ਖਬਰਿਸਤਾਨ ਨੈੱਟਵਰਕ- ਪੰਜਾਬ ਵਿੱਚ ਦੋ ਦਿਨ ਬਿਜਲੀ ਦਾ ਲੰਬਾ ਪਾਵਰਕੱਟ ਰਹਿਣ ਵਾਲਾ ਹੈ। ਇਸ ਕਾਰਣ ਲੋਕਾਂ ਨੂੰ ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਮੋਗਾ ਵਿੱਚ, 132 ਕੇਵੀ ਮੋਗਾ-1 ਨਾਲ ਜੁੜੇ 11 ਕੇਵੀ ਐਫਸੀਆਈ ਫੀਡਰ ਦੀ ਜ਼ਰੂਰੀ ਮੁਰੰਮਤ ਅਤੇ ਇੱਕ ਨਵਾਂ ਫੀਡਰ ਲਗਾਉਣ ਕਾਰਨ ਸ਼ਨੀਵਾਰ ਅਤੇ ਐਤਵਾਰ, 22 ਅਤੇ 23 ਨਵੰਬਰ ਨੂੰ ਬਿਜਲੀ ਸਪਲਾਈ ਠੱਪ ਰਹੇਗੀ।
ਜਾਣਕਾਰੀ ਦਿੰਦੇ ਹੋਏ ਉੱਤਰੀ ਮੋਗਾ ਦੇ ਐਸਡੀਓ ਜਗਸੀਰ ਸਿੰਘ ਅਤੇ ਜੇਈ ਰਾਜਿੰਦਰ ਸਿੰਘ ਵਿਰਦੀ ਨੇ ਦੱਸਿਆ ਕਿ 11 ਕੇਵੀ ਐਫਸੀਆਈ ਫੀਡਰ, 11 ਕੇਵੀ ਜੀਰਾ ਰੋਡ ਫੀਡਰ, 11 ਕੇਵੀ ਦੱਤ ਰੋਡ ਫੀਡਰ ਅਤੇ 11 ਕੇਵੀ ਐਸਏਐਸ ਨਗਰ ਫੀਡਰ ਸਵੇਰੇ 9 ਵਜੇ ਤੋਂ ਸ਼ਾਮ 5 ਵਜੇ ਤੱਕ ਬੰਦ ਰਹਿਣਗੇ।
ਬਿਜਲੀ ਕੱਟ ਕਾਰਨ ਜੀਰਾ ਰੋਡ, ਸੋਢੀ ਨਗਰ, ਜੀਟੀ ਰੋਡ (ਵੀ-ਮਾਰਟ ਅਤੇ ਬਿਗ ਬੈਨ ਸਾਈਡ), ਚੱਕੀ ਵਾਲੀ ਗਲੀ, ਅਜੀਤ ਨਗਰ, ਮਨਚੰਦਾ ਕਲੋਨੀ, ਭਗਤ ਸਿੰਘ ਕਲੋਨੀ, ਪੱਕਾ ਦੋਸਾਂਝ ਰੋਡ, ਬਸਤੀ ਗੋਬਿੰਦਗੜ੍ਹ, ਅਕਾਲਸਰ ਰੋਡ, ਬਾਬਾ ਸੂਰਤ ਸਿੰਘ ਨਗਰ, ਜੁਝਾਰ ਨਗਰ ਸਮੇਤ ਕਈ ਇਲਾਕਿਆਂ ਵਿੱਚ ਸਪਲਾਈ ਪ੍ਰਭਾਵਿਤ ਹੋਵੇਗੀ। ਇਸ ਤੋਂ ਇਲਾਵਾ ਜੇਲ੍ਹ, ਡੀਸੀ ਕੰਪਲੈਕਸ, ਕੋਰਟ ਕੰਪਲੈਕਸ, ਸੈਸ਼ਨ ਕੋਰਟ, ਕਬਾੜੀ ਮਾਰਕੀਟ, ਐਫਸੀਆਈ ਰੋਡ, ਕਿਚਲੂ ਸਕੂਲ ਅਤੇ ਹੋਰ ਇਲਾਕਿਆਂ ਵਿੱਚ ਬਿਜਲੀ ਬੰਦ ਰਹੇਗੀ।
