ਪੰਜਾਬ ਵਿੱਚ ਭਲਕੇ ਯਾਨੀ 3 ਅਕਤੂਬਰ ਨੂੰ ਸਰਕਾਰੀ ਛੁੱਟੀ ਦਾ ਐਲਾਨ ਕੀਤਾ ਗਿਆ ਹੈ। ਇਸ ਦਿਨ ਸੂਬੇ ਭਰ ਦੇ ਸਕੂਲਾਂ, ਕਾਲਜਾਂ, ਵਿਦਿਅਕ ਅਦਾਰਿਆਂ ਅਤੇ ਹੋਰ ਵਪਾਰਕ ਇਕਾਈਆਂ ਵਿੱਚ ਛੁੱਟੀ ਰਹੇਗੀ। ਦਰਅਸਲ ਵੀਰਵਾਰ ਨੂੰ ਮਹਾਰਾਜਾ ਅਗਰਸੇਨ ਦਾ ਜਨਮ ਦਿਨ ਅਤੇ ਨਵਰਾਤਰੀ ਦੀ ਸਥਾਪਨਾ ਹੈ, ਜਿਸ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ।
ਜਾਣੋ ਮਹਾਰਾਜਾ ਅਗਰਸੇਨ ਕੌਣ ਸਨ
ਮਹਾਰਾਜਾ ਅਗਰਸੇਨ ਨੂੰ ਅਗਰਵਾਲ ਭਾਈਚਾਰੇ ਦਾ ਪਿਤਾਮਹਾ ਕਿਹਾ ਜਾਂਦਾ ਹੈ। ਹਰ ਸਾਲ ਅਸ਼ਵਿਨ ਸ਼ੁਕਲ ਪ੍ਰਤਿਪਦਾ ਨੂੰ ਮਹਾਰਾਜਾ ਅਗਰਸੇਨ ਦਾ ਜਨਮ ਦਿਵਸ ਮਨਾਇਆ ਜਾਂਦਾ ਹੈ। ਇਹ ਦਿਨ ਨਵਰਾਤਰੀ ਦਾ ਪਹਿਲਾ ਦਿਨ ਵੀ ਹੈ। ਇਸ ਦਿਨ ਵਪਾਰ ਮੰਡਲ ਦੇ ਲੋਕ ਮਹਾਰਾਜ ਅਗਰਸੇਨ ਦੀ ਪੂਜਾ ਕਰਦੇ ਹਨ।
ਮਹਾਰਾਜਾ ਅਗਰਸੇਨ ਦਾ ਜਨਮ ਸ਼੍ਰੀ ਰਾਮ ਦੀ 34ਵੀਂ ਪੀੜ੍ਹੀ ਵਿੱਚ ਦੁਆਪਰ ਦੇ ਆਖ਼ਰੀ ਦੌਰ ਅਤੇ ਕਲਿਯੁਗ ਦੀ ਸ਼ੁਰੂਆਤ ਵਿੱਚ ਹੋਇਆ ਸੀ। ਉਹ ਪ੍ਰਤਾਪ ਨਗਰ ਦੇ ਰਾਜਾ ਵੱਲਭਸੇਨ ਅਤੇ ਮਾਤਾ ਭਗਵਤੀ ਦੇਵੀ ਦੇ ਵੱਡੇ ਪੁੱਤਰ ਸਨ। ਪ੍ਰਤਾਪ ਨਗਰ ਰਾਜਸਥਾਨ ਅਤੇ ਹਰਿਆਣਾ ਦੇ ਵਿਚਕਾਰ ਸਰਸਵਤੀ ਨਦੀ ਦੇ ਕੰਢੇ ਸਥਿਤ ਹੈ। ਅਗਰਸੇਨ ਜਯੰਤੀ ਹਰਿਆਣਾ, ਯੂ ਪੀ ਵਿੱਚ ਬਹੁਤ ਧੂਮਧਾਮ ਨਾਲ ਮਨਾਈ ਜਾਂਦੀ ਹੈ।ਮਹਾਰਾਜਾ ਅਗਰਸੇਨ ਨੇ ਅਗਰੋਹਾ ਰਾਜ ਦੀ ਸਥਾਪਨਾ ਕੀਤੀ ਸੀ।