ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਸਰਟੀਫਿਕੇਟ ਡੁਪਲੀਕੇਟ ਕਾਪੀ ਜਾਰੀ ਕਰਨ ਦੀ ਪ੍ਰਕਿਰਿਆ ‘ਚ ਵੱਡਾ ਬਦਲਾਅ ਕੀਤਾ ਹੈ। ਹੁਣ ਗੁੰਮ ਹੋਏ ਸਰਟੀਫਿਕੇਟ ਦੀ ਪੁਲਿਸ ਕੋਲ ਰਿਪੋਰਟ ਦਰਜ ਕਰਵਾਉਣੀ ਪਵੇਗੀ। ਜਦਕਿ ਫਟਿਆ ਹੋਇਆ ਸਰਟੀਫਿਕੇਟ ਬੋਰਡ ਕੋਲ ਜਮ੍ਹਾਂ ਕਰਵਾਉਣਾ ਪਵੇਗਾ। ਬੋਰਡ ਨੇ ਸਕੂਲ ਪ੍ਰਿੰਸੀਪਲਾਂ ਨੂੰ ਵੀ ਸਪੱਸ਼ਟ ਨਿਰਦੇਸ਼ ਜਾਰੀ ਕਰਦੇ ਹੋਏ ਕਿਹਾ ਹੈ ਕਿ ਬਿਨਾਂ ਪੁਲਿਸ ਰਿਪੋਰਟ ਕਿਸੇ ਵੀ ਸਥਿਤੀ ਵਿੱਚ ਡੁਪਲੀਕੇਟ ਸਰਟੀਫਿਕੇਟ ਜਾਰੀ ਨਾ ਕੀਤਾ ਜਾਵੇ।
ਹਲਫਨਾਮਾ ਵੀ ਲਾਜ਼ਮੀ
ਪੁਲਿਸ ਰਿਪੋਰਟ ਦੇ ਨਾਲ ਹਲਫਨਾਮਾ ਵੀ ਲਾਜ਼ਮੀ ਹੈ । ਬਿਨੈਕਾਰ ਨੂੰ ਹਲਫਨਾਮੇ ਵਿੱਚ ਦੱਸਣਾ ਪਏਗਾ ਕਿ ਸਰਟੀਫਿਕੇਟ ਗੁੰਮ ਹੋ ਗਿਆ ਹੈ। ਜੇ ਭਵਿੱਖ ਵਿੱਚ ਮਿਲ ਜਾਂਦਾ ਹੈ, ਤਾਂ ਇਸਦੀ ਕਾਪੀ ਬੋਰਡ ਨੂੰ ਦੇ ਦੇਣਗੇ। ਬੋਰਡ ਦੁਆਰਾ ਇਹ ਕਦਮ ਇਸ ਲਈ ਚੁੱਕਿਆ ਗਿਆ ਹੈ ਕਿਉਕਿ ਕੁਝ ਲੋਕ ਆਪਣੇ ਸਰਟੀਫਿਕੇਟ ਕਰਜ਼ੇ ਲਈ ਬੈਂਕਾਂ ਵਿੱਚ ਜਮ੍ਹਾ ਕਰਵਾਉਂਦੇ ਹਨ ਅਤੇ ਫਿਰ ਬੋਰਡ ਤੋਂ ਡੁਪਲੀਕੇਟ ਕਾਪੀ ਪ੍ਰਾਪਤ ਕਰਦੇ ਹਨ। ਬੋਰਡ ਨੂੰ ਇਸ ਗੱਲ ਦਾ ਪਤਾ ਨਹੀਂ ਹੁੰਦਾ ਕਿ ਸਰਟੀਫਿਕੇਟ ਬੈਂਕ ਵਿੱਚ ਜਮ੍ਹਾ ਹਨ। ਅਜਿਹੇ ਮਾਮਲਿਆਂ ਵਿੱਚ, ਬੋਰਡ ਨੂੰ ਅਕਸਰ ਕਾਨੂੰਨੀ ਕਾਰਵਾਈਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਡੁਪਲੀਕੇਟ ਸਰਟੀਫਿਕੇਟ ਲਈ Online ਤੇ Offline ਦੇ ਸਕਦੇ ਹੋ ਅਰਜ਼ੀ
ਬਿਨੈਕਾਰ ਔਨਲਾਈਨ ਅਤੇ ਔਫਲਾਈਨ ਦੋਵਾਂ ਤਰੀਕਿਆਂ ਦੀ ਵਰਤੋਂ ਕਰਕੇ PSEB ਤੋਂ ਡੁਪਲੀਕੇਟ ਸਰਟੀਫਿਕੇਟ ਲਈ ਅਰਜ਼ੀ ਦੇ ਸਕਦੇ ਹਨ। ਘਰ ਬੈਠੇ ਡੁਪਲੀਕੇਟ ਸਰਟੀਫਿਕੇਟ ਵਾਸਤੇ ਅਰਜ਼ੀ ਦੇ ਸਕਦੇ ਹੋ। ਔਫਲਾਈਨ ਮੋਡ ਲਈ, ਬਿਨੈਕਾਰਾਂ ਨੂੰ ਮੋਹਾਲੀ ਵਿੱਚ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੇ ਮੁੱਖ ਦਫਤਰ ਜਾਣਾ ਚਾਹੀਦਾ ਹੈ ਅਤੇ ਸਿੰਗਲ ਵਿੰਡੋ ‘ਤੇ ਅਰਜ਼ੀ ਦੇਣੀ ਅਰਜ਼ੀ ਦੇਣੀ ਪਏਗੀ।
