ਗੁਜਰਾਤ ਦੇ ਦਵਾਰਕਾ 'ਚ ਸ਼ਨੀਵਾਰ ਰਾਤ ਨੂੰ ਇਕ ਦਰਦਨਾਕ ਹਾਦਸਾ ਵਾਪਰਿਆ। ਇਸ ਹਾਦਸੇ 'ਚ 4 ਬੱਚਿਆਂ ਸਮੇਤ 7 ਲੋਕਾਂ ਦੀ ਮੌਤ ਹੋ ਗਈ ਹੈ। ਜਦਕਿ 14 ਲੋਕ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਏ ਹਨ ਅਤੇ ਉਨ੍ਹਾਂ ਨੂੰ ਇਲਾਜ ਲਈ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਦਵਾਰਕਾ-ਖੰਭਾਲੀਆ ਨੈਸ਼ਨਲ ਹਾਈਵੇ 'ਤੇ ਇਕ ਬੱਸ ਬੇਕਾਬੂ ਹੋ ਕੇ ਦੂਜੀ ਲੇਨ 'ਚ ਜਾ ਕੇ 3 ਵਾਹਨਾਂ ਨਾਲ ਟਕਰਾ ਗਈ।
ਹਾਦਸਾ ਸ਼ਨੀਵਾਰ ਰਾਤ 8 ਵਜੇ ਵਾਪਰਿਆ
ਪੁਲਸ ਨੇ ਦੱਸਿਆ ਕਿ ਇਹ ਹਾਦਸਾ ਸ਼ਨੀਵਾਰ ਰਾਤ ਕਰੀਬ 8 ਵਜੇ ਨੈਸ਼ਨਲ ਹਾਈਵੇ 'ਤੇ ਹੋਇਆ। ਬੱਸ ਦਵਾਰਕਾ ਤੋਂ ਅਹਿਮਦਾਬਾਦ ਜਾ ਰਹੀ ਸੀ ਅਤੇ ਰਸਤੇ ਵਿੱਚ ਅਚਾਨਕ ਪਸ਼ੂਆਂ ਦੇ ਆ ਜਾਣ ਕਾਰਨ ਬੱਸ ਦਾ ਡਰਾਈਵਰ ਕੰਟਰੋਲ ਗੁਆ ਬੈਠਾ। ਜਿਸ ਕਾਰਨ ਬੱਸ ਡਿਵਾਈਡਰ ਨਾਲ ਟਕਰਾ ਕੇ ਦੂਸਰੀ ਲੇਨ ਵਿੱਚ ਜਾ ਵੱਜੀ। ਦੂਜੀ ਲੇਨ ਵਿੱਚ ਸਾਹਮਣੇ ਤੋਂ ਆ ਰਹੇ ਤਿੰਨ ਵਾਹਨਾਂ ਨੂੰ ਟੱਕਰ ਮਾਰ ਦਿੱਤੀ।
4 ਬੱਚਿਆਂ ਸਮੇਤ 7 ਦੀ ਮੌਤ
ਬੱਸ ਇੱਕ ਮਿੰਨੀ ਵੈਨ, ਇੱਕ ਕਾਰ ਅਤੇ ਇੱਕ ਮੋਟਰਸਾਈਕਲ ਨਾਲ ਟਕਰਾ ਗਈ। ਪੁਲਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਇਸ ਹਾਦਸੇ ਵਿੱਚ ਚਾਰ ਨਿਰਦੋਸ਼ ਲੋਕਾਂ ਸਮੇਤ ਸੱਤ ਲੋਕਾਂ ਦੀ ਮੌਤ ਹੋਣ ਦੀ ਸੂਚਨਾ ਹੈ। ਇਸ ਦੇ ਨਾਲ ਹੀ ਕਰੀਬ 14 ਲੋਕ ਜ਼ਖਮੀ ਦੱਸੇ ਜਾ ਰਹੇ ਹਨ, ਜਿਨ੍ਹਾਂ ਦਾ ਨੇੜਲੇ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਹੈ।
ਮਿੰਨੀ ਵੈਨ 'ਚ ਸਵਾਰ 6 ਲੋਕਾਂ ਦੀ ਮੌਤ
ਇਸ ਹਾਦਸੇ 'ਚ 7 ਯਾਤਰੀਆਂ ਦੀ ਜਾਨ ਚਲੀ ਗਈ ਜੋ ਮਿੰਨੀ ਵੈਨ 'ਚ ਸਵਾਰ ਸਨ। ਇਸ ਦੇ ਨਾਲ ਹੀ ਬੱਸ 'ਚ ਸਵਾਰ ਇਕ ਯਾਤਰੀ ਦੀ ਮੌਤ ਹੋ ਗਈ ਹੈ। ਯਾਤਰੀਆਂ ਦੀ ਪਛਾਣ ਕਰ ਲਈ ਗਈ ਹੈ। ਚਾਰ ਬੱਚਿਆਂ ਵਿੱਚ 2 ਸਾਲ ਦੀ ਤਾਨਿਆ, 3 ਸਾਲ ਦੀ ਰੇਯਾਂਸ਼, 7 ਸਾਲ ਦੀ ਵਿਸ਼ਾਨ ਅਤੇ 13 ਸਾਲ ਦੀ ਪ੍ਰਿਆਂਸ਼ੀ ਸ਼ਾਮਲ ਹਨ। ਇਸ ਹਾਦਸੇ 'ਚ 25 ਸਾਲਾ ਹੇਤਲਬੇਨ ਠਾਕੁਰ, 25 ਸਾਲਾ ਚਿਰਾਗ ਰਣਭਾਈ ਅਤੇ 35 ਸਾਲਾ ਭਾਵਨਾਬੇਨ ਠਾਕੁਰ ਦੀ ਵੀ ਮੌਤ ਹੋ ਗਈ।
ਗਾਂਧੀਨਗਰ ਜਾ ਰਹੀ ਸੀ ਮਿੰਨੀ ਵੈਨ
ਮੌਕੇ 'ਤੇ ਮੌਜੂਦ ਲੋਕਾਂ ਦਾ ਕਹਿਣਾ ਹੈ ਕਿ ਮਿੰਨੀ ਵੈਨ ਦਵਾਰਕਾ ਤੋਂ ਗਾਂਧੀਨਗਰ ਜਾ ਰਹੀ ਸੀ ਅਤੇ ਆਪਣੀ ਮੰਜ਼ਿਲ ਤੋਂ ਕੁਝ ਹੀ ਕਿਲੋਮੀਟਰ ਦੀ ਦੂਰੀ 'ਤੇ ਸੀ। ਮਰਨ ਵਾਲਿਆਂ ਵਿਚ 6 ਲੋਕ ਗਾਂਧੀਨਗਰ ਦੇ ਕਲੋਲ ਦੇ ਸਨ। ਬੱਸ 'ਚ ਸਵਾਰ ਮ੍ਰਿਤਕ ਵਿਅਕਤੀ ਦਵਾਰਕਾ ਦਾ ਰਹਿਣ ਵਾਲਾ ਸੀ।