ਖਬਰਿਸਤਾਨ ਨੈੱਟਵਰਕ– ਜਲੰਧਰ ਦੇ ਕੂਲ ਰੋਡ ਸਥਿਤ ਸ਼ਹੀਦ ਮੇਜਰ ਕਪਿਲ ਵਿਨਾਇਕ ਚੌਂਕ ਵਿਚ ਐਕਟਿਵਾ ਤੇ ਮੋਟਰਸਾਈਕਲ ਵਿੱਚਕਾਰ ਟੱਕਰ ਹੋ ਗਈ, ਜਿਸ ਵਿੱਚ ਆਪਣੇ ਭਤੀਜੇ ਨਾਲ ਜਾ ਰਹੀ ਮਹਿਲਾ ਜੋ ਮੋਟਰਸਾਈਕਲ ਉਤੇ ਸਨ, ਉਹ ਜ਼ਖਮੀ ਹੋ ਗਈ l ਐਕਟੀਵਾ ਸਵਾਰ ਨੌਜਵਾਨ ਟੱਕਰ ਮਾਰਨ ਤੋਂ ਬਾਅਦ ਮੌਕੇ ਤੋਂ ਫਰਾਰ ਹੋ ਗਿਆ। ਇਸ ਦੌਰਾਨ ਔਰਤ ਦਾ ਮੋਬਾਇਲ ਫੋਨ ਵੀ ਗਾਇਬ ਹੋ ਗਿਆ l
ਹਾਦਸੇ ਤੋਂ ਬਾਅਦ ਮੋਬਾਇਲ ਗਾਇਬ
ਔਰਤ ਨੇ ਦੱਸਿਆ ਕਿ ਉਹ ਆਪਣੇ ਭਤੀਜੇ ਦੇ ਨਾਲ ਘਰ ਤੋਂ ਸਮਾਨ ਲੈਣ ਲਈ ਨਿਕਲੀ ਸੀ ਜਦੋਂ ਚੌਕ ਵਿੱਚ ਪਹੁੰਚੇ ਤਾਂ ਸੰਵਿਧਾਨ ਚੌਕ ਬੀਐਮਸੀ ਚੌਂਕ ਤੋਂ ਇੱਕ ਐਕਟੀਵਾ ਸਵਾਰ ਨੌਜਵਾਨ ਤੇਜ਼ ਰਫਤਾਰ ਨਾਲ ਆ ਰਿਹਾ ਸੀ, ਜਿਸ ਨੇ ਸਾਨੂੰ ਟੱਕਰ ਮਾਰ ਦਿੱਤੀ, ਜਿਸ ਨਾਲ ਮੈਂ ਅਤੇ ਮੇਰਾ ਭਤੀਜਾ ਸੜਕ ਉਤੇ ਡਿੱਗ ਗਏ। ਇਸੇ ਦੌਰਾਨ ਉਹਨਾਂ ਦਾ ਮੋਬਾਈਲ ਫੋਨ ਵੀ ਡਿੱਗਿਆ ਪਰ ਚੌਂਕ ਦੇ ਇੱਕ ਸਾਈਡ ਖੜੀ ਪੁਲਿਸ ਨੂੰ ਜਦ ਇਸ ਘਟਨਾ ਬਾਰੇ ਦੱਸਣ ਗਈ ਤਾਂ ਆ ਕੇ ਦੇਖਿਆ ਤੇ ਮੋਬਾਈਲ ਫੋਨ ਗਾਇਬ ਸੀ l ਇਸ ਤੋਂ ਬਾਅਦ 112 ਨੰਬਰ ਉਤੇ ਫੋਨ ਕੀਤਾ ਅਤੇ ਸ਼ਿਕਾਇਤ ਦਰਜ ਕਰਵਾਈ ਗਈ l
ਪੁਲਸ ਕਰ ਰਹੀ ਕਾਰਵਾਈ
ਇਸ ਦੌਰਾਨ ਮੌਕੇ ਉਤੇ ਪਹੁੰਚੇ ਪੁਲਸ ਮੁਲਾਜ਼ਮਾਂ ਨੇ ਕਿਹਾ ਕਿ ਉਨਾਂ ਨੂੰ ਫੋਨ ਆਇਆ ਸੀ ਕਿ ਇੱਕ ਐਕਟਿਵਾ ਸਵਾਰ ਨੌਜਵਾਨ ਟੱਕਰ ਮਾਰ ਕੇ ਫਰਾਰ ਹੋ ਗਿਆ ਹੈ, ਜਿਸ ਤੋਂ ਬਾਅਦ ਮੌਕੇ ਤੇ ਪਹੁੰਚੇ ਹਾਂ l ਥਾਣਾ ਬਸ ਸਟੈਂਡ ਵਿੱਚ ਇਸ ਬਾਬਤ ਜਾਣਕਾਰੀ ਦੇ ਦਿੱਤੀ ਗਈ ਹੈ l ਚੌਂਕ ਦੇ ਵਿੱਚ ਲੱਗੇ ਸੀਸੀਟੀਵੀ ਫੁਟੇਜ ਵੀ ਖੰਗਾਲੇ ਜਾਣਗੇ ਜਿਸ ਤੋਂ ਬਾਅਦ ਜੋ ਬਣਦੀ ਕਾਰਵਾਈ ਹੋਵੇਗੀ ਉਹ ਕੀਤੀ ਜਾਵੇਗੀ l
