ਖ਼ਬਰਿਸਤਾਨ ਨੈੱਟਵਰਕ: ਜ਼ੀਰਕਪੁਰ ਦਾ ਸੇਠੀ ਢਾਬਾ ਵਿਵਾਦਾਂ ‘ਚ ਘਿਰਦਾ ਨਜ਼ਰ ਆ ਰਿਹਾ ਹੈ। ਕਿਉਂਕਿ ਨਵਰਾਤਰੀ ਦੇ ਅੱਠਵੇਂ ਦਿਨ ਪਰਿਵਾਰ ਢਾਬੇ ‘ਤੇ ਖਾਣਾ ਖਾਣ ਗਿਆ ਸੀ। ਜਦੋਂ ਉਨ੍ਹਾਂ ਨੇ ਖਾਣਾ ਆਰਡਰ ਕੀਤਾ ਤਾਂ ਉਸ ਵਿੱਚ ਹੱਡੀਆਂ ਨਿਕਲੀ । ਖਾਣੇ ਵਿੱਚ ਹੱਡੀਆਂ ਦੇਖ ਕੇ ਪਰਿਵਾਰ ਨੂੰ ਗੁੱਸਾ ਆਇਆ ਅਤੇ ਉਨ੍ਹਾਂ ਨੇ ਇਸ ‘ਤੇ ਇਤਰਾਜ਼ ਜਤਾਇਆ ।
VEG ਖਾਣੇ ‘ਚ ਨਿਕਲੀ ਹੱਡੀਆਂ
ਔਰਤ ਅਮਰਦੀਪ ਨੇ ਦੱਸਿਆ ਕਿ ਉਸਨੇ ਆਪਣੇ ਪਰਿਵਾਰ ਨਾਲ ਸੇਠੀ ਢਾਬੇ ‘ਤੇ ਰਾਤ ਦਾ ਖਾਣਾ ਖਾਣ ਦੀ ਯੋਜਨਾ ਬਣਾਈ ਸੀ। ਉਸਨੂੰ ਉਮੀਦ ਸੀ ਕਿ ਨਵਰਾਤਰੀ ਦੇ ਮੌਕੇ ‘ਤੇ ਉਸਨੂੰ ਢਾਬੇ ‘ਤੇ ਚੰਗਾ ਸ਼ਾਕਾਹਾਰੀ ਭੋਜਨ ਮਿਲੇਗਾ। ਜਦੋਂ ਮੈਂ ਖਾਣਾ ਆਰਡਰ ਕੀਤਾ ਤਾਂ ਉਸ ਵਿੱਚ ਹੱਡੀਆਂ ਮਿਲੀਆਂ। ਇਹ ਦੇਖ ਕੇ ਸਾਰੇ ਹੈਰਾਨ ਰਹਿ ਗਏ। ਭੋਜਨ ਵਿੱਚ ਹੱਡੀਆਂ ਨਿਕਲਣ ਕਾਰਨ ਉਨ੍ਹਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚੀ ।
ਸ਼ਿਕਾਇਤ ‘ਤੇ ਜਵਾਬ ਮਿਲਿਆ ਨਵਰਾਤਰੇ ਖਤਮ ਹੋ ਗਏ
ਔਰਤ ਨੇ ਅੱਗੇ ਕਿਹਾ ਕਿ ਜਦੋਂ ਉਸਨੇ ਖਾਣੇ ਬਾਰੇ ਸ਼ਿਕਾਇਤ ਕੀਤੀ ਤਾਂ ਉਸਨੂੰ ਢਾਬੇ ਤੋਂ ਜਵਾਬ ਮਿਲਿਆ ਕਿ ਨਵਰਾਤਰੀ ਖਤਮ ਹੋ ਗਈ ਹੈ। ਇਸ ਨਾਲ ਉਸਨੂੰ ਹੋਰ ਵੀ ਦੁੱਖ ਹੋਇਆ ਕਿਉਂਕਿ ਢਾਬਾ ਮਾਲਕ ਆਪਣੀ ਗਲਤੀ ਮੰਨਣ ਦੀ ਬਜਾਏ ਇਹ ਕਹਿ ਕੇ ਮਸਲੇ ਨੂੰ ਖਤਮ ਕਰਨਾ ਚਾਹੁੰਦੇ ਸਨ ਕਿ ਨਵਰਾਤਰੀ ਖਤਮ ਹੋ ਗਈ ਹੈ।
ਹੱਡੀਆਂ ਨਹੀਂ ਸਨ ਸਬਜ਼ੀਆਂ
ਇਸ ਮਾਮਲੇ ‘ਤੇ ਢਾਬਾ ਮਾਲਕ ਵੰਸ਼ ਸੇਠੀ ਨੇ ਕਿਹਾ ਕਿ ਇਹ ਗਲਤੀ ਰਸੋਈ ਦੇ ਸਟਾਫ਼ ਤੋਂ ਹੋਈ ਹੈ। ਅਸੀਂ ਆਪਣੀ ਗਲਤੀ ਮੰਨ ਰਹੇ ਹਾਂ। ਇਹ ਅਸ਼ਟਮੀ ਦੇ ਮੌਕੇ ‘ਤੇ ਹੋਇਆ ਸੀ, ਜਿਸਨੂੰ ਅਸੀਂ ਸਵੀਕਾਰ ਕਰ ਰਹੇ ਹਾਂ ਅਤੇ ਅਸੀਂ ਇਸ ਮਾਮਲੇ ਦੀ ਜਾਂਚ ਕਰਾਂਗੇ ਕਿ ਇਹ ਕਿਵੇਂ ਹੋਇਆ।
ਪਰਿਵਾਰ ਫੂਡ ਵਿਭਾਗ ਨੂੰ ਸ਼ਿਕਾਇਤ ਕਰੇਗਾ
ਪਰਿਵਾਰ ਹੁਣ ਇਸ ਮਾਮਲੇ ਦੀ ਸ਼ਿਕਾਇਤ ਫੂਡ ਵਿਭਾਗ ਨੂੰ ਕਰੇਗਾ। ਕਨਿਕਾ ਕਹਿੰਦੀ ਹੈ ਕਿ ਖਾਣੇ ਵਿੱਚੋਂ ਇੱਕ ਹੱਡੀ ਨਿਕਲੀ ਜੋ ਕਿ ਗਲਤ ਗੱਲ ਹੈ। ਅਸੀਂ ਸ਼ਾਕਾਹਾਰੀ ਭੋਜਨ ਦਾ ਆਰਡਰ ਦਿੱਤਾ ਪਰ ਉਸ ‘ਚ ਹੱਡੀਆਂ ਨਿਕਲੀਆਂ ਸਨ। ਅਸੀਂ ਇਸ ਬਾਰੇ ਸ਼ਿਕਾਇਤ ਕਰਾਂਗੇ ਤਾਂ ਜੋ ਭਵਿੱਖ ਵਿੱਚ ਕਿਸੇ ਨਾਲ ਅਜਿਹੀ ਘਟਨਾ ਨਾ ਵਾਪਰੇ।
