ਖਬਰਿਸਤਾਨ ਨੈੱਟਵਰਕ- ਤਰਨਤਾਰਨ ਵਿਚ ਹੋਇਆ ਵਿਆਹ ਉਸ ਵੇਲੇ ਚਰਚਾ ਵਿਚ ਆ ਗਿਆ ਜਦੋਂ ਲਾੜੇ ਨੇ ਲਾੜੀ ਉਤੇ ਲੱਖਾਂ ਰੁਪਏ ਵਾਰ ਦਿੱਤੇ, ਜਿਸ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਲਾੜੇ ਨੇ ਆਪਣੀ ਲਾੜੀ ‘ਤੇ ਕਰੰਸੀ ਨੋਟਾਂ ਦੀ ਵਰਖਾ ਕੀਤੀ, ਜੋ ਹੁਣ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।
ਵੀਡੀਓ ਹੋਈ ਵਾਇਰਲ
ਵਾਇਰਲ ਹੋਈ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਲਾੜਾ ਦੁਲਹਨ ‘ਤੇ ਨੋਟਾਂ ਦੀ ਵਰਖਾ ਕਰ ਰਿਹਾ ਹੈ, ਜਿਸ ਨਾਲ ਡਾਂਸ ਫਲੌਰ ਪੂਰੀ ਤਰ੍ਹਾਂ ਭਰ ਜਾਂਦਾ ਹੈ। ਵਿਆਹ ਵਿੱਚ ਮੌਜੂਦ ਲੋਕਾਂ ਨੇ ਵੀਡੀਓ ਬਣਾਈ ਅਤੇ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰ ਦਿੱਤੀ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ, ਇਹ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਸੋਸ਼ਲ ਮੀਡੀਆ ‘ਤੇ ਕੁਝ ਯੂਜ਼ਰ ਇਸ ਨੂੰ ਪੈਸੇ ਦੀ ਬਰਬਾਦੀ ਕਹਿ ਰਹੇ ਹਨ, ਜਦੋਂ ਕਿ ਕੁਝ ਇਸ ਨੂੰ ਲਾੜੇ ਦਾ ਸ਼ਾਹੀ ਅੰਦਾਜ਼ ਕਹਿ ਰਹੇ ਹਨ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ, ਅਫਵਾਹਾਂ ਫੈਲਣ ਲੱਗੀਆਂ ਕਿ ਲਾੜੇ ਨੇ ਕਰੋੜਾਂ ਰੁਪਏ ਵਾਰ ਦਿੱਤੇ। ਹਾਲਾਂਕਿ, ਵਿਆਹ ਵਿੱਚ ਮੌਜੂਦ ਡੀ ਜੇ ਵਾਲੇ ਨੇ ਇਸ ਤੋਂ ਇਨਕਾਰ ਕੀਤਾ ਹੈ।
ਕਰੋੜਾਂ ਰੁਪਏ ਨਹੀਂ, ਸਗੋਂ 3 ਲੱਖ ਰੁਪਏ ਵਾਰੇ
ਵਿਆਹ ਵਿਚ ਆਏ ਡੀ ਜੇ ਵਾਲੇ ਅਨੁਸਾਰ, ਵਿਆਹ ਵਿੱਚ ਕਰੋੜਾਂ ਨਹੀਂ, ਸਗੋਂ ਲਗਭਗ 3 ਲੱਖ ਰੁਪਏ ਲਾੜੇ ਨੇ ਲਾੜੀ ਉਤੇ ਵਾਰ ਦਿੱਤੇ ਕਿਉਂਕਿ ਜ਼ਿਆਦਾਤਰ ਨੋਟ 10 ਰੁਪਏ ਦੇ ਸਨ, ਇਸ ਲਈ ਇਹ ਬਹੁਤ ਜ਼ਿਆਦਾ ਲੱਗਦੇ ਸਨ ਪਰ ਅਸਲ ਵਿੱਚ, ਲਾੜੇ ਅਤੇ ਉਸ ਦੇ ਪਰਿਵਾਰ ਦੁਆਰਾ ਸਿਰਫ 3 ਲੱਖ ਰੁਪਏ ਵਾਰੇ ਗਏ ਸਨ।
