ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ ਇੰਡੀਆ (TRAI) ਦੇ ਟੈਲੀਕਾਮ ਕੰਪਨੀਆਂ ਵਿਰੁੱਧ ਕਾਰਵਾਈ ਕਰਨ ਤੋਂ ਬਾਅਦ, Jio ਅਤੇ Airtel ਨੇ ਆਪਣੇ ਪਲਾਨ ਸਸਤੇ ਕਰ ਦਿੱਤੇ ਹਨ। JIO ਅਤੇ ਏਅਰਟੈੱਲ ਨੇ ਸਿਰਫ਼ ਕਾਲਿੰਗ ਅਤੇ ਮੈਸੇਜ ਟੈਰਿਫ ਪਲਾਨ ਦੀਆਂ ਕੀਮਤਾਂ ਘਟਾ ਦਿੱਤੀਆਂ ਹਨ। ਜਿੱਥੇ ਜੀਓ ਨੇ ਕੀਮਤ 210 ਰੁਪਏ ਘਟਾ ਦਿੱਤੀ ਹੈ, ਉੱਥੇ ਹੀ ਏਅਰਟੈੱਲ ਨੇ 110 ਰੁਪਏ ਘਟਾ ਦਿੱਤੇ ਹਨ।
TRAI ਨੇ ਕੰਪਨੀਆਂ ਨੂੰ ਦਿੱਤੇ ਸਨ ਆਦੇਸ਼
ਦੱਸ ਦੇਈਏ ਕਿ ਹਾਲ ਹੀ ‘ਚ TRAI ਨੇ ਟੈਲੀਕਾਮ ਕੰਪਨੀਆਂ ਨੂੰ ਆਪਣੇ ਉਪਭੋਗਤਾਵਾਂ ਨੂੰ ਕਾਲਿੰਗ ਅਤੇ ਮੈਸੇਜ ਪੈਕ ਦੇ ਵੱਖਰੇ ਵਿਕਲਪ ਪ੍ਰਦਾਨ ਕਰਨ ਦਾ ਆਦੇਸ਼ ਦਿੱਤਾ ਸੀ। ਜਿਸ ਤੋਂ ਬਾਅਦ ਜੀਓ ਅਤੇ ਏਅਰਟੈੱਲ ਨੇ ਆਪਣੇ ਪਲਾਨ ਜਾਰੀ ਕੀਤੇ ਹਨ। ਇਨ੍ਹਾਂ ਪਲਾਨਾਂ ‘ਚ ਤੁਹਾਨੂੰ ਸਿਰਫ਼ ਕਾਲ ਅਤੇ ਮੈਸੇਜ ਵਿਕਲਪ ਮਿਲਣਗੇ। ਇਸ ਵਿੱਚੋਂ ਡਾਟਾ ਪੈਕ ਹਟਾ ਦਿੱਤਾ ਗਿਆ ਹੈ।
ਕੰਪਨੀਆਂ ਨੇ ਸਮੀਖਿਆ ਕਰਨ ਤੋਂ ਬਾਅਦ ਫੈਸਲਾ ਲਿਆ
ਦਰਅਸਲ TRAI ਦੇ ਹੁਕਮਾਂ ਤੋਂ ਬਾਅਦ, ਕੰਪਨੀਆਂ ਨੇ ਆਪਣੇ ਪੈਕਾਂ ਤੋਂ ਡਾਟਾ ਹਟਾ ਦਿੱਤਾ ਸੀ। ਪਰ ਕੀਮਤਾਂ ਘੱਟ ਨਹੀਂ ਹੋਈਆਂ ਸਨ। ਜਿਸ ਤੋਂ ਬਾਅਦ TRAI ਨੇ ਕੰਪਨੀਆਂ ਨੂੰ ਕਾਲਿੰਗ ਅਤੇ ਮੈਸੇਜ ਟੈਰਿਫ ਪਲਾਨ ਦੀ ਸਮੀਖਿਆ ਕਰਨ ਲਈ ਕਿਹਾ ਸੀ। ਇਸ ਤੋਂ ਬਾਅਦ ਕੰਪਨੀਆਂ ਨੇ ਇਸਦੀ ਸਮੀਖਿਆ ਕੀਤੀ ਅਤੇ ਫਿਰ ਕੀਮਤਾਂ ਸਸਤੀਆਂ ਹੋ ਗਈਆਂ।
ਬਿਨਾਂ ਡਾਟਾ ਦੇ ਸਸਤਾ ਪੈਕ ਚਾਹੁੰਦਾ ਹੈ ਉਪਭੋਗਤਾ
TRAI ਚਾਹੁੰਦਾ ਹੈ ਕਿ ਗਾਹਕਾਂ ਨੂੰ ਸਸਤੇ ਰੇਟ ‘ਤੇ ਗੈਰ-ਡਾਟਾ ਪੈਕ ਮਿਲਣ ਕਿਉਂਕਿ ਬਹੁਤ ਸਾਰੇ ਉਪਭੋਗਤਾ ਆਪਣੇ ਫ਼ੋਨ ਸਿਰਫ਼ ਕਾਲਿੰਗ ਲਈ ਵਰਤਦੇ ਹਨ ਪਰ ਉਨ੍ਹਾਂ ਨੂੰ ਮੌਜੂਦਾ ਡਾਟਾ ਪੈਕ ਦੇ ਨਾਲ ਕਾਲਿੰਗ + SMS ਲਈ ਰੀਚਾਰਜ ਕਰਨਾ ਪੈਂਦਾ ਹੈ ਜੋ ਕਿ ਕਾਫ਼ੀ ਮਹਿੰਗਾ ਹੁੰਦਾ ਹੈ।
