ਪੰਜਾਬ 'ਚ ਸ਼ਰਾਬ ਦੇ ਠੇਕੇ 2 ਦਿਨ ਬੰਦ ਰਹਿਣਗੇ ਅਤੇ ਮੀਟ-ਮੱਛੀ ਦੀਆਂ ਦੁਕਾਨਾਂ ਵੀ ਨਹੀਂ ਖੁੱਲ੍ਹਣਗੀਆਂ।ਦੱਸ ਦੇਈਏ ਕਿ 2 ਅਕਤੂਬਰ, ਗਾਂਧੀ ਜਯੰਤੀ ਨੂੰ ਡਰਾਈ ਡੇਅ ਹੁੰਦਾ ਹੈ ਅਤੇ ਸ਼ਰਾਬ ਦੇ ਠੇਕੇ ਬੰਦ ਰਹਿੰਦੇ ਹਨ। ਇਸ ਵਾਰ ਅਗਰਸੇਨ ਜਯੰਤੀ 3 ਅਕਤੂਬਰ ਨੂੰ ਆ ਰਹੀ ਹੈ। ਇਸ ਸਬੰਧੀ ਪੰਜਾਬ ਸਰਕਾਰ ਨੇ ਡਰਾਈ ਡੇਅ ਉਤੇ ਮੀਟ ਦੀਆਂ ਦੁਕਾਨਾਂ ਬੰਦ ਰੱਖਣ ਦਾ ਐਲਾਨ ਕੀਤਾ ਹੈ।
2-3 ਅਕਤੂਬਰ ਨੂੰ ਸਕੂਲ ਅਤੇ ਬੈਂਕ ਵੀ ਬੰਦ ਰਹਿਣਗੇ
ਇਸ ਦੇ ਨਾਲ ਹੀ 2 ਅਤੇ 3 ਅਕਤੂਬਰ ਨੂੰ ਵੀ ਛੁੱਟੀ ਰਹੇਗੀ। ਅਕਤੂਬਰ ਦੇ ਪਹਿਲੇ ਹਫ਼ਤੇ ਬੁੱਧਵਾਰ ਅਤੇ ਵੀਰਵਾਰ ਨੂੰ ਸਕੂਲ ਅਤੇ ਸਰਕਾਰੀ ਦਫ਼ਤਰ ਬੰਦ ਰਹਿਣਗੇ। ਇਸ ਦੇ ਨਾਲ ਹੀ ਬੈਂਕ ਵੀ ਬੰਦ ਰਹਿਣਗੇ।
ਮਹਾਰਾਜਾ ਅਗਰਸੇਨ ਨੂੰ ਅਗਰਵਾਲ ਭਾਈਚਾਰੇ ਦਾ ਪਿਤਾਮਹਾ ਕਿਹਾ ਜਾਂਦਾ ਹੈ। ਹਰ ਸਾਲ ਅਸ਼ਵਿਨ ਸ਼ੁਕਲ ਪ੍ਰਤਿਪਦਾ ਨੂੰ ਮਹਾਰਾਜਾ ਅਗਰਸੇਨ ਦਾ ਜਨਮ ਦਿਵਸ ਮਨਾਇਆ ਜਾਂਦਾ ਹੈ। ਇਹ ਦਿਨ ਨਵਰਾਤਰੀ ਦਾ ਪਹਿਲਾ ਦਿਨ ਵੀ ਹੈ। ਇਸ ਦਿਨ ਵਪਾਰ ਮੰਡਲ ਦੇ ਲੋਕ ਮਹਾਰਾਜ ਅਗਰਸੇਨ ਦੀ ਪੂਜਾ ਕਰਦੇ ਹਨ।
ਮਹਾਰਾਜਾ ਅਗਰਸੇਨ ਦਾ ਜਨਮ ਸ਼੍ਰੀ ਰਾਮ ਦੀ 34ਵੀਂ ਪੀੜ੍ਹੀ ਵਿੱਚ ਦੁਆਪਰ ਦੇ ਆਖ਼ਰੀ ਦੌਰ ਅਤੇ ਕਲਿਯੁਗ ਦੀ ਸ਼ੁਰੂਆਤ ਵਿੱਚ ਹੋਇਆ ਸੀ। ਉਹ ਪ੍ਰਤਾਪ ਨਗਰ ਦੇ ਰਾਜਾ ਵੱਲਭਸੇਨ ਅਤੇ ਮਾਤਾ ਭਗਵਤੀ ਦੇਵੀ ਦੇ ਵੱਡੇ ਪੁੱਤਰ ਸਨ। ਪ੍ਰਤਾਪ ਨਗਰ ਰਾਜਸਥਾਨ ਅਤੇ ਹਰਿਆਣਾ ਦੇ ਵਿਚਕਾਰ ਸਰਸਵਤੀ ਨਦੀ ਦੇ ਕੰਢੇ ਸਥਿਤ ਹੈ। ਅਗਰਸੇਨ ਜਯੰਤੀ ਹਰਿਆਣਾ, ਯੂ ਪੀ ਵਿੱਚ ਬਹੁਤ ਧੂਮਧਾਮ ਨਾਲ ਮਨਾਈ ਜਾਂਦੀ ਹੈ।ਮਹਾਰਾਜਾ ਅਗਰਸੇਨ ਨੇ ਅਗਰੋਹਾ ਰਾਜ ਦੀ ਸਥਾਪਨਾ ਕੀਤੀ ਸੀ।