ਖ਼ਬਰਿਸਤਾਨ ਨੈੱਟਵਰਕ: ਅਮਰੀਕਾ-ਇਜ਼ਰਾਈਲ ਦੇ ਹਮਲਿਆਂ ਅਤੇ ਜਾਰੀ ਜੰਗ ਦੇ ਦਰਮਿਆਨ ਈਰਾਨ ਵਿੱਚ ਬੁੱਧਵਾਰ ਦੁਪਹਿਰ ਨੂੰ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। United States Geological Survey (USGS) ਅਨੁਸਾਰ, ਦੱਖਣੀ ਈਰਾਨ ਦੇ ਗੇਰਾਸ਼ ਇਲਾਕੇ ਵਿੱਚ 4.3 ਤੀਬਰਤਾ ਦਾ ਭੂਚਾਲ ਆਇਆ। ਭੂਚਾਲ ਦਾ ਕੇਂਦਰ ਜ਼ਮੀਨ ਤੋਂ ਕਰੀਬ 10 ਕਿਲੋਮੀਟਰ ਹੇਠਾਂ ਸੀ। ਕੁਝ ਰਿਪੋਰਟਾਂ ਵਿੱਚ ਇਸ ਦੀ ਤੀਬਰਤਾ 4.5 ਤੱਕ ਦੱਸੀ ਗਈ ਹੈ, ਹਾਲਾਂਕਿ USGS ਦੀ ਅਧਿਕਾਰਤ ਜਾਣਕਾਰੀ 4.3 ਤੀਬਰਤਾ ਦੀ ਹੀ ਹੈ।
ਭੂਚਾਲ ਦੇ ਇਹ ਝਟਕੇ ਫਾਰਸ ਸੂਬੇ ਵਿੱਚ ਮਹਿਸੂਸ ਕੀਤੇ ਗਏ, ਜਿੱਥੇ ਲੋਕ ਪਹਿਲਾਂ ਹੀ ਜੰਗ ਕਾਰਨ ਤਣਾਅ ਵਿੱਚ ਸਨ। ਮਿਜ਼ਾਈਲ ਹਮਲਿਆਂ ਅਤੇ ਧਮਾਕਿਆਂ ਦੇ ਵਿਚਕਾਰ ਅਚਾਨਕ ਆਏ ਇਨ੍ਹਾਂ ਝਟਕਿਆਂ ਕਾਰਨ ਦਹਿਸ਼ਤ ਫੈਲ ਗਈ ਅਤੇ ਕਈ ਲੋਕ ਇਹਤਿਆਤ ਵਜੋਂ ਘਰਾਂ ਤੋਂ ਬਾਹਰ ਨਿਕਲ ਆਏ। ਸੋਸ਼ਲ ਮੀਡੀਆ ‘ਤੇ ਭੂਚਾਲ ਦੇ ਝਟਕਿਆਂ ਦੀਆਂ ਵੀਡੀਓਜ਼ ਵੀ ਸਾਹਮਣੇ ਆਈਆਂ ਹਨ।
ਫਿਲਹਾਲ ਕਿਸੇ ਵੱਡੇ ਨੁਕਸਾਨ, ਮੌਤ ਜਾਂ ਜ਼ਖਮੀਆਂ ਦੀ ਕੋਈ ਪੁਸ਼ਟੀ ਨਹੀਂ ਹੋਈ ਹੈ। USGS ਅਨੁਸਾਰ ਇਹ ਖੇਤਰ ਪਹਿਲਾਂ ਹੀ ‘ਸੈਸਮਿਕ ਐਕਟਿਵ ਜ਼ੋਨ’ (ਭੂਚਾਲ ਪੱਖੋਂ ਸੰਵੇਦਨਸ਼ੀਲ) ਵਿੱਚ ਆਉਂਦਾ ਹੈ, ਇਸ ਲਈ ਇਸ ਭੂਚਾਲ ਨੂੰ ਕੁਦਰਤੀ ਟੈਕਟੋਨਿਕ ਗਤੀਵਿਧੀ ਦਾ ਨਤੀਜਾ ਮੰਨਿਆ ਜਾ ਰਿਹਾ ਹੈ।
