ਖ਼ਬਰਿਸਤਾਨ ਨੈੱਟਵਰਕ: 1 ਅਪ੍ਰੈਲ ਤੋਂ ਦੇਸ਼ ਭਰ ਵਿੱਚ ਕਈ ਵੱਡੇ ਬਦਲਾਅ ਲਾਗੂ ਹੋਣ ਜਾ ਰਹੇ ਹਨ, ਜਿਨ੍ਹਾਂ ਦਾ ਸਿੱਧਾ ਅਸਰ ਆਮ ਲੋਕਾਂ ਦੀ ਜੇਬ ਅਤੇ ਰੋਜ਼ਾਨਾ ਦੀ ਜ਼ਿੰਦਗੀ ‘ਤੇ ਪਵੇਗਾ। ਟੋਲ ਪਲਾਜ਼ਾ ਤੋਂ ਲੈ ਕੇ ਟੈਕਸ ਅਤੇ ਬੈਂਕਿੰਗ ਤੱਕ ਕਈ ਨਿਯਮ ਬਦਲ ਜਾਣਗੇ। ਇਸ ਦੇ ਨਾਲ ਹੀ 31 ਮਾਰਚ ਰਾਤ 12 ਵਜੇ ਕਈ ਜ਼ਰੂਰੀ ਕੰਮਾਂ ਦੀ ਡੈੱਡਲਾਈਨ (ਆਖਰੀ ਤਾਰੀਖ਼) ਵੀ ਖ਼ਤਮ ਹੋ ਰਹੀ ਹੈ।
ਟੋਲ ਪਲਾਜ਼ਾ ਪੂਰੀ ਤਰ੍ਹਾਂ ਕੈਸ਼ਲੈੱਸ
ਹੁਣ ਦੇਸ਼ ਦੇ ਸਾਰੇ ਟੋਲ ਪਲਾਜ਼ਿਆਂ ‘ਤੇ ਨਕਦ ਭੁਗਤਾਨ ਬੰਦ ਹੋ ਜਾਵੇਗਾ। ਵਾਹਨ ਚਾਲਕਾਂ ਨੂੰ ਸਿਰਫ਼ ਫਾਸਟੈਗ (FASTag) ਜਾਂ UPI ਰਾਹੀਂ ਹੀ ਟੋਲ ਟੈਕਸ ਦੇਣਾ ਹੋਵੇਗਾ। ਡਿਜੀਟਲ ਪੇਮੈਂਟ ਤੋਂ ਬਿਨਾਂ ਜੁਰਮਾਨਾ ਜਾਂ ਐਂਟਰੀ ਰੋਕਣ ਵਰਗੀ ਸਥਿਤੀ ਬਣ ਸਕਦੀ ਹੈ।
ਟੈਕਸ ਬਚਾਉਣ ਦਾ ਆਖਰੀ ਮੌਕਾ ਖ਼ਤਮ
ਪੁਰਾਣੀ ਟੈਕਸ ਰਿਜੀਮ ਵਿੱਚ 80C (₹1.5 ਲੱਖ ਤੱਕ) ਅਤੇ 80D ਤਹਿਤ ਨਿਵੇਸ਼ ਕਰਕੇ ਟੈਕਸ ਬਚਾਉਣ ਦਾ ਮੌਕਾ 31 ਮਾਰਚ ਤੱਕ ਹੀ ਸੀ। 1 ਅਪ੍ਰੈਲ ਤੋਂ ਬਾਅਦ ਕੀਤਾ ਗਿਆ ਨਿਵੇਸ਼ ਅਗਲੇ ਵਿੱਤੀ ਸਾਲ ਵਿੱਚ ਗਿਣਿਆ ਜਾਵੇਗਾ।
PPF, NPS ਅਤੇ ਸੁਕੰਨਿਆ ਖਾਤਾ ਨਿਯਮ
ਇਨ੍ਹਾਂ ਸਰਕਾਰੀ ਯੋਜਨਾਵਾਂ ਨੂੰ ਐਕਟਿਵ ਰੱਖਣ ਲਈ ਹਰ ਸਾਲ ਘੱਟੋ-ਘੱਟ ₹250–₹500 ਜਮ੍ਹਾਂ ਕਰਨਾ ਜ਼ਰੂਰੀ ਹੈ। ਅਜਿਹਾ ਨਾ ਕਰਨ ‘ਤੇ ਖਾਤਾ ਬੰਦ ਹੋ ਸਕਦਾ ਹੈ ਅਤੇ ਫਿਰ ਚਾਲੂ ਕਰਵਾਉਣ ਲਈ ਪੈਨਲਟੀ (ਜੁਰਮਾਨਾ) ਦੇਣੀ ਪਵੇਗੀ।
ਸੈਲਰੀ ਕਲਾਸ ਲਈ TDS ਦਾ ਅਸਰ
ਜੇਕਰ ਕਰਮਚਾਰੀਆਂ ਨੇ ਸਮੇਂ ਸਿਰ ਨਿਵੇਸ਼ ਦੇ ਸਬੂਤ (ਜਿਵੇਂ HRA, ਇੰਸ਼ੋਰੈਂਸ, ਹੋਮ ਲੋਨ) ਜਮ੍ਹਾਂ ਨਹੀਂ ਕੀਤੇ, ਤਾਂ ਕੰਪਨੀ ਜ਼ਿਆਦਾ TDS ਕੱਟ ਸਕਦੀ ਹੈ। ਬਾਅਦ ਵਿੱਚ ਰਿਫੰਡ ਲਈ ITR ਭਰਨੀ ਪਵੇਗੀ।
ਰੇਲਵੇ ਨਿਯਮਾਂ ਵਿੱਚ ਬਦਲਾਅ
ਰੇਲਵੇ ਟਿਕਟ ਬੁਕਿੰਗ, ਰਿਫੰਡ ਅਤੇ ਚਾਰਜਿਜ਼ ਨਾਲ ਜੁੜੇ ਕੁਝ ਨਿਯਮਾਂ ਵਿੱਚ ਬਦਲਾਅ ਲਾਗੂ ਹੋ ਸਕਦੇ ਹਨ, ਜਿਸ ਨਾਲ ਯਾਤਰੀਆਂ ਦੀ ਜੇਬ ‘ਤੇ ਅਸਰ ਪਵੇਗਾ।
ਬੈਂਕਿੰਗ ਸੇਵਾਵਾਂ ਵਿੱਚ ਬਦਲਾਅ
ਬੈਂਕਾਂ ਦੇ ਚਾਰਜ, ਮਿਨੀਮਮ ਬੈਲੇਂਸ ਅਤੇ ਕੁਝ ਸਰਵਿਸ ਫੀਸਾਂ ਵਿੱਚ ਬਦਲਾਅ ਸੰਭਵ ਹੈ।
LPG, CNG ਅਤੇ PNG ਦੀਆਂ ਕੀਮਤਾਂ
ਹਰ ਮਹੀਨੇ ਦੀ ਤਰ੍ਹਾਂ 1 ਅਪ੍ਰੈਲ ਨੂੰ ਗੈਸ ਸਿਲੰਡਰ ਅਤੇ ਫਿਊਲ ਦੀਆਂ ਕੀਮਤਾਂ ਵਿੱਚ ਬਦਲਾਅ ਹੋ ਸਕਦਾ ਹੈ।
ਕ੍ਰੈਡਿਟ ਕਾਰਡ ਨਿਯਮ ਅਪਡੇਟ
ਕੁਝ ਬੈਂਕਾਂ ਦੇ ਕ੍ਰੈਡਿਟ ਕਾਰਡ ਰਿਵਾਰਡ ਪੁਆਇੰਟਸ, ਫੀਸਾਂ ਅਤੇ ਲਿਮਿਟ ਨਾਲ ਜੁੜੇ ਨਿਯਮ ਬਦਲ ਸਕਦੇ ਹਨ।
