ਹਿਮਾਚਲ ਦੇ ਮੰਡੀ 'ਚ ਕਾਰ ਸਵਾਰ ਲੁਟੇਰਿਆਂ ਨੇ ਸੜਕ 'ਤੇ ਪੈਦਲ ਜਾ ਰਹੀ ਇੱਕ ਕਾਲਜ ਵਿਦਿਆਰਥਣ ਤੋਂ ਮੋਬਾਈਲ, ਪਰਸ ਅਤੇ ਚੇਨ ਖੋਹਣ ਦੀ ਕੋਸ਼ਿਸ਼ ਕੀਤੀ। ਉਹ ਕਾਲਜ ਦੀ ਵਿਦਿਆਰਥਣ ਨੂੰ ਖਿੱਚ ਕੇ ਕਾਫੀ ਦੂਰ ਤੱਕ ਲੈ ਗਏ । ਜਿਸ ਦੀ ਸੀਸੀਟੀਵੀ ਫੁਟੇਜ ਵੀ ਸਾਹਮਣੇ ਆਈ ਹੈ।
ਪੁਲਸ ਨੇ ਲੁਟੇਰਿਆਂ ਨੂੰ ਕੀਤਾ ਗ੍ਰਿਫ਼ਤਾਰ
ਪੁਲਸ ਨੇ ਘਟਨਾ ਦਾ ਪਤਾ ਲੱਗਣ ਤੋਂ ਬਾਅਦ ਮੁਸਤੈਦੀ ਦਿਖਾਉਂਦੇ ਹੋਏ ਲੁਟੇਰਿਆਂ ਨੂੰ ਫੜਨ ਲਈ ਨਾਕਾਬੰਦੀ ਲਗਾ ਦਿੱਤੀ । ਨਾਕਾਬੰਦੀ ਦੌਰਾਨ ਪੁਲਸ ਨੇ ਲੁਟੇਰਿਆਂ ਨੂੰ ਗੁਮਾ ਨੇੜਿਓਂ ਕਾਬੂ ਕਰ ਲਿਆ। ਤਿੰਨ ਦੋਸਤਾਂ ਨੇ ਮਿਲ ਕੇ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਸੀ ।
ਸ਼ੁੱਕਰਵਾਰ ਦੁਪਹਿਰ 3 ਵਜੇ ਦੀ ਹੈ ਘਟਨਾ
ਦਰਅਸਲ ਸ਼ੁੱਕਰਵਾਰ ਨੂੰ ਕਰੀਬ 3 ਵਜੇ ਨੇਹਾ ਨਾਂ ਦੀ ਕਾਲਜ ਦੀ ਵਿਦਿਆਰਥਣ ਅਹਿਜੂ ਨੇੜੇ ਘਰ ਜਾਣ ਲਈ ਬੱਸ ਦੀ ਉਡੀਕ ਕਰ ਰਹੀ ਸੀ। ਇਸ ਦੌਰਾਨ ਬਿਨਾਂ ਨੰਬਰ ਪਲੇਟ ਵਾਲੀ ਕਾਰ ਉਸ ਦੇ ਨੇੜੇ ਆਈ ਅਤੇ ਉਸ 'ਚ ਬੈਠੇ ਇਕ ਨੌਜਵਾਨ ਨੇ ਬੈਗ ਖੋਹਣ ਦੀ ਕੋਸ਼ਿਸ਼ ਕੀਤੀ।
ਉਸ ਦੇ ਗਲੇ 'ਚ ਬੈਗ ਹੋਣ ਕਾਰਨ ਨੌਜਵਾਨ ਉਸ ਦਾ ਪਰਸ ਅਤੇ ਚੇਨ ਖੋਹਣ 'ਚ ਕਾਮਯਾਬ ਨਹੀਂ ਹੋ ਸਕੇ ਤਾਂ ਬਦਮਾਸ਼ਾਂ ਨੇ ਆਪਣੀ ਕਾਰ ਸਟਾਰਟ ਕੀਤੀ ਅਤੇ ਉਸ ਨੂੰ ਕਾਰ ਸਮੇਤ ਕਰੀਬ 20 ਮੀਟਰ ਤੱਕ ਘਸੀਟ ਕੇ ਲੈ ਗਏ। ਇਸ ਦੌਰਾਨ ਉਹ ਸੜਕ 'ਤੇ ਡਿੱਗ ਗਈ , ਜਿਸ ਕਾਰਨ ਉਹ ਜ਼ਖਮੀ ਹੋ ਗਈ।
ਲੁੱਟ ਤੋਂ ਬਾਅਦ ਬਾਜ਼ਾਰ 'ਚ ਔਰਤ ਨੂੰ ਮਾਰੀ ਟੱਕਰ
ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਜੋਗਿੰਦਰ ਨਗਰ ਦੇ ਸਾਈਂ ਬਾਜ਼ਾਰ 'ਚ ਲੁਟੇਰਿਆਂ ਨੇ ਸਕੂਟੀ ਸਵਾਰ ਔਰਤ ਨੂੰ ਕੁਚਲਣ ਦੀ ਕੋਸ਼ਿਸ਼ ਕੀਤੀ। ਜਿਸ ਕਾਰਨ ਜਾਮ ਲੱਗ ਗਿਆ। ਜਾਮ ਦੌਰਾਨ ਜਿਵੇਂ ਹੀ ਹੋਮਗਾਰਡ ਜਵਾਨ ਨੇ ਉਸ ਨੂੰ ਫੜਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਹ ਵਾਹਨਾਂ ਨੂੰ ਟੱਕਰ ਮਾਰਦਾ ਹੋਏ ਭੱਜ ਗਏ ।
ਪੰਜਾਬ ਦੇ ਰਹਿਣ ਵਾਲੇ ਸਨ ਲੁਟੇਰੇ
ਪੁਲਸ ਨੂੰ ਚਕਮਾ ਦੇਣ ਲਈ ਲੁਟੇਰਿਆਂ ਨੇ ਬਿਨਾਂ ਨੰਬਰ ਵਾਲੀ ਕਾਰ 'ਤੇ ਨੰਬਰ ਲਗਾ ਦਿੱਤੇ ਸਨ ਪਰ ਪੁਲਸ ਨੇ ਗੁਮਾ 'ਚ ਨਾਕਾਬੰਦੀ ਕਰ ਕੇ ਤਿੰਨਾਂ ਨੂੰ ਕਾਰ ਸਮੇਤ ਕਾਬੂ ਕਰ ਲਿਆ। ਮੁਲਜ਼ਮਾਂ ਦੀ ਪਛਾਣ ਅਰਪਿਤ ਸਿੰਘ (20 ਸਾਲ), ਸਨਮਪ੍ਰੀਤ ਸਿੰਘ (22 ਸਾਲ) ਅਤੇ ਕੁਲਵਿੰਦਰ ਸਿੰਘ (21 ਸਾਲ) ਵਜੋਂ ਹੋਈ ਹੈ। ਇਹ ਤਿੰਨੋਂ ਮੁਲਜ਼ਮ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੇ ਵਸਨੀਕ ਹਨ।