ਖ਼ਬਰਿਸਤਾਨ ਨੈੱਟਵਰਕ: ਮਥੁਰਾ ਦੇ ਸੁਰੀਰ ਥਾਣਾ ਖੇਤਰ ਵਿੱਚ ਸ਼ਨੀਵਾਰ ਸਵੇਰੇ ਯਮੁਨਾ ਐਕਸਪ੍ਰੈਸਵੇਅ ‘ਤੇ ਇੱਕ ਦਰਦਨਾਕ ਸੜਕ ਹਾਦਸਾ ਵਾਪਰ ਗਿਆ। ਮੀਲ ਪੱਥਰ (ਮਾਈਲਸਟੋਨ) ਨੰਬਰ 88 ਦੇ ਕੋਲ ਦਿੱਲੀ ਤੋਂ ਕਾਨਪੁਰ ਜਾ ਰਹੀ ਇੱਕ ਨਿੱਜੀ ਬੱਸ ਤੋਂ ਉਤਰੇ ਮੁਸਾਫ਼ਰਾਂ ਨੂੰ ਪਿੱਛੇ ਤੋਂ ਆ ਰਹੇ ਇੱਕ ਬੇਕਾਬੂ ਕੈਂਟਰ (ਟੈਂਕਰ) ਨੇ ਕੁਚਲ ਦਿੱਤਾ। ਇਸ ਹਾਦਸੇ ਵਿੱਚ ਛੇ ਮੁਸਾਫ਼ਰਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਇੱਕ ਮੁਸਾਫ਼ਰ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਿਆ।
ਸੂਚਨਾ ਮਿਲਦੇ ਹੀ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ। ਐਸ.ਪੀ. ਦਿਹਾਤ ਸੁਰੇਸ਼ ਚੰਦ ਰਾਵਤ ਅਨੁਸਾਰ, ਬੱਸ ਦੇ ਕੁਝ ਮੁਸਾਫ਼ਰ ਲਘੂਸ਼ੰਕਾ (ਪਿਸ਼ਾਬ) ਲਈ ਹੇਠਾਂ ਉਤਰੇ ਸਨ, ਉਦੋਂ ਹੀ ਤੇਜ਼ ਰਫ਼ਤਾਰ ਕੈਂਟਰ ਨੇ ਉਨ੍ਹਾਂ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ।
ਜਾਂਚ ਵਿੱਚ ਜੁਟੀ ਪੁਲਿਸ
ਮ੍ਰਿਤਕਾਂ ਦੀ ਪਛਾਣ ਇਸ ਤਰ੍ਹਾਂ ਹੋਈ ਹੈ ਸੋਨੂ (ਵਾਸੀ ਔਰੈਯਾ) , ਦੇਵੇਸ਼ (ਵਾਸੀ ਬਸਤੀ), ਗਣੇਸ਼ (ਵਾਸੀ ਕਨੌਜ), ਸੰਤੋਸ਼ (ਵਾਸੀ ਦਿੱਲੀ) ਦੋ ਹੋਰ ਮ੍ਰਿਤਕਾਂ ਦੀ ਪਛਾਣ ਕੀਤੀ ਜਾ ਰਹੀ ਹੈ। ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਅਮਰ ਦੁਬੇ (ਔਰੈਯਾ) ਨੂੰ ਨਜ਼ਦੀਕੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ, ਜਿੱਥੇ ਉਸਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
