ਖ਼ਬਰਿਸਤਾਨ ਨੈੱਟਵਰਕ: ਲੁਧਿਆਣਾ ਚ ਪੁਲਿਸ ਕਮਿਸ਼ਨਰ ਦਫ਼ਤਰ ਤੋਂ ਸਿਰਫ਼ 500 ਮੀਟਰ ਦੀ ਦੂਰੀ ‘ਤੇ ਚੋਰਾਂ ਨੇ ਚੋਰੀ ਦੀ ਘਟਨਾ ਨੂੰ ਅੰਜਾਮ ਦਿੱਤਾ ਹੈ। ਪਾਰਕ ਪਲਾਜ਼ਾ ਹੋਟਲ ਦੇ ਸਾਹਮਣੇ ਵਾਲੇ ਪੁਲ ਹੇਠੋਂ ਇੱਕ ਚੋਰ ਨੇ ਦਿਨ-ਦਿਹਾੜੇ ਕਾਲੀ ਐਕਟਿਵਾ ਚੋਰੀ ਕਰ ਲਈ। ਇਹ ਘਟਨਾ ਭਾਰੀ ਟ੍ਰੈਫਿਕ ਵਾਲੀ ਜਗ੍ਹਾ ‘ਤੇ ਵਾਪਰੀ।
ਸੀਸੀਟੀਵੀ (CCTV) ਫੁਟੇਜ ਵਿੱਚ ਦੇਖਿਆ ਗਿਆ ਕਿ ਚੋਰ ਬੜੀ ਚਲਾਕੀ ਨਾਲ ਪਹਿਲਾਂ ਫ਼ੋਨ ‘ਤੇ ਗੱਲ ਕਰਦਾ ਦਿਸਦਾ ਹੈ ਤਾਂ ਜੋ ਕੋਈ ਸ਼ੱਕ ਨਾ ਕਰੇ। ਕੁਝ ਸਮਾਂ ਰੇਕੀ ਕਰਨ ਤੋਂ ਬਾਅਦ, ਉਸਨੇ ਮੌਕਾ ਮਿਲਦੇ ਹੀ ਸਕਿੰਟਾਂ ਵਿੱਚ ਐਕਟਿਵਾ ਦਾ ਲੌਕ ਤੋੜਿਆ ਅਤੇ ਫ਼ਰਾਰ ਹੋ ਗਿਆ। ਪੀੜਤ ਮੁਤਾਬਕ ਇਹ ਉਹੀ ਚੋਰ ਜਾਪਦਾ ਹੈ ਜਿਸਨੇ ਪਹਿਲਾਂ ਮਾਤਾ ਰਾਣੀ ਚੌਕ ਵਿੱਚ ਚੋਰੀ ਕੀਤੀ ਸੀ। ਪੀੜਤ ਨੇ ਪੁਲਿਸ ਤੋਂ ਜਲਦ ਕਾਰਵਾਈ ਅਤੇ ਵਾਹਨ ਬਰਾਮਦਗੀ ਦੀ ਮੰਗ ਕੀਤੀ ਹੈ। ਇਹ ਘਟਨਾ ਸ਼ਹਿਰ ਦੀ ਕਾਨੂੰਨ ਵਿਵਸਥਾ ‘ਤੇ ਵੱਡੇ ਸਵਾਲ ਖੜ੍ਹੇ ਕਰਦੀ ਹੈ।
