ਯੂਨਾਈਟਿਡ ਕਿੰਗਡਮ ਦੇ ਲੈਸਟਰ ਸ਼ਹਿਰ ਵਿੱਚ ਭਾਜਪਾ ਵਰਕਰਾਂ ਵੱਲੋਂ ਕਾਰ ਰੈਲੀ ਕੱਢੀ ਗਈ। ਇਸ ਰੈਲੀ ਵਿੱਚ 45 ਤੋਂ ਵੱਧ ਕਾਰਾਂ ਨੇ ਭਾਗ ਲਿਆ ਅਤੇ 100 ਤੋਂ ਵੱਧ ਪਰਿਵਾਰ ਸ਼ਾਮਿਲ ਹੋਏ। ਜਿਨ੍ਹਾਂ ਨੇ ਇਸ ਰੈਲੀ ਨੂੰ ਸਫਲ ਬਣਾਇਆ। ਇਸ ਰੈਲੀ ਵਿੱਚ ਔਰਤਾਂ ਨੇ ਵੀ ਉਤਸ਼ਾਹ ਨਾਲ ਹਿੱਸਾ ਲਿਆ।
ਇਸ ਵਾਰ 400 ਪਾਰ ਦੇ ਲਾਏ ਨਾਅਰੇ
ਇਸ ਰੈਲੀ ਦੌਰਾਨ ਲੋਕਾਂ ਨੇ ਭਾਜਪਾ ਜ਼ਿੰਦਾਬਾਦ ਦੇ ਨਾਅਰੇ ਲਾਏ। ਇੰਨਾ ਹੀ ਨਹੀਂ ਉਨ੍ਹਾਂ ਨੇ ਭਾਰਤ ਤੇ ਭਾਜਪਾ ਦੇ ਝੰਡੇ ਲਹਿਰਾਉਂਦੇ ਹੋਏ ਕਿਹਾ ਕਿ ਇਸ ਵਾਰ ਇਹ ਅੰਕੜਾ 400 ਨੂੰ ਪਾਰ ਕਰ ਜਾਵੇਗਾ। ਇਸ ਰੈਲੀ ਵਿੱਚ ਬੱਚਿਆਂ, ਔਰਤਾਂ ਤੇ ਬਜ਼ੁਰਗਾਂ ਨੇ ਵੱਧ ਚੜ੍ਹ ਕੇ ਹਿੱਸਾ ਲਿਆ।
ਰੈਲੀ ਤੋਂ ਬਾਅਦ ਵਾਕ ਫਾਰ ਮੋਦੀ
ਕਾਰ ਰੈਲੀ ਦੀ ਸਫਲਤਾ ਤੋਂ ਬਾਅਦ ਭਾਜਪਾ ਵਰਕਰਾਂ ਵੱਲੋਂ ਵਾਕ ਫਾਰ ਮੋਦੀ ਦਾ ਆਯੋਜਨ ਕੀਤਾ ਗਿਆ। ਇਸ ਦੀ ਅਗਵਾਈ ਕੁਲਦੀਪ ਸ਼ੇਖਾਵਤ ਦੇ ਨਾਲ ਹਿੰਦੂ ਸਨਾਤਨ ਮੰਦਰ ਤੋਂ ਰਿਸ਼ੂ ਵਾਲੀਆ ਨੇ ਕੀਤੀ। ਸ਼ਾਸਤਰੀ ਸਵਾਮੀ ਸੂਰਜ ਪ੍ਰਕਾਸ਼ ਦਾਸ ਜੀ, ਸਵਾਮੀ ਸਤਿਆਪ੍ਰਕਾਸ਼ ਦਾਸ ਜੀ ਨੇ ਵੀ ਵਾਕ ਫਾਰ ਮੋਦੀ ਵਿਚ ਹਿੱਸਾ ਲਿਆ।