ਖ਼ਬਰਿਸਤਾਨ ਨੈੱਟਵਰਕ: ਭਾਰਤ ‘ਚ ਕਫ਼ ਸਿਰਪ ਮਾਮਲੇ ਤੋਂ ਬਾਅਦ ਵਿਸ਼ਵ ਸਿਹਤ ਸੰਗਠਨ ਨੇ ਭਾਰਤ ‘ਚ 3 ਮਿਲਾਵਟੀ ਕਫ ਸਿਰਪ ਨੂੰ ਲੈ ਕੇ ਚੇਤਾਵਨੀ ਜਾਰੀ ਕੀਤੀ ਹੈ। ਉਨ੍ਹਾਂ ਨੇ ਦੇਸ਼ ‘ਚ ਕਿਤੇ ਵੀ ਸਿਹਤ ਏਜੰਸੀਆਂ ਨੂੰ ਇਨ੍ਹਾਂ ਸ਼ਰਬਤਾਂ ਦੀ ਤੁਰੰਤ ਰਿਪੋਰਟ ਕਰਨ ਦੀ ਅਪੀਲ ਕੀਤੀ ਹੈ। ਰਾਇਟਰਜ਼ ਨਿਊਜ਼ ਏਜੰਸੀ ਦੇ ਅਨੁਸਾਰ, WHO ਦਾ ਕਹਿਣਾ ਹੈ ਕਿ ਇਹ ਸਿਰਪ ਬੱਚਿਆਂ ‘ਚ ਬਿਮਾਰੀਆਂ ਤੇ ਗੰਭੀਰ ਸਮੱਸਿਆਵਾਂ ਪੈਦਾ ਕਰ ਸਕਦੀ ਹੈ।
ਜਾਂਚ ਵਿੱਚ ਇਹਨਾਂ ਖੰਘ ਦੇ ਸਿਰਪ ਵਿੱਚ ਡਾਇਥਾਈਲੀਨ ਗਲਾਈਕੋਲ (DEG) ਨਾਮਕ ਇੱਕ ਜ਼ਹਿਰੀਲੇ ਰਸਾਇਣ ਦੇ ਉੱਚ ਪੱਧਰ ਪਾਏ ਗਏ ਹਨ। ਇਸ ਰੰਗਹੀਣ ਅਤੇ ਗੰਧਹੀਣ ਰਸਾਇਣ ਦੀ ਵਰਤੋਂ ਸਿਰਪ ਨੂੰ ਮਿੱਠਾ ਕਰਨ ਲਈ ਕੀਤੀ ਜਾਂਦੀ ਹੈ, ਅਤੇ ਇਹ ਮਨੁੱਖੀ ਵਰਤੋਂ ਲਈ ਨਹੀਂ ਹੈ।
ਇਨ੍ਹਾਂ 3 ਮਿਲਾਵਟੀ ਕਫ ਸਿਰਪ ਨੂੰ ਲੈ ਕੇ ਚੇਤਾਵਨੀ
ਗਲੋਬਲ ਹੈਲਥ ਏਜੰਸੀ ਨੇ ਸ਼੍ਰੀਸਨ ਫਾਰਮਾ ਦੇ ਕੋਲਡਰਿਫ (Coldrif) , ਰੈੱਡਨੇਕਸ ਫਾਰਮਾ ਦੇ ਰੈਸਪੀਫ੍ਰੈਸ਼ ਟੀਆਰ (RespifreshTR), ਅਤੇ ਸ਼ੇਪ ਫਾਰਮਾ ਦੇ ਰੀਲਾਈਫ ਸਿਰਪ (ReLife) ਦੇ ਖਾਸ ਬੈਚਾਂ ਨੂੰ ਮਿਲਾਵਟੀ ਵਜੋਂ ਪਛਾਣਿਆ ਹੈ। ਇਹ ਜਾਨਲੇਵਾ ਬਿਮਾਰੀ ਦਾ ਕਾਰਨ ਵੀ ਬਣ ਸਕਦੇ ਹਨ। WHO ਨੇ ਦੁਨੀਆ ਭਰ ਦੇ ਦੇਸ਼ਾਂ ਨੂੰ ਕਿਹਾ ਹੈ ਕਿ ਜੇਕਰ ਉਹ ਇਹ ਦਵਾਈਆਂ ਲੈ ਰਹੇ ਹਨ ਤਾਂ ਸਾਨੂੰ ਸੂਚਿਤ ਕਰਨ।
25 ਮਾਸੂਮ ਬੱਚਿਆਂ ਦੀ ਮੌਤ ਤੋਂ ਬਾਅਦ ਲਿਆ NOTICE
ਭਾਰਤ ਵਿੱਚ ਮਿਲਾਵਟੀ ਖੰਘ ਦੀ ਦਵਾਈ ਖਾਣ ਤੋਂ ਬਾਅਦ 25 ਬੱਚਿਆਂ ਦੀ ਮੌਤ ਦਾ ਨੋਟਿਸ ਲੈਂਦੇ ਹੋਏ, ਵਿਸ਼ਵ ਸਿਹਤ ਸੰਗਠਨ ਨੇ ਤਿੰਨ ਖੰਘ ਦੀਆਂ ਦਵਾਈਆਂ ਬਾਰੇ ਚੇਤਾਵਨੀ ਜਾਰੀ ਕੀਤੀ ਹੈ। ਇਸ ਵਿੱਚ ਜ਼ਹਿਰੀਲਾ ਕੋਲਡਰਿਫ ਸ਼ਰਬਤ ਵੀ ਸ਼ਾਮਲ ਹੈ ਜੋ ਮੱਧ ਪ੍ਰਦੇਸ਼ ਦੇ ਛਿੰਦਵਾੜਾ ਵਿੱਚ ਬੱਚਿਆਂ ਦੀ ਮੌਤ ਦਾ ਕਾਰਨ ਬਣਿਆ ਸੀ। WHO ਨੇ ਸਾਰੇ ਅਧਿਕਾਰੀਆਂ ਨੂੰ ਦੇਸ਼ ਵਿੱਚ ਕਿਤੇ ਵੀ ਸਿਹਤ ਏਜੰਸੀਆਂ ਨੂੰ ਇਨ੍ਹਾਂ ਸ਼ਰਬਤਾਂ ਦੀ ਤੁਰੰਤ ਰਿਪੋਰਟ ਕਰਨ ਦੀ ਅਪੀਲ ਕੀਤੀ ਹੈ।
