ਖਬਰਿਸਤਾਨ ਨੈੱਟਵਰਕ- ਜੇਬ ਵਿਚ ਪਏ ਇਕ ਮੋਬਾਇਲ ਵਿਚ ਧਮਾਕਾ ਹੋਣ ਨਾਲ ਇਕ ਨੌਜਵਾਨ ਝੁਲਸ ਗਿਆ। ਮਾਮਲਾ ਯੂ ਪੀ ਦੇ ਬਾਰਾਬੰਕੀ ਜ਼ਿਲ੍ਹਾ ਹਸਪਤਾਲ ਤੋਂ ਸਾਹਮਣੇ ਆਇਆ ਹੈ, ਜਿਥੇ ਐਮਰਜੈਂਸੀ ਵਾਰਡ ਵਿੱਚ ਸ਼ਨੀਵਾਰ ਸਵੇਰੇ ਇੱਕ ਮਰੀਜ਼ ਦੀ ਜੇਬ ਵਿੱਚ ਰੱਖਿਆ ਮੋਬਾਈਲ ਫੋਨ ਅਚਾਨਕ ਧਮਾਕੇ ਨਾਲ ਫਟ ਗਿਆ।
ਹਾਦਸੇ 'ਚ ਜ਼ਖਮੀ ਨੌਜਵਾਨ ਹਸਪਤਾਲ 'ਚ ਸੀ ਦਾਖਲ
ਉੱਜਵਲ ਨਗਰ ਦਾ ਅਵਨੀਸ਼ ਪਾਲ ਲਖਨਊ ਜਾ ਰਿਹਾ ਸੀ ਕਿ ਉਹ ਇੱਕ ਸੜਕ ਹਾਦਸੇ ਵਿੱਚ ਜ਼ਖਮੀ ਹੋ ਗਿਆ। ਇੱਕ ਕਾਰ ਨੇ ਉਸ ਦੀ ਬਾਈਕ ਨੂੰ ਟੱਕਰ ਮਾਰ ਦਿੱਤੀ। ਲੋਕਾਂ ਨੇ ਉਸ ਨੂੰ ਜ਼ਿਲ੍ਹਾ ਹਸਪਤਾਲ ਵਿਚ ਦਾਖਲ ਕਰਵਾਇਆ ਸੀ, ਜਿਥੇ ਉਸ ਦਾ ਇਲਾਜ ਚੱਲ਼ ਰਿਹਾ ਸੀ ਕਿ ਜੇਬ ਵਿਚ ਪਏ ਮੋਬਾਇਲ ਵਿਚ ਧਮਾਕਾ ਹੋ ਗਿਆ।
ਮੋਬਾਇਲ ਵਿਚੋਂ ਅਚਾਨਕ ਨਿਕਲਿਆਂ ਧੂੰਆਂ ਤੇ ਹੋ ਗਿਆ ਧਮਾਕਾ
ਐਮਰਜੈਂਸੀ ਵਾਰਡ ਵਿੱਚ ਇਲਾਜ ਦੌਰਾਨ, ਅਵਨੀਸ਼ ਦੀ ਜੇਬ ਵਿੱਚ ਰੱਖੇ ਮੋਬਾਈਲ ਵਿੱਚੋਂ ਅਚਾਨਕ ਧੂੰਆਂ ਨਿਕਲਣਾ ਸ਼ੁਰੂ ਹੋ ਗਿਆ। ਕੁਝ ਸਕਿੰਟਾਂ ਬਾਅਦ ਫ਼ੋਨ ਫਟ ਗਿਆ ਅਤੇ ਅੱਗ ਲੱਗ ਗਈ। ਇਸ ਘਟਨਾ ਕਾਰਨ ਵਾਰਡ ਵਿੱਚ ਮੌਜੂਦ ਮਰੀਜ਼ ਅਤੇ ਵਾਰਡ ਬੁਆਏ ਘਬਰਾ ਗਏ ਤੇ ਹਫੜਾ-ਦਫੜੀ ਵਾਲਾ ਮਹੌਲ ਬਣ ਗਿਆ।
ਹਾਦਸੇ ਕਾਰਣ ਮੋਬਾਇਲ ਹੋ ਗਿਆ ਸੀ ਡੈਮੇਜ
ਹਸਪਤਾਲ ਦੇ ਸਟਾਫ ਨੇ ਤੁਰੰਤ ਅੱਗ ਬੁਝਾਉਣ ਵਾਲੇ ਸਿਲੰਡਰ ਨਾਲ ਅੱਗ ਬੁਝਾਈ। ਇਸ ਹਾਦਸੇ ਵਿੱਚ ਕੋਈ ਜ਼ਖਮੀ ਨਹੀਂ ਹੋਇਆ। ਮੋਟੋਰੋਲਾ ਕੰਪਨੀ ਦਾ ਇਹ ਮੋਬਾਈਲ ਹਾਦਸੇ ਵਿੱਚ ਪਹਿਲਾਂ ਹੀ ਨੁਕਸਾਨਿਆ ਗਿਆ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਅੱਗ ਡੈਮੇਜ ਹੋਏ ਫ਼ੋਨ ਵਿੱਚ ਸ਼ਾਰਟ ਸਰਕਟ ਕਾਰਨ ਲੱਗੀ।