ਖ਼ਬਰਿਸਤਾਨ ਨੈੱਟਵਰਕ: ਪੰਜਾਬ ਸਰਕਾਰ ਨੇ ਦੇਰ ਰਾਤ ਪ੍ਰਸ਼ਾਸਨਿਕ ਪੱਧਰ ‘ਤੇ ਵੱਡਾ ਫੇਰਬਦਲ ਕਰਦੇ ਹੋਏ ਦੋ ਜ਼ਿਲ੍ਹਿਆਂ ਦੇ ਡਿਪਟੀ ਕਮਿਸ਼ਨਰ (DC) ਬਦਲ ਦਿੱਤੇ ਹਨ। ਪੂਨਮਦੀਪ ਕੌਰ ਨੂੰ ਸੰਗਰੂਰ ਦਾ ਨਵਾਂ DC ਨਿਯੁਕਤ ਕੀਤਾ ਗਿਆ ਹੈ। ਉੱਥੇ ਹੀ ਰਾਹੁਲ ਚਾਬਾ ਨੂੰ ਫ਼ਰੀਦਕੋਟ ਦਾ DC ਬਣਾਇਆ ਗਿਆ ਹੈ।
SSP ਪੱਧਰ ‘ਤੇ ਵੀ ਵੱਡਾ ਫੇਰਬਦਲ
ਸਰਕਾਰ ਨੇ ਪੁਲਿਸ ਵਿਭਾਗ ਵਿੱਚ ਵੀ ਬਦਲਾਅ ਕਰਦੇ ਹੋਏ ਚਾਰ SSP ਦੇ ਤਬਾਦਲੇ ਕੀਤੇ ਹਨ। ਨਵੇਂ ਹੁਕਮਾਂ ਅਨੁਸਾਰ, ਸਰਤਾਜ ਚਾਹਲ ਨੂੰ ਸੰਗਰੂਰ ਦੇ SSP ਅਹੁਦੇ ਤੋਂ ਹਟਾ ਕੇ ਮੋਗਾ ਦਾ ਨਵਾਂ SSP ਨਿਯੁਕਤ ਕੀਤਾ ਗਿਆ ਹੈ। ਉੱਥੇ ਹੀ ਰਵਜੋਤ ਗਰੇਵਾਲ ਹੁਣ ਸੰਗਰੂਰ ਦੇ ਨਵੇਂ SSP ਹੋਣਗੇ।
ਮੋਗਾ ਵਿੱਚ ਤਾਇਨਾਤ SSP ਅਜੇ ਗਾਂਧੀ ਨੂੰ AIG ਪ੍ਰੋਵੀਜ਼ਨਿੰਗ ਦੇ ਅਹੁਦੇ ‘ਤੇ ਭੇਜਿਆ ਗਿਆ ਹੈ। ਗਗਨ ਅਜੀਤ ਸਿੰਘ ਨੂੰ ਫਾਜ਼ਿਲਕਾ ਦਾ ਨਵਾਂ SSP ਬਣਾਇਆ ਗਿਆ ਹੈ। ਉਨ੍ਹਾਂ ਦੀ ਥਾਂ ਗੁਰਮੀਤ ਸਿੰਘ ਨੂੰ ਮਾਲੇਰਕੋਟਲਾ ਦਾ SSP ਨਿਯੁਕਤ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਸੁਖਨਾਜ਼ ਸਿੰਘ ਨੂੰ ਵਿਜੀਲੈਂਸ ਬਿਊਰੋ ਵਿੱਚ ਤਾਇਨਾਤੀ ਦਿੱਤੀ ਗਈ ਹੈ।
