ਦੇਸ਼ 'ਚ ਜਿੱਥੇ ਗਰਮੀ ਨੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ। ਲੋਕ ਏਸੀ ਅਤੇ ਕੂਲਰ ਦਾ ਹੀ ਸਹਾਰਾ ਲੈ ਰਹੇ ਹਨ। ਦਿੱਲੀ ਦੇ ਨਾਲ ਲੱਗਦੇ ਨੋਇਡਾ 'ਚ AC ਫਟਣ ਕਾਰਨ ਭਿਆਨਕ ਹਾਦਸਾ ਵਾਪਰਿਆ ਹੈ। ਏਸੀ ਬੰਬ ਦੀ ਤਰ੍ਹਾਂ ਇਦਾਂ ਫਟਿਆ ਕਿ ਚੰਗਿਆੜੀ ਕਾਰਨ ਘਰ ਨੂੰ ਅੱਗ ਲੱਗ ਗਈ। ਅੱਗ ਨੇ ਹੋਰ ਫਲੈਟਾਂ ਨੂੰ ਵੀ ਆਪਣੀ ਲਪੇਟ ਵਿੱਚ ਲੈ ਲਿਆ ਹੈ। ਇਹ ਹਾਦਸਾ ਸੈਕਟਰ-100 ਸਥਿਤ ਲੋਟਸ ਬੁਲੇਵਾਰਡ ਸੁਸਾਇਟੀ ਵਿੱਚ ਵਾਪਰਿਆ।( Lotus Boulevard )
ਫਾਇਰ ਬ੍ਰਿਗੇਡ ਦੀਆਂ ਪਹੁੰਚੀਆਂ ਪੰਜ ਗੱਡੀਆਂ
ਏ.ਸੀ ਫਟਣ ਅਤੇ ਭਿਆਨਕ ਅੱਗ ਲੱਗਣ ਕਾਰਨ ਸੁਸਾਇਟੀ ਵਿੱਚ ਹੜਕੰਪ ਮੱਚ ਗਿਆ। ਅੱਗ ਲੱਗਣ ਦੀ ਸੂਚਨਾ ਮਿਲਦੇ ਹੀ ਫਾਇਰ ਬ੍ਰਿਗੇਡ ਮੌਕੇ 'ਤੇ ਪਹੁੰਚ ਗਈ। ਸੁਸਾਇਟੀ ਦੇ ਲੋਕ ਆਪਣੇ ਫਲੈਟਾਂ ਤੋਂ ਬਾਹਰ ਗ੍ਰਾਉਂਡ ਫਲੌਰ 'ਤੇ ਆ ਗਏ। ਫਾਇਰ ਬ੍ਰਿਗੇਡ ਦੀਆਂ 5 ਗੱਡੀਆਂ ਮੌਕੇ 'ਤੇ ਪਹੁੰਚ ਗਈਆਂ। ਖੁਸ਼ਕਿਸਮਤੀ ਰਹੀ ਕਿ ਇਸ ਹਾਦਸੇ ਵਿੱਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ।
ਲਾਈਟ ਹੋਟਲ 'ਚ ਵੀ ਲੱਗ ਚੁੱਕੀ ਹੈ ਅੱਗ
ਇਸ ਤੋਂ ਪਹਿਲਾਂ ਸੈਕਟਰ-46 ਦੇ ਰਹਿਣ ਵਾਲੀ ਪਲਕ ਪ੍ਰਸਾਦ ਜੋ ਕਿ ਪੇਸ਼ੇ ਤੋਂ ਫਿਜ਼ੀਓਥੈਰੇਪਿਸਟ ਸੀ, ਦੀ 18 ਮਈ ਨੂੰ ਸ਼ਾਮ 5 ਵਜੇ ਮੂਨ ਲਾਈਟ ਹੋਟਲ 'ਚ ਅੱਗ ਲੱਗਣ ਕਾਰਨ ਦਮ ਘੁੱਟਣ ਨਾਲ ਮੌਤ ਹੋ ਗਈ ਸੀ।ਉਹ ਆਪਣੇ ਸਾਥੀ ਨਾਲ ਹੋਟਲ 'ਚ ਰੁਕੀ ਹੋਈ ਸੀ, ਉਹ ਵੀ ਘਟਨਾ 'ਚ ਜ਼ਖਮੀ ਹੋ ਗਿਆ ਸੀ।