73ਵੇਂ ਮਿਸ ਯੂਨੀਵਰਸ ਮੁਕਾਬਲੇ ਵਿਚ Victoria Kjaer ਨੇ ਮਿਸ ਯੂਨੀਵਰਸ 2024 ਦਾ ਖਿਤਾਬ ਜਿੱਤ ਲਿਆ ਹੈ। ਉਸ ਨੇ 125 ਦੇਸ਼ਾਂ ਦੇ ਸਾਰੇ ਪ੍ਰਤੀਯੋਗੀਆਂ ਨੂੰ ਹਰਾ ਕੇ ਇਹ ਖਿਤਾਬ ਜਿੱਤਿਆ ਹੈ। ਇਸ ਨਾਲ ਡੈਨਿਸ਼ ਪ੍ਰਤੀਯੋਗੀ ਵਿਕਟੋਰੀਆ ਕਜਾਰ ਮਿਸ ਯੂਨੀਵਰਸ 2024 ਬਣੀ, ਜਦਕਿ ਭਾਰਤ ਤੋਂ ਇਸ ਮੁਕਾਬਲੇ ਵਿੱਚ ਹਿੱਸਾ ਲੈਣ ਵਾਲੀ ਰਿਆ ਸਿੰਘਾ ਟਾਪ-12 ਵਿੱਚੋਂ ਬਾਹਰ ਹੋ ਗਈ ਹੈ।
125 ਦੇਸ਼ਾਂ ਦੇ 130 ਪ੍ਰਤੀਯੋਗੀਆਂ ਨੇ ਲਿਆ ਭਾਗ
ਇਸ ਮੁਕਾਬਲੇ ਵਿੱਚ 125 ਦੇਸ਼ਾਂ ਦੇ 130 ਪ੍ਰਤੀਯੋਗੀਆਂ ਨੇ ਭਾਗ ਲਿਆ ਸੀ। ਦੱਸ ਦੇਈਏ ਕਿ ਭਾਰਤ ਦੀ ਰੀਆ ਸਿੰਘਾ ਨੇ ਵੀ ਮਿਸ ਯੂਨੀਵਰਸ 2024 ਵਿੱਚ ਹਿੱਸਾ ਲਿਆ ਸੀ ਪਰ ਉਸ ਦਾ ਮਿਸ ਯੂਨੀਵਰਸ ਬਣਨ ਦਾ ਸੁਪਨਾ ਅਧੂਰਾ ਰਹਿ ਗਿਆ। ਰੀਆ ਸਿੰਘ ਨੂੰ ਲੈ ਕੇ ਉਮੀਦਾਂ ਸਨ ਕਿ ਉਹ ਮਿਸ ਯੂਨੀਵਰਸ ਦਾ ਖਿਤਾਬ ਜਿੱਤ ਸਕਦੀ ਹੈ ਕਿਉਂਕਿ ਉਸ ਨੇ ਖੁਦ ਨੂੰ ਇਸ ਤਰ੍ਹਾਂ ਪੇਸ਼ ਕੀਤਾ ਸੀ ਕਿ ਉਸ ਦੀ ਕਾਫੀ ਚਰਚਾ ਹੋ ਰਹੀ ਸੀ।
ਮੈਕਸੀਕੋ 'ਚ ਹੋਇਆ ਗ੍ਰੈਂਡ ਫਿਨਾਲੇ
ਮਿਸ ਯੂਨੀਵਰਸ ਦਾ ਗ੍ਰੈਂਡ ਫਿਨਾਲੇ ਮੈਕਸੀਕੋ 'ਚ ਆਯੋਜਿਤ ਕੀਤਾ ਗਿਆ, ਇਸ ਤੋਂ ਪਹਿਲਾਂ ਰੀਆ ਸਿੰਘ ਬਹੁਤ ਹੀ ਸ਼ਾਨਦਾਰ ਆਊਟਫਿਟ 'ਚ ਨਜ਼ਰ ਆਈ, ਉਸ ਨੇ ਗੋਲਡਨ ਬਰਡ ਬਣ ਕੇ ਪੂਰੀ ਦੁਨੀਆ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਸੀ, ਉਸ ਦੇ ਆਊਟਫਿਟ ਦੀ ਕਾਫੀ ਚਰਚਾ ਹੋਈ ਸੀ। ਕਿਉਂਕਿ ਉਸਨੇ ਸੋਨੇ ਦੇ ਪੰਛੀ ਦੇ ਰੂਪ ਵਿੱਚ ਆਪਣੇ ਪਹਿਰਾਵੇ ਰਾਹੀਂ ਭਾਰਤ ਦੀ ਨੁਮਾਇੰਦਗੀ ਕੀਤੀ।
ਟਾਪ 30 'ਚ ਬਣਾਈ ਥਾਂ
ਭਾਰਤ ਦੀ ਰੀਆ ਸਿੰਘਾ ਨੇ ਸਿਖਰਲੇ 30 ਵਿੱਚ ਆਪਣੀ ਥਾਂ ਬਣਾਈ ਸੀ ਪਰ ਉਹ ਸਿਖਰਲੇ 12 ਵਿੱਚ ਆਪਣੀ ਥਾਂ ਨਹੀਂ ਬਣਾ ਸਕੀ। ਚੋਟੀ ਦੇ 5 ਵਿੱਚ ਆਪਣੀ ਜਗ੍ਹਾ ਬਣਾਉਣ ਵਾਲੇ ਮੁਕਾਬਲੇਬਾਜ਼ਾਂ ਵਿਚ Suchata Chuangsri, Ileana Marquez, Victoria Kjaer, Maria Fernanda, Chidimma Adetshina ਸ਼ਾਮਲ ਸਨ। ਇਨ੍ਹਾਂ ਪੰਜ ਪ੍ਰਤੀਯੋਗੀਆਂ ਵਿੱਚੋਂ, ਜਿਨ੍ਹਾਂ ਨੇ ਚੋਟੀ ਦੇ 2 ਵਿੱਚ ਜਗ੍ਹਾ ਬਣਾਈ, ਉਨ੍ਹਾਂ ਵਿੱਚ Victoria Kjaer ਅਤੇ Chidimma Adetshina ਸ਼ਾਮਲ ਹਨ, ਜਿਸ ਵਿਚ ਡੈਨਮਾਰਕ ਦੀ Victoria Kjaer ਨੇ ਮਿਸ ਯੂਨੀਵਰਸ 2024 ਦਾ ਤਾਜ ਪਹਿਨਿਆ।
ਜ਼ਿਕਰਯੋਗ ਹੈ ਕਿ 1994 ਵਿੱਚ ਸੁਸ਼ਮਿਤਾ ਸੇਨ ਨੇ ਪਹਿਲੀ ਵਾਰ ਭਾਰਤ ਲਈ ਇਹ ਖਿਤਾਬ ਜਿੱਤਿਆ ਸੀ। ਇਸ ਤੋਂ ਬਾਅਦ ਲਾਰਾ ਦੱਤਾ ਅਤੇ ਹਰਨਾਜ਼ ਸੰਧੂ ਨੇ ਵੀ ਇਹ ਖਿਤਾਬ ਜਿੱਤਿਆ।