ਲੁਧਿਆਣਾ-ਫ਼ਿਰੋਜ਼ਪੁਰ ਰੋਡ 'ਤੇ ਚੱਲਦੇ ਥਾਰ ਦੇ AC 'ਚ ਅਚਾਨਕ ਅੱਗ ਲੱਗ ਗਈ। ਥਾਰ ਵਿੱਚੋਂ ਧੂੰਆਂ ਨਿਕਲਦਾ ਦੇਖ ਡਰਾਈਵਰ ਨੇ ਕਾਰ ਸੜਕ ਕਿਨਾਰੇ ਰੋਕ ਦਿੱਤੀ ਅਤੇ ਬੱਚਿਆਂ ਨੂੰ ਸੁਰੱਖਿਅਤ ਬਾਹਰ ਕੱਢਿਆ। ਥਾਰ ਵਿੱਚ ਅੱਗ ਦੀਆਂ ਲਪਟਾਂ ਨੂੰ ਦੇਖ ਕੇ KFC ਰੈਸਟੋਰੈਂਟ ਦੇ ਕਰਮਚਾਰੀਆਂ ਨੇ ਜਲਦੀ ਨਾਲ ਅੱਗ ’ਤੇ ਕਾਬੂ ਪਾਇਆ।
ਕਾਰ ਚਾਲਕ ਦੀ ਪਛਾਣ ਤਜਿੰਦਰ ਸਿੰਘ ਵਾਸੀ ਹੈਬੋਵਾਲ ਵਜੋਂ ਹੋਈ ਹੈ। ਤਜਿੰਦਰਾ ਦੇ ਨਾਲ ਉਸਦੇ ਦੋ ਬੱਚੇ ਕਾਰ ਵਿੱਚ ਸਫ਼ਰ ਕਰ ਰਹੇ ਸਨ। ਫਿਰ ਡੈਸ਼ ਬੋਰਡ ਤੋਂ ਧੂੰਆਂ ਨਿਕਲਦਾ ਦਿਸਿਆ ।ਤੇਜਿੰਦਰ ਸਿੰਘ ਅਨੁਸਾਰ ਜਲਦੀ ਹੀ ਉੱਥੋਂ ਅੱਗ ਨਿਕਲਣ ਲੱਗੀ ਅਤੇ ਉਸ ਨੇ ਬੱਚਿਆਂ ਨੂੰ ਕਾਰ ਵਿੱਚੋਂ ਬਾਹਰ ਕੱਢ ਕੇ ਆਪਣਾ ਬਚਾਅ ਕੀਤਾ।
ਸਵੀਮਿੰਗ ਲਈ ਬੱਚਿਆ ਨੂੰ ਛੱਡਣ ਜਾ ਰਿਹਾ ਸੀ ਸਕੂਲ
ਕਾਰ ਚਾਲਕ ਤਜਿੰਦਰਾ ਨੇ ਦੱਸਿਆ ਕਿ ਉਹ ਬੱਚਿਆਂ ਨੂੰ ਸ੍ਰੀ ਰਾਮ ਗਲੋਬਲ ਸਕੂਲ ਸਰਾਭਾ ਨਗਰ ਦੇ ਸਵੀਮਿੰਗ ਪੂਲ ’ਤੇ ਛੱਡਣ ਜਾ ਰਿਹਾ ਸੀ। ਘਟਨਾ ਵਾਲੀ ਥਾਂ 'ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਕਾਰ 'ਚੋਂ ਧੂੰਆਂ ਨਿਕਲਦੇ ਹੀ ਕਾਰ ਦੇ ਮਾਲਕ ਨੇ ਰੌਲਾ ਪਾਇਆ |
ਥਾਰ ਦੇ ਖੁੱਲੇ ਸੇਫਟੀ ਏਅਰ ਬੈਗ
ਘਟਨਾ ਵਾਲੀ ਥਾਂ 'ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਥਾਰ 'ਚੋਂ ਧੂੰਆਂ ਨਿਕਲਣ ਤੋਂ ਬਾਅਦ ਡਰਾਈਵਰ ਨੇ ਰੌਲਾ ਪਾਇਆ । ਜਦੋਂ ਤੱਕ ਕੁਝ ਲੋਕ ਇਕੱਠੇ ਹੋਏ, ਤਦ ਤਕ ਤਾਰਾਂ 'ਚੋ ਸਪਾਰਕਿੰਗ ਹੋ ਚੁੱਕੀ ਸੀ । ਕੰਡਕਟਰ ਦੀ ਸੀਟ ਤੋਂ ਸੇਫਟੀ ਏਅਰ ਬੈਗ ਖੁੱਲ ਗਿਆ ਸੀ । ਟਰੈਫਿਕ ਪੁਲੀਸ ਨੇ ਮੌਕੇ ’ਤੇ ਪਹੁੰਚ ਕੇ ਸੜਕ ’ਤੇ ਲੱਗੇ ਜਾਮ ਨੂੰ ਹਟਵਾਇਆ ਅਤੇ ਗੱਡੀ ਨੂੰ ਸਰਵਿਸ ਸਟੇਸ਼ਨ ’ਤੇ ਪਹੁੰਚਾਇਆ।