ਖ਼ਬਰਿਸਤਾਨ ਨੈੱਟਵਰਕ– ਉੱਤਰ ਪ੍ਰਦੇਸ਼ ਦੇ ਝਾਂਸੀ ਜ਼ਿਲ੍ਹੇ ਤੋਂ ਇਕ ਅਜੀਬੋ ਗਰੀਬ ਮਾਮਲਾ ਸਾਹਮਣੇ ਆਇਆ ਹੈ, ਜਿਥੇ ਫੇਰੇ ਲੈਣ ਤੋਂ ਕੁਝ ਘੰਟਿਆਂ ਬਾਅਦ ਹੀ ਵਿਆਹ ਟੁੱਟ ਗਿਆ ਤੇ ਪਤੀ ਪਤਨੀ ਵੱਖ ਹੋ ਗਏ। ਇਹ ਮਾਮਲਾ ਰਕਸਾ ਥਾਣਾ ਖੇਤਰ ਦੇ ਪਿੰਡ ਬਸਾਈ ਦਾ ਹੈ
ਥਾਣੇ ਪੁੱਜਾ ਮਾਮਲਾ
ਰਿਪੋਰਟ ਮੁਤਾਬਕ ਵਰਮਾਲਾ ਅਤੇ ਸੱਤ ਫੇਰਿਆਂ ਤੋਂ ਕੁਝ ਘੰਟਿਆਂ ਬਾਅਦ ਵਿਆਹ ਟੁੱਟ ਗਿਆ ਅਤੇ ਪੰਚਾਇਤ ਥਾਣੇ ਪਹੁੰਚੀ। ਦੋਵਾਂ ਧਿਰਾਂ ਨੇ ਇੱਕ ਦੂਜੇ ਵਿਰੁੱਧ ਕਈ ਦੋਸ਼ ਲਗਾਉਂਦੇ ਹੋਏ ਪੁਲਸ ਨੂੰ ਸ਼ਿਕਾਇਤ ਕੀਤੀ। ਬਾਅਦ ਵਿੱਚ, ਦੋਵੇਂ ਧਿਰਾਂ ਆਪਸੀ ਸਹਿਮਤੀ ਨਾਲ ਵੱਖ ਹੋ ਗਈਆਂ।
ਲੜਕੀ ਦੀ ਜਾਤ ਨੂੰ ਲੁਕਾਇਆ ਗਿਆ
ਲੜਕੀ ਵਾਲੇ ਮੱਧ ਪ੍ਰਦੇਸ਼ ਤੋਂ ਹਨ ਜਦੋਂ ਕਿ ਮੁੰਡੇ ਵਾਲੇ ਝਾਂਸੀ ਦੇ। ਦੱਸਿਆ ਜਾ ਰਿਹਾ ਹੈ ਕਿ ਕੁੜੀ ਦੀ ਜਾਤ ਲੁਕਾ ਕੇ ਵਿਆਹ ਤੈਅ ਕੀਤਾ ਗਿਆ ਸੀ ਪਰ ਮਾਮਲਾ ਸਾਹਮਣੇ ਆਉਂਦੇ ਹੀ ਮਹੌਲ ਗਰਮ ਹੋ ਗਿਆ। ਵਿਆਹ ਟੁੱਟਣ ਪਿੱਛੇ ਕੁਝ ਲੋਕ ਇੱਕ ਵੱਖਰੀ ਕਹਾਣੀ ਵੀ ਦੱਸ ਰਹੇ ਹਨ।
ਮੁੰਡੇ ਵਾਲਿਆਂ ਅਨੁਸਾਰ, ਵਿਆਹ ਦੇ ਸਮੇਂ ਦੱਸਿਆ ਗਿਆ ਸੀ ਕਿ ਕੁੜੀ ਉਨ੍ਹਾਂ ਦੀ ਜਾਤ ਦੀ ਹੀ ਹੈ। ਕੁੜੀ ਵਾਲੇ ਵਿਆਹ ਲਈ ਝਾਂਸੀ ਆਏ ਸਨ ਅਤੇ ਵਿਆਹ ਇੱਥੇ ਮੰਦਰ ਵਿੱਚ ਹੋਇਆ। ਵਿਆਹ ਤੋਂ ਕੁਝ ਘੰਟਿਆਂ ਬਾਅਦ, ਜਦੋਂ ਕੁੜੀ ਦੀ ਜਾਤ ਦਾ ਖੁਲਾਸਾ ਹੋਇਆ, ਮੁੰਡੇ ਵਾਲਿਆਂ ਨੇ ਪੁਲਿਸ ਸਟੇਸ਼ਨ ਵਿੱਚ ਸ਼ਿਕਾਇਤ ਕੀਤੀ।
ਵਿਆਹ ਟੁੱਟਣ ਪਿੱਛੇ ਇਕ ਹੋਰ ਕਹਾਣੀ
ਵਿਆਹ ਟੁੱਟਣ ਪਿੱਛੇ ਇੱਕ ਹੋਰ ਕਹਾਣੀ ਚਰਚਾ ਵਿੱਚ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਵਿਆਹ ਲਈ ਲੜਕੇ ਵਾਲੇ ਪੱਖ ਨੇ ਲੜਕੀ ਵਾਲੇ ਪੱਖ ਨੂੰ 50 ਹਜ਼ਾਰ ਰੁਪਏ ਦੇਣ ਦਾ ਵਾਅਦਾ ਕੀਤਾ ਸੀ ਅਤੇ 20 ਹਜ਼ਾਰ ਪਹਿਲਾਂ ਹੀ ਦੇ ਦਿੱਤੇ ਸਨ। ਬਾਕੀ ਰਕਮ ਨਾ ਮਿਲਣ ‘ਤੇ ਵਿਆਹ ਟੁੱਟਣ ਤੱਕ ਦੀ ਨੌਬਤ ਆ ਗਈ।ਲੜਕੇ ਦੇ ਪਿਤਾ ਸ਼ਰਵਣ ਨੇ ਦੱਸਿਆ ਕਿ ਲੜਕੀ ਵਾਲਾ ਪੱਖ ਪੰਜਾਹ ਹਜ਼ਾਰ ਰੁਪਏ ਦੀ ਮੰਗ ਕਰ ਰਿਹਾ ਸੀ। ਵਿਆਹ ਤੋਂ ਪਹਿਲਾਂ ਉਸਨੇ ਗਲਤ ਜਾਤੀ ਦੱਸੀ ਸੀ, ਇਸੇ ਕਾਰਨ ਵੀ ਹਾਲਾਤ ਵਿਗੜ ਗਏ। ਹੁਣ ਵਿਆਹ ਟੁੱਟ ਗਿਆ ਹੈ। ਲਗਭਗ 18 ਘੰਟਿਆਂ ਬਾਅਦ ਵਿਆਹ ਟੁੱਟ ਗਿਆ।
ਰਕਸਾ ਪੁਲਿਸ ਸਟੇਸ਼ਨ ਦੇ ਇੰਚਾਰਜ ਰਾਹੁਲ ਰਾਠੌਰ ਨੇ ਦੱਸਿਆ ਕਿ ਵਿਆਹ ਤੋਂ ਬਾਅਦ ਦੋਵਾਂ ਧਿਰਾਂ ਵਿਚਕਾਰ ਝਗੜਾ ਹੋਇਆ ਅਤੇ ਇਸ ਸਬੰਧੀ ਥਾਣੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਗਈ। ਬਾਅਦ ਵਿੱਚ ਦੋਵਾਂ ਧਿਰਾਂ ਨੇ ਇੱਕ ਦੂਜੇ ਨਾਲ ਗੱਲ ਕੀਤੀ ਅਤੇ ਸਮਝੌਤਾ ਕੀਤਾ ਅਤੇ ਆਪਸੀ ਸਹਿਮਤੀ ਨਾਲ ਵੱਖ ਹੋ ਗਏ।
