ਹਰਿਆਣਾ ਵਿਚ ਇਕ ਮੈਰਿਜ ਪੈਲੇਸ ਅੰਦਰ ਅੱਗ ਲੱਗ ਗਈ। ਮਾਮਲਾ ਫਤਿਹਾਬਾਦ ਦੇ ਨਾਗਪੁਰ ਪਿੰਡ ਤੋਂ ਸਾਹਮਣੇ ਆਇਆ, ਜਿਥੇ ਇੱਕ ਮੈਰਿਜ ਪੈਲੇਸ ਵਿੱਚ ਭਿਆਨਕ ਅੱਗ ਲੱਗ ਗਈ। ਜਦੋਂ ਅੱਗ ਲੱਗੀ ਵਿਆਹ ਸਮਾਗਮ ਚੱਲ ਰਿਹਾ ਸੀ। ਇਸ ਕਾਰਨ ਉਥੇ ਭਗਦੜ ਮੱਚ ਗਈ।
ਟੈਂਟ ਸੜ ਕੇ ਸੁਆਹ
ਅੱਗ ਨਾਲ ਸਾਰਾ ਟੈਂਟ, ਕੁਰਸੀਆਂ ਆਦਿ ਸੜ ਗਿਆ। ਲੱਖਾਂ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਜਾਣਕਾਰੀ ਅਨੁਸਾਰ ਨਾਗਪੁਰ ਵਾਸੀ ਪਵਨ ਅਤੇ ਪ੍ਰਦੀਪ ਸਰਦੂਲਗੜ੍ਹ ਰੋਡ 'ਤੇ ਮੈਰਿਜ ਪੈਲੇਸ ਚਲਾਉਂਦੇ ਹਨ। ਅੱਜ ਇੱਥੇ ਲਾਗਲੇ ਪਿੰਡ ਮੂਸੇ ਢਾਣੀ ਦੇ ਗੁਲਾਬ ਸਿੰਘ ਦੇ ਵਿਆਹ ਦੀ ਬਰਾਤ ਆਈ ਹੋਈ ਸੀ। ਮਾਨਸਾ ਤੋਂ ਲੜਕੀ ਵਾਲੇ ਵੀ ਇੱਥੇ ਆਏ ਹੋਏ ਸਨ। ਦੁਪਹਿਰ ਸਮੇਂ ਪੱਖੇ ਵਿੱਚ ਸ਼ਾਰਟ ਸਰਕਟ ਹੋਣ ਕਾਰਨ ਉੱਥੇ ਲੱਗੇ ਟੈਂਟ ਨੂੰ ਅੱਗ ਲੱਗ ਗਈ।
ਟੈਂਟ ਨੂੰ ਸਿਰਫ਼ ਕੱਪੜੇ ਨਾਲ ਢੱਕਿਆ ਹੋਇਆ ਸੀ, ਜਿਸ ਕਾਰਨ ਅੱਗ ਕੁਝ ਦੇਰ ਵਿੱਚ ਹੀ ਪੂਰੇ ਪੰਡਾਲ ਵਿੱਚ ਫੈਲ ਗਈ। ਇਸ ਦੀਆਂ ਲਾਟਾਂ ਹੇਠਾਂ ਡਿੱਗਣ ਲੱਗ ਪਈਆਂ। ਇਸ ਕਾਰਨ ਉਥੇ ਭਗਦੜ ਮੱਚ ਗਈ। ਜਦੋਂ ਤੱਕ ਅੱਗ ਬੁਝਾਉਣ ਦੇ ਯਤਨ ਸ਼ੁਰੂ ਕੀਤੇ ਜਾ ਸਕੇ, ਉਦੋਂ ਤੱਕ ਪੂਰਾ ਟੈਂਟ ਸੜ ਕੇ ਸੁਆਹ ਹੋ ਗਿਆ।
ਅੱਗ ਨਾਲ ਵਾਲੇ ਕਮਰੇ ਵਿੱਚ ਪਏ ਬੈੱਡ ਤੱਕ ਪਹੁੰਚ ਗਈ।ਕੱਪੜੇ ਸੜਨ ਕਾਰਨ ਉੱਪਰੋਂ ਅੱਗ ਦੀਆਂ ਲਪਟਾਂ ਹੇਠਾਂ ਡਿੱਗ ਰਹੀਆਂ ਸਨ। ਇਸ ਕਾਰਨ ਅੱਗ ਬੁਝਾਉਣ ਲਈ ਕੋਈ ਵੀ ਅੰਦਰ ਨਹੀਂ ਜਾ ਸਕਿਆ। ਕੁਝ ਹੀ ਮਿੰਟਾਂ ਵਿੱਚ ਸਭ ਕੁਝ ਸੁਆਹ ਹੋ ਗਿਆ। ਅੱਗ ਲੱਗਣ ਕਾਰਨ 5 ਤੋਂ 7 ਲੱਖ ਰੁਪਏ ਦਾ ਨੁਕਸਾਨ ਹੋਣ ਦਾ ਅਨੁਮਾਨ ਹੈ।