ਖ਼ਬਰਿਸਤਾਨ ਨੈੱਟਵਰਕ: ਅਕਸਰ ਭੀੜ ਵਾਲੀਆਂ ਥਾਵਾਂ ਰੇਲਵੇ ਸਟੇਸ਼ਨ,ਬੱਸਾਂ ਤੇ ਮੈਟਰੋ ‘ਚ ਬੈਗ ਜਾਂ ਪਰਸ ਚੋਰੀ ਹੋ ਜਾਂਦਾ ਹੈ। ਕਈ ਵਾਰ ਲੁੱਟ-ਖੋਹ ਦੌਰਾਨ ਵੀ ਪਰਸ ਤੇ ਫ਼ੋਨ ਆਦਿ ਚੋਰੀ ਹੋ ਜਾਂਦੇ ਹਨ, ਉਸਦੇ ਨਾਲ ਹੀ ਸਾਡੇ ਆਧਾਰ, ਪੈਨ, ਏਟੀਐਮ ਵਰਗੇ ਡਾਕੂਮੈਂਟ ਵੀ ਚੋਰੀ ਹੋ ਜਾਂਦੇ ਹਨ। ਜਿਸ ਕਾਰਨ ਬਹੁਤ ਸਾਰੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਿਉਕਿ ਇਨ੍ਹਾਂ ਡਾਕੂਮੈਂਟਸ ਨੂੰ ਦੁਬਾਰਾ ਬਣਾਉਣਾ ਪੈਂਦਾ ਹੈ।
ਜੇਕਰ ਡਾਕੂਮੈਂਟਸ ਚੋਰ ਹੋ ਜਾਣ ਤਾਂ ਪਹਿਲਾਂ ਕੀ ਕਰਨਾ ਚਾਹੀਦੇ
ਕਈ ਵਾਰ ਇਨਸਾਨ ਨੂੰ ਪਤਾ ਨਹੀਂ ਲੱਗਦਾ ਕਿ ਅਜਿਹੀ ਸਥਿਤੀ ‘ਚ ਪਹਿਲਾਂ ਉਹ ਕੀ ਕਰੇ ਅਤੇ ਆਪਣੇ ਡਾਕੂਮੈਂਟ ਦੁਬਾਰਾ ਕਿਵੇਂ ਬਣਵਾਏ। ਜੇਕਰ ਤੁਹਾਡੇ ਪਰਸ ਦੇ ਨਾਲ਼-ਨਾਲ਼ ਡਾਕੂਮੈਂਟਸ ਵੀ ਚੋਰੀ ਹੋ ਜਾਂਦੇ ਹਨ ਤਾਂ, ਸਭ ਤੋਂ ਪਹਿਲਾਂ ਆਪਣੇ ਨਜ਼ਦੀਕੀ ਪੁਲਿਸ ਸਟੇਸ਼ਨ ‘ਚ ਆਪਣੇ ਗੁੰਮ ਹੋਏ ਡਾਕੂਮੈਂਟਸ ਦੀ ਸ਼ਿਕਾਇਤ ਦਰਜ ਕਰਵਾਉਣੀ ਚਾਹੀਦੀ ਹੈ। ਕਿਉਕਿ ਇਹ FIR ਨਵੇਂ ਡਾਕੂਮੈਂਟਸ ਬਣਾਉਣ ਅਤੇ ਰਿਕਾਰਡ ਨੂੰ ਸੁਰੱਖਿਅਤ ਰੱਖਣ ‘ਚ ਮੱਦਦ ਕਰਦੀ ਹੈ। ਇਸ ਤੋਂ ਬਾਅਦ ਬੈਂਕ ਨਾਲ ਸੰਪਰਕ ਕਰਕੇ ਆਪਣਾ ਏਟੀਐੱਮ ਜਾਂ ਕ੍ਰੈਡਿਟ ਕਾਰਡ ਨੂੰ ਬਲਾਕ ਕਰਵਾਉਣਾ ਚਾਹੀਦਾ ਹੈ।
ਐਫਆਈਆਰ ਦਰਜ ਕਰਨ ਤੋਂ ਬਾਅਦ, ਇਸਦੀ ਇੱਕ ਕਾਪੀ ਆਪਣੇ ਕੋਲ ਰੱਖੋ ਕਿਉਂਕਿ ਇਹ ਇਸ ਗੱਲ ਦਾ ਸਬੂਤ ਹੋਵੇਗਾ ਕਿ ਤੁਹਾਡੇ ਦਸਤਾਵੇਜ਼ ਚੋਰੀ ਹੋ ਗਏ ਹਨ। ਤਾਂ ਜੋ ਜੇਕਰ ਕੋਈ ਤੁਹਾਡੇ ਦਸਤਾਵੇਜ਼ਾਂ ਦੀ ਦੁਰਵਰਤੋਂ ਕਰਦਾ ਹੈ, ਤਾਂ ਇਹ ਤੁਹਾਡੀ ਜ਼ਿੰਮੇਵਾਰੀ ਨਹੀਂ ਹੋਵੇਗੀ।
ਇਸ ਤਰ੍ਹਾਂ ਡਾਕੂਮੈਂਟਸ ਨੂੰ ਦੁਬਾਰਾ ਬਣਵਾ ਸਕਦੇ ਹੋ
ਦਸਤਾਵੇਜ਼ ਚੋਰੀ ਹੋਣ ਦੀ ਸਥਿਤੀ ‘ਚ ਹਰੇਕ ਦਸਤਾਵੇਜ਼ ਦੁਬਾਰਾ ਬਣਾਉਣ ਦਾ ਤਰੀਕਾ ਵੀ ਵੱਖ-ਵੱਖ ਹੈ। ਆਧਾਰ ਕਾਰਡ ਲਈ, ਤੁਸੀਂ ਯੂਆਈਡੀਏਆਈ ਦੀ ਵੈੱਬਸਾਈਟ ਜਾਂ ਨਜ਼ਦੀਕੀ ਆਧਾਰ ਕੇਂਦਰ ‘ਤੇ ਜਾ ਸਕਦੇ ਹੋ। ਜੇਕਰ ਮੋਬਾਈਲ ਨੰਬਰ ਲਿੰਕ ਹੈ, ਤਾਂ ਤੁਸੀਂ ਘਰ ਤੋਂ ਰਿਕੁਐਸਟ ਭੇਜ ਸਕਦੇ ਹੋ। ਪੈਨ ਕਾਰਡ ਲਈ, ਤੁਸੀਂ ਗੁੰਮ ਹੋਏ ਪੈਨ ਜਾਂ ਰੀਪ੍ਰਿੰਟ ਪੈਨ ਦੇ ਵਿਕਲਪ ਨਾਲ ਐਨਐਸਡੀਐਲ ਜਾਂ ਯੂਟੀਆਈਆਈਟੀਐਸਐਲ ਦੀ ਵੈੱਬਸਾਈਟ ‘ਤੇ ਜਾ ਕੇ ਦੁਬਾਰਾ ਅਰਜ਼ੀ ਦੇ ਸਕਦੇ ਹੋ।
ਡਰਾਈਵਿੰਗ ਲਾਇਸੈਂਸ ਪ੍ਰਾਪਤ ਕਰਨ ਲਈ, ਤੁਹਾਨੂੰ ਸਾਈਟ parivahan.gov.in ‘ਤੇ ਜਾਣਾ ਪਵੇਗਾ। ਤੁਹਾਨੂੰ FIR ਦੀ ਇੱਕ ਕਾਪੀ ਨੱਥੀ ਕਰਨੀ ਪਵੇਗੀ ਅਤੇ ਡੁਪਲੀਕੇਟ DL ਲਈ ਅਰਜ਼ੀ ਦੇਣੀ ਪਵੇਗੀ। ATM ਕਾਰਡ ਦੇ ਮਾਮਲੇ ਵਿੱਚ, ਆਪਣੀ ਬੈਂਕ ਸ਼ਾਖਾ ਵਿੱਚ ਜਾਓ ਜਾਂ ਕਸਟਮਰ ਕੇਅਰ ਤੋਂ ਨਵਾਂ ਕਾਰਡ ਪ੍ਰਾਪਤ ਕਰ ਸਕਦੇ ਹੋ।
