ਕੈਨੇਡਾ ਵਿਚ ਪੰਜਾਬੀਆਂ ਦੀ ਬਹੁਤਾਤ ਦਾ ਅੰਦਾਜ਼ਾ ਇਸ ਗੱਲ ਤੋਂ ਹੀ ਲਾਇਆ ਜਾ ਸਕਦਾ ਹੈ ਕਿ ਕੈਨੇਡਾ ਦੀ ਨੈਸ਼ਨਲ ਹਾਕੀ ਲੀਗਸ ਦੇ ਮੈਚ ਤੋਂ ਪਹਿਲਾਂ ਕੈਨੇਡਾ ਦਾ ਰਾਸ਼ਟਰੀ ਗੀਤ ਪੰਜਾਬੀ ਵਿੱਚ ਗਾਇਆ ਗਿਆ। ਦੱਸ ਦੇਈਏ ਕਿ ਕੈਨੇਡਾ ਲਾਈਫ ਸੈਂਟਰ ਵਿਖੇ ਪ੍ਰਬੰਧਕ ਸਾਊਥ ਏਸ਼ੀਅਨ ਹੈਰੀਟੇਜ ਨਾਈਟ ਦੇ ਜੈਟਸ ਦੇ ਜਸ਼ਨ ਦਾ ਹਿੱਸਾ ਸੀ।ਵਿਨੀਪੈਗ ਜੈਟਸ ਨੇ ‘ਓ ਕੈਨੇਡਾ ਅਸੀਂ ਸਦਾ ਰੱਖਵਾਲੇ ਤੇਰੇ, ਰੱਬ ਸਾਡੀ ਧਰਤ ਰੱਖੇ ਆਜ਼ਾਦ ਤੇ ਸ਼ਾਨ ਵਾਲੀ, ਓ ਕੈਨੇਡਾ ਅਸੀਂ ਸਦਾ ਰੱਖਵਾਲੇ ਤੇਰੇ ਦਾ ਗਾਇਨ ਕੀਤਾ।
ਵਿਦਿਆਰਥੀਆਂ ਨੇ ਕੀਤੀ ਪੇਸ਼ਕਾਰੀ
ਪੰਜਾਬੀ ਭਾਸ਼ਾ ਨੂੰ ਮਾਣ ਦਿੰਦਿਆਂ ਕੈਨੇਡਾ ਦੇ ਕੌਮੀ ਗੀਤ ਦੀ ਪੰਜਾਬੀ ਵਿਚ ਪੇਸ਼ਕਾਰੀ ਕਿੰਡਰਗਾਰਟਨ ਤੋਂ ਲੈ ਕੇ ਗ੍ਰੇਡ 8 ਤੱਕ ਦੇ ਅੰਬਰ ਟ੍ਰੇਲਜ਼ ਸਕੂਲ ਦੇ ਵਿਦਿਆਰਥੀਆਂ ਨੇ ਕੀਤੀ ਗਈ। ਇਹ ਇਤਿਹਾਸਕ ਪਲ ਬਣ ਗਏ। ਜ਼ਿਕਰਯੋਗ ਹੈ ਕਿ ਅੰਬਰ ਟ੍ਰੇਲਜ਼ ਸਕੂਲ ਮੈਨੀਟੋਬਾ ਵਿੱਚ ਦੋਭਾਸ਼ੀ ਅੰਗਰੇਜ਼ੀ ਅਤੇ ਪੰਜਾਬੀ ਪ੍ਰੋਗਰਾਮ ਪੇਸ਼ ਕਰਨ ਵਾਲੀ ਪਹਿਲਾਂ ਅਧਾਰਾ ਹੈ।
ਸੋਸ਼ਲ ਮੀਡੀਆ 'ਤੇ ਵਾਇਰਲ
ਪੰਜਾਬੀ ਵਿੱਚ ਗਾਏ ਜਾ ਰਹੇ ਕੈਨੇਡਾ ਦੇ ਕੌਮੀ ਗੀਤ ਦਾ ਵੀਡੀਓ ਸੋਸ਼ਲ ਮੀਡੀਆ ਪਲੇਟਫਾਰਮ ਉਤੇ ਖੂਬ ਵਾਇਰਲ ਹੋ ਰਿਹਾ ਹੈ। ਕੈਨੇਡਾ ਦੇ ਸਭਿਆਚਾਰਕ ਭਾਈਚਾਰੇ ਦੀ ਤਾਰੀਫ ਕੀਤੀ ਜਾ ਰਹੀ ਹੈ।
ਇਹ ਪਹਿਲੀ ਪੇਸ਼ਕਾਰੀ ਨਹੀਂ
ਦੱਸਣਯੋਗ ਹੈ ਕਿ ਵੱਖ-ਵੱਖ ਸਭਿਆਚਾਰਾਂ ਨੂੰ ਸਮਰਪਿਤ ਓ ਕੈਨੇਡਾ ਦੀ ਵਰਤੋਂ ਕਰਨ ਵਾਲੇ ਵਿਨੀਪੈਗ ਜੈੱਟ ਦੀ ਇਹ ਪਹਿਲੀ ਪੇਸ਼ਕਾਰੀ ਨਹੀਂ ਹੈ। ਇਸ ਤੋਂ ਪਹਿਲਾਂ 2020 ਵਿੱਚ ਟੀਮ ਨੇ ਓਜੀਬਵੇ ਭਾਸ਼ਾ ਵਿੱਚ ਕੈਨੇਡੀਅਨ ਕੌਮੀ ਗੀਤ ਪੇਸ਼ ਕਰ ਕੇ ਸਵਦੇਸ਼ੀ ਲੋਕਾਂ ਦੀ ਵਿਰਾਸਤ ਦਾ ਸਨਮਾਨ ਕੀਤਾ ਸੀ। 2022 ਵਿੱਚ ਵੀ ਓ ਕੈਨੇਡਾ ਗੀਤ ਯੂਕਰੇਨੀ ਭਾਸ਼ਾ ਵਿੱਚ ਗਾਇਆ ਗਿਆ ਸੀ।
ਮੈਚ ਦੀ ਕੁਮੈਂਟਰੀ ਵੀ ਪੰਜਾਬੀ ਵਿਚ
ਕੈਨੇਡਾ ਵਿੱਚ ਹਾਕੀ ਨੂੰ ਮਸ਼ਹੂਰ ਕਰਨ ਦੇ ਲਈ ਪੰਜਾਬੀਆਂ ਦਾ ਵੱਡਾ ਯੋਗਦਾਰ ਹੈ । ਕੈਨੇਡਾ ਦੀ ਕੌਮੀ ਟੀਮ ਵਿੱਚ ਵੀ ਵੱਡੀ ਗਿਣਤੀ ਵਿੱਚ ਪੰਜਾਬੀ ਹਨ ਜੋ ਕੌਮਾਂਤਰੀ ਪੱਧਰ ‘ਤੇ ਕੈਨੇਡਾ ਵੱਲੋਂ ਖੇਡ ਦੇ ਹਨ। ਇਸੇ ਲਈ ਨੈਸ਼ਨਲ ਹਾਈ ਲੀਗ ਵਿੱਚ ਵੀ ਨਾ ਸਿਰਫ਼ ਕੌਮੀ ਗੀਤ ਪੰਜਾਬੀ ਵਿੱਚ ਗਾਇਆ ਗਿਆ ਬਲਕਿ ਕਮੈਂਟਰੀ ਵੀ ਪੰਜਾਬੀ ਵਿੱਚ ਕੀਤੀ ਗਈ। ਕੈਨੇਡਾ ਵਿੱਚ ਪੰਜਾਬੀ ਚੌਥੀ ਸਭ ਤੋਂ ਜ਼ਿਆਦਾ ਬੋਲਣ ਵਾਲੀ ਜ਼ੁਬਾਨ ਹੈ। ਤਕਰੀਬਨ 5 ਲੱਖ ਲੋਕਾਂ ਦੀ ਕੈਨੇਡਾ ਵਿੱਚ ਪੰਜਾਬੀ ਮੁੱਢਲੀ ਭਾਸ਼ਾ ਹੈ।