ਮਸ਼ਹੂਰ ਅਦਾਕਾਰ ਟੀਕੂ ਤਲਸਾਨੀਆ ਨੂੰ 70 ਸਾਲ ਦੀ ਉਮਰ ਵਿੱਚ ਦਿਲ ਦਾ ਦੌਰਾ ਪਿਆ ਹੈ ਅਤੇ ਉਨ੍ਹਾਂ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਟੀਕੂ ਤਲਸਾਨੀਆ ਦੀ ਹਾਲਤ ਬਹੁਤ ਗੰਭੀਰ ਹੈ। ਡਾਕਟਰ ਉਸਦੀ ਸਿਹਤ ‘ਤੇ ਲਗਾਤਾਰ ਨਜ਼ਰ ਰੱਖ ਰਹੇ ਹਨ। ਇਸ ਬਾਰੇ ਪਰਿਵਾਰ ਵੱਲੋਂ ਅਜੇ ਤੱਕ ਕੋਈ ਬਿਆਨ ਜਾਰੀ ਨਹੀਂ ਕੀਤਾ ਗਿਆ ਹੈ।
ਅਜੇ ਵੀ ਫਿਲਮਾਂ ‘ਚ ਸਰਗਰਮ
70 ਸਾਲ ਦੀ ਉਮਰ ‘ਚ ਵੀ, ਟਿੱਕੂ ਤਲਸਾਨੀਆ ਫਿਲਮ ਇੰਡਸਟਰੀ ਵਿੱਚ ਸਰਗਰਮ ਹੈ। ਆਖਰੀ ਵਾਰ ਉਨ੍ਹਾਂ ਨੂੰ ਸਾਲ 2024 ਵਿੱਚ ਰਿਲੀਜ਼ ਹੋਈ ਰਾਜਕੁਮਾਰ ਰਾਓ ਅਤੇ ਤ੍ਰਿਪਤੀ ਡਿਮਰੀ ਅਭਿਨੀਤ ਫਿਲਮ “ਵਿੱਕੀ ਵਿਦਿਆ ਕਾ ਵੋਹ ਵਾਲਾ” ਦੇ ਵੀਡੀਓ ਵਿੱਚ ਦੇਖਿਆ ਗਿਆ ਸੀ। ਪਿਛਲੇ ਕੁਝ ਸਾਲਾਂ ‘ਚ, ਉਹ ਰਣਵੀਰ ਸਿੰਘ ਦੇ ਸਰਕਸ ਅਤੇ ਹੰਗਾਮਾ 2 ‘ਚ ਵੀ ਨਜ਼ਰ ਆ ਚੁੱਕੇ ਹੈ।
ਆਪਣੇ ਕਰੀਅਰ ਦੀ ਸ਼ੁਰੂਆਤ ਇੱਕ ਟੀਵੀ ਸ਼ੋਅ ਨਾਲ ਕੀਤੀ
ਟਿਕੂ ਤਲਸਾਨੀਆ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 1984 ਵਿੱਚ ਟੀਵੀ ਸ਼ੋਅ ‘ਯੇ ਜੋ ਹੈ ਜ਼ਿੰਦਗੀ’ ਨਾਲ ਕੀਤੀ ਸੀ। 1986 ਵਿੱਚ, ਉਨ੍ਹਾਂ ਨੇ ਫਿਲਮ ‘ਪਿਆਰ ਕੇ ਦੋ ਪਲ’ ਨਾਲ ਬਾਲੀਵੁੱਡ ਵਿੱਚ ਪ੍ਰਵੇਸ਼ ਕੀਤਾ। ਆਪਣੇ ਚਾਰ ਦਹਾਕਿਆਂ ਦੇ ਲੰਬੇ ਸਫ਼ਰ ਵਿੱਚ, ਉਨ੍ਹਾਂ ਨੇ ਕਈ ਅਜਿਹੇ ਕਿਰਦਾਰ ਨਿਭਾਏ ਜਿਨ੍ਹਾਂ ਨੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ। ਟੀਕੂ ਤਲਸਾਨੀਆ ਖਾਸ ਤੌਰ ‘ਤੇ ਆਪਣੀਆਂ ਸ਼ਾਨਦਾਰ ਕਾਮਿਕ ਭੂਮਿਕਾਵਾਂ ਲਈ ਜਾਣਿਆ ਜਾਂਦਾ ਹੈ। ਉਨ੍ਹਾਂ ਦੀ ਕਾਮੇਡੀ ਟਾਈਮਿੰਗ ਅਤੇ ਡਾਇਲਾਗ ਡਿਲੀਵਰੀ ਨੇ ਹਮੇਸ਼ਾ ਦਰਸ਼ਕਾਂ ਨੂੰ ਕੀਲਿਆ ਹੈ।
ਇਨ੍ਹਾਂ ਵੱਡੀਆਂ ਫਿਲਮਾਂ ਵਿੱਚ ਕੰਮ ਕੀਤਾ
ਟਿੱਕੂ ਤਲਸਾਨੀਆ ਨੇ ਦੇਵਦਾਸ, ਜੋੜੀ ਨੰਬਰ ਵਨ, ਸ਼ਕਤੀਮਾਨ, ਕੁਲੀ ਨੰਬਰ 1, ਰਾਜਾ ਹਿੰਦੁਸਤਾਨੀ, ਦਰਾਰ, ਜੁੜਵਾ, ਪਿਆਰ ਕੀਆ ਤੋ ਡਰਨਾ ਕਿਆ, ਰਾਜੂ ਚਾਚਾ, ਮੇਲਾ, ਅੱਖੀਓਂ ਸੇ ਗੋਲੀ ਮਾਰੇ, ਹੰਗਾਮਾ, ਢੋਲ, ਧਮਾਲ ਅਤੇ ਸਪੈਸ਼ਲ 26 ਵਰਗੀਆਂ ਸੈਂਕੜੇ ਫਿਲਮਾਂ ਵਿੱਚ ਕੰਮ ਕੀਤਾ ਹੈ।
