾਉਣ, ਐਨਓਸੀ ਲੈਣ, ਇੰਡਸਟਰੀ ਦੇ ਵੱਖ-ਵੱਖ ਜ਼ੋਨਾਂ ਸਮੇਤ ਸਾਰੇ ਸਵਾਲਾਂ ਦੇ ਜਵਾਬ ਮਿਲਣਗੇ। ਇਸ ਤੋਂ ਇਲਾਵਾ ਸਿਰਫ਼ ਇੱਕ ਕਲਿੱਕ ਨਾਲ ਸਰਕਾਰੀ ਨੋਟੀਫਿਕੇਸ਼ਨਾਂ ਦੀਆਂ ਕਾਪੀਆਂ ਤੁਹਾਡੇ ਸਾਹਮਣੇ ਆ ਜਾਣਗੀਆਂ। ਇਸ ਤੋਂ ਬਾਅਦ ਤੁਸੀਂ ਆਪਣੀਆਂ ਸਮੱਸਿਆਵਾਂ ਨੂੰ ਆਸਾਨੀ ਨਾਲ ਦੂਰ ਕਰ ਸਕੋਗੇ। ਇਸ ਨਾਲ ਸਰਕਾਰ ਨੂੰ ਦੋ ਫਾਇਦੇ ਹੋਣਗੇ। ਪਹਿਲਾਂ ਤਾਂ ਉਦਯੋਗਪਤੀਆਂ ਦਾ ਝੁਕਾਅ ਸਰਕਾਰ ਵੱਲ ਵਧੇਗਾ। ਦੂਜੇ ਪਾਸੇ ਪੰਜਾਬ ਵਿੱਚ ਨਿਵੇਸ਼ ਕਰਨ ਦੇ ਚਾਹਵਾਨ ਲੋਕ ਵੀ ਸੂਬੇ ਵੱਲ ਆਕਰਸ਼ਿਤ ਹੋਣਗੇ।
PPCB ਦੇ ਚੈਟਬੋਟ ਵਿੱਚ ਸਵਾਲਾਂ ਦੇ ਮਿਲਣਗੇ ਜਵਾਬ
ਇੱਕ ਚੈਟਬੋਟ ਇੱਕ ਡਿਜੀਟਲ ਸੇਵਾ ਹੈ ਜੋ ਉਪਭੋਗਤਾਵਾਂ ਨਾਲ ਗੱਲਬਾਤ ਕਰਨ ਲਈ ਤਿਆਰ ਕੀਤੀ ਗਈ ਹੈ। ਇਹ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੀ ਵਰਤੋਂ ਕਰਦਾ ਹੈ ਅਤੇ ਟੈਕਸਟ ਜਾਂ ਅਵਾਜ਼ ਰਾਹੀਂ ਮਨੁੱਖਾਂ ਵਾਂਗ ਜਵਾਬ ਦਿੰਦਾ ਹੈ। ਚੈਟਬੋਟਸ ਦੀ ਵਰਤੋਂ ਬਹੁਤ ਸਾਰੇ ਖੇਤਰਾਂ ਵਿੱਚ ਕੀਤੀ ਜਾਂਦੀ ਹੈ, ਜਿਵੇਂ ਕਿ ਗਾਹਕ ਸਹਾਇਤਾ, ਔਨਲਾਈਨ ਖਰੀਦਦਾਰੀ, ਬੈਂਕਿੰਗ ਅਤੇ ਸਿੱਖਿਆ। ਇਹ ਸਵਾਲਾਂ ਦੇ ਜਵਾਬ ਦੇਣ, ਸੁਝਾਅ ਦੇਣ ਜਾਂ ਕੰਮ ਨੂੰ ਸਵੈਚਲਿਤ ਕਰਨ ਵਿੱਚ ਮਦਦ ਕਰਦੇ ਹਨ। ਚੈਟਬੋਟਸ 24/7 ਉਪਲਬਧ ਹਨ ਅਤੇ ਸਮੇਂ ਦੀ ਬਚਤ ਕਰਦੇ ਹੋਏ ਉਪਭੋਗਤਾ ਅਨੁਭਵ ਨੂੰ ਬਿਹਤਰ ਬਣਾਉਂਦੇ ਹਨ । ਇਹ ਅੱਜ ਦੀ ਡਿਜੀਟਲ ਦੁਨੀਆ ‘ਚ ਆਪਣੀ ਸਰਲ ਭਾਸ਼ਾ ਅਤੇ ਤੇਜ਼ ਪ੍ਰਤਿਕਿਰਿਆ ਕਾਰਨ ਬਹੁਤ ਮਸ਼ਹੂਰ ਹਨ।
