ਚੰਡੀਗੜ੍ਹ ਪ੍ਰਸ਼ਾਸਨ ਨੇ ਸ਼ਹਿਰ ਵਿੱਚ ਪਾਲਤੂ ਅਤੇ ਕਮਿਊਨਿਟੀ (ਆਵਾਰਾ) ਕੁੱਤਿਆਂ ਸੰਬੰਧੀ ਨਵੇਂ ਨਿਯਮ ਜਾਰੀ ਕੀਤੇ ਹਨ। ਇਨ੍ਹਾਂ ਨਿਯਮਾਂ ਤਹਿਤ ਹੁਣ ਪਾਲਤੂ ਕੁੱਤਿਆਂ ਦੇ ਮਾਲਕਾਂ ਨੂੰ ਕਈ ਗੱਲਾਂ ਵੱਲ ਵਿਸ਼ੇਸ਼ ਧਿਆਨ ਦੇਣਾ ਪਵੇਗਾ।
ਇਨ੍ਹਾਂ ਡੌਗ ਬਰੀਡਸ ‘ਤੇ ਬੈਨ
ਨਗਰ ਨਿਗਮ ਨੇ ਅਮਰੀਕਨ ਬੁੱਲ ਡੌਗ, ਅਮਰੀਕਨ ਪਿਟਬੁੱਲ, ਪਿਟਬੁੱਲ ਟੈਰੀਅਰ, ਬੁੱਲ ਟੈਰੀਅਰ, ਕੇਨ ਕੋਰਸੋ, ਡੋਗੋ ਅਰਜਨਟੀਨੋ ਅਤੇ ਰੋਟਵੀਲਰ ਨਸਲਾਂ ਦੇ ਕੁੱਤਿਆਂ ਨੂੰ ਪਾਲਤੂ ਰੱਖਣ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਡੌਗ ਲਵਰਸ ਹੁਣ ਉਨ੍ਹਾਂ ਨੂੰ ਨਹੀਂ ਰੱਖ ਸਕਣਗੇ। ਹਾਲਾਂਕਿ, ਜਿਨ੍ਹਾਂ ਕੋਲ ਪਹਿਲਾਂ ਹੀ ਇਨ੍ਹਾਂ ਨਸਲਾਂ ਦੇ ਕੁੱਤੇ ਹਨ, ਉਨ੍ਹਾਂ ਨੂੰ ਛੋਟ ਦਿੱਤੀ ਗਈ ਹੈ ਅਤੇ 45 ਦਿਨਾਂ ਦੇ ਅੰਦਰ ਉਨ੍ਹਾਂ ਨੂੰ ਰਜਿਸਟਰ ਕਰਨ ਦੇ ਆਦੇਸ਼ ਦਿੱਤੇ ਗਏ ਹਨ।
ਕੁੱਤਿਆਂ ਦੀ ਰਜਿਸਟ੍ਰੇਸ਼ਨ ਕਰਵਾਉਣਾ ਲਾਜ਼ਮੀ
ਜੇਕਰ ਕੋਈ ਵੀ ਵਿਅਕਤੀ ਬਿਨਾਂ ਰਜਿਸਟਰਡ ਕੁੱਤੇ ਨੂੰ ਰੱਖਦਾ, ਜਨਤਕ ਥਾਵਾਂ ‘ਤੇ ਗੰਦਗੀ ਫੈਲਾਉਂਦਾ ਹੈ ਜਾਣ ਖੁੱਲ੍ਹੇ ‘ਚ ਕੁੱਤੇ ਨੂੰ ਖਾਣਾ ਖਵਾਉਂਦਾ ਹੈ ਤਾਂ ਉਸਨੂੰ ₹10,000 ਤੱਕ ਦਾ ਜੁਰਮਾਨਾ ਕੀਤਾ ਜਾਵੇਗਾ।
ਹੁਣ, ਹਰੇਕ ਪਾਲਤੂ ਕੁੱਤੇ ਨੂੰ ਨਗਰ ਨਿਗਮ ‘ਚ ਰਜਿਸਟਰਡ ਹੋਣਾ ਚਾਹੀਦਾ ਹੈ। ਜਿਸ ਦੀ ਫੀਸ ₹500 ਹੈ, ਅਤੇ ਰਜਿਸਟ੍ਰੇਸ਼ਨ ਨੂੰ ਹਰ ਪੰਜ ਸਾਲਾਂ ਬਾਅਦ ₹50 ਲਈ ਦੁਬਾਰਾ ਰਜਿਸਟ੍ਰੇਸ਼ਨ ਕਰਵਾਉਣਾ ਹੋਵੇਗਾ । ਹਰੇਕ ਰਜਿਸਟਰਡ ਕੁੱਤੇ ਨੂੰ ਇੱਕ ਧਾਤ ਦਾ ਟੋਕਨ ਅਤੇ ਕਾਲਰ ਨਾਲ ਪਹਿਨਾਉਣ ਜ਼ਰੂਰੀ ਹੈ। ਰਜਿਸਟ੍ਰੇਸ਼ਨ ਤੋਂ ਬਿਨਾਂ ਪਾਏ ਜਾਣ ਵਾਲੇ ਕਿਸੇ ਵੀ ਕੁੱਤੇ ਨੂੰ ਨਗਰ ਨਿਗਮ ਦੁਆਰਾ ਜ਼ਬਤ ਕੀਤਾ ਜਾ ਸਕਦਾ ਹੈ।
ਇਸ ਤੋਂ ਇਲਾਵਾ ਕਿਸੇ ਕੁੱਤੇ ਨਾਲ ਬਦਸਲੂਕੀ ਕਰਨ ਦੀ ਸ਼ਿਕਾਇਤ ਮਿਲਦੀ ਹੈ, ਤਾਂ ਇੱਕ ਟੀਮ ਘਰ ਦਾ ਦੌਰਾ ਕਰੇਗੀ ਅਤੇ ਸਬੂਤ ਇਕੱਠੇ ਕਰੇਗੀ। ਜੇਕਰ ਸ਼ਿਕਾਇਤ ਸੱਚ ਪਾਈ ਜਾਂਦੀ ਹੈ, ਤਾਂ ਕੁੱਤੇ ਨੂੰ ਜ਼ਬਤ ਕੀਤਾ ਜਾ ਸਕਦਾ ਹੈ, ਅਤੇ ਮਾਲਕ ਨੂੰ ਜਾਨਵਰਾਂ ਵਿਰੁੱਧ ਬੇਰਹਿਮੀ ਐਕਟ ਦੇ ਤਹਿਤ ਕਾਨੂੰਨੀ ਕਾਰਵਾਈ ਅਤੇ ਜੁਰਮਾਨੇ ਦਾ ਸਾਹਮਣਾ ਵੀ ਕਰਨਾ ਪੈ ਸਕਦਾ ਹੈ।
ਘਰ ਦੀ ਜਗ੍ਹਾਂ ਦੇ ਹਿਸਾਬ ਨਾਲ ਰੱਖੇ ਜਾ ਸਕਦੇ ਕੁੱਤੇ
ਘਰ ਦੇ ਆਕਾਰ ਦੇ ਹਿਸਾਬ ਨਾਲ ਕੁੱਤੇ ਰੱਖਣ ਦੀ ਸੀਮਾ ਵੀ ਤੈਅ ਕੀਤੀ ਗਈ ਹੈ: 5 ਮਰਲੇ ਤਕ ਦੇ ਘਰ ਵਿਚ — 1 ਕੁੱਤਾ, 5 ਤੋਂ 12 ਮਰਲੇ ਦੇ ਘਰ — 2 ਕੁੱਤੇ, 12 ਮਰਲੇ ਤੋਂ 1 ਕਨਾਲ ਦੇ ਘਰ — 3 ਕੁੱਤੇ, 1 ਕਨਾਲ ਤੋਂ ਵੱਡੇ ਘਰ ਵਿਚ — 4 ਕੁੱਤੇ ਰਖੇ ਜਾ ਸਕਦੇ ਹਨ। ਜੇਕਰ ਇੱਕ ਹੀ ਬਿਲਡਿੰਗ ਵਿੱਚ-ਵੱਖ-ਵੱਖ ਮੰਜਿਲਾਂ ਵਿੱਚ ਪਰਿਵਾਰ ਰਹਿੰਦੇ ਹਨ, ਤਾਂ ਹਰ ਪਰਿਵਾਰ ਵਿੱਚ ਤੁਹਾਡੇ ਅਨੁਸਾਰ ਵੱਖਰੇ ਵੱਖਰੇ ਵੱਖਰੇ ਵਿਚਾਰ ਹੋਣਗੇ।
ਇਨ੍ਹਾਂ ਖੇਤਰਾਂ ‘ਚ ਕੁੱਤਿਆਂ ਦੀ ਐਂਟਰੀ ‘ਤੇ ਬੈਨ
ਪ੍ਰਸ਼ਾਸਨ ਨੇ ਸ਼ਹਿਰ ਦੇ ਕੁਝ ਖਾਸ ਖੇਤਰਾਂ ਨੂੰ ਵੀ ਨਿਰਧਾਰਤ ਕੀਤਾ ਹੈ ਜਿੱਥੇ ਪਾਲਤੂ ਕੁੱਤਿਆਂ ਦੀ ਮਨਾਹੀ ਹੈ। ਇਨ੍ਹਾਂ ਵਿੱਚ ਸੁਖਨਾ ਝੀਲ, ਰੋਜ਼ ਗਾਰਡਨ, ਸ਼ਾਂਤੀ ਕੁੰਜ, ਲੀਜ਼ਰ ਵੈਲੀ, ਮਿੰਨੀ ਰੋਜ਼ ਗਾਰਡਨ, ਟੈਰੇਸ ਗਾਰਡਨ, ਸ਼ਿਵਾਲਿਕ ਗਾਰਡਨ, ਬੋਟੈਨੀਕਲ ਗਾਰਡਨ, ਅਤੇ ਚੰਡੀਗੜ੍ਹ ਨਗਰ ਨਿਗਮ ਦੁਆਰਾ ਸੂਚਿਤ ਹੋਰ ਜਨਤਕ ਸਥਾਨ ਅਤੇ ਪਾਰਕ ਸ਼ਾਮਲ ਹਨ। ਆਵਾਰਾ ਕੁੱਤਿਆਂ ਸੰਬੰਧੀ ਸਖ਼ਤ ਨਿਯਮ ਵੀ ਲਾਗੂ ਕੀਤੇ ਗਏ ਹਨ।
