ਖ਼ਬਰਿਸਤਾਨ ਨੈੱਟਵਰਕ: ਜਲੰਧਰ ‘ਚ ਡੀਸੀ ਹਿਮਾਂਸ਼ੂ ਅਗਰਵਾਲ ਨੇ ਬਰਲਟਨ ਪਾਰਕ ‘ਚ ਲਗਾਈ ਜਾਂਦੀ ਪਟਾਕਾ ਮਾਰਕਿਟ ਨੂੰ ਲੈ ਕੇ ਨਵੇਂ ਨਿਰਦੇਸ਼ ਜਾਰੀ ਕੀਤੇ ਹਨ| ਉਨ੍ਹਾਂ ਨੇ ਕਿਹਾ ਕਿ ਹਰ ਸਾਲ ਦੀਵਾਲੀ ਦੇ ਤਿਉਹਾਰ ਦੇ ਮੌਕੇ ‘ਤੇ ਪਾਰਕ ‘ਚ ਪਟਾਕਾ ਮਾਰਕਿਟ ਲੱਗਦੀ ਹੈ| ਇਸ ਵਾਰ ਬਰਲਟਨ ਪਾਰਕ ‘ਤੇ ਉਸਾਰੀ ਅਤੇ ਨਵੀਨੀਕਰਨ ਦਾ ਕੰਮ ਚੱਲਦਾ ਹੋਣ ਕਰਕੇ ਹੁਣ ਇੱਥੇ ਪਟਾਕਿਆਂ ਦੀ ਮਾਰਕਿਟ ਨਹੀਂ ਲਗਾਈ ਜਾਵੇਗੀ|
ਜਿਸ ਕਾਰਨ ਉਨ੍ਹਾਂ ਨੇ ਨਗਰ ਨਿਗਮ ਨੂੰ ਸ਼ਹਿਰ ‘ਚ ਖਾਲੀ ਥਾਵਾਂ ਜਾਂ ਵੱਡੀਆਂ ਗਰਾਊਂਡਾਂ ਦੀ ਸੂਚੀ ਤਿਆਰ ਕਰਕੇ 10 ਦਿਨ ਦੇ ਅੰਦਰ ਭੇਜਣ ਦੇ ਨਿਰਦੇਸ਼ ਦਿੱਤੇ ਹਨ| ਤਾਂ ਜੋ ਮਾਰਕਿਟ ਦੀ ਨਵੀਂ ਜਗ੍ਹਾਂ ਨਿਰਧਾਰਿਤ ਕੀਤੀ ਜਾ ਸਕੇ | ਉਨ੍ਹਾਂ ਹਦਾਇਤ ਕੀਤੀ ਕਿ ਸੂਚੀ ਤਿਆਰ ਕਰਦੇ ਸਮੇਂ ਜਗ੍ਹਾ ਦਾ ਅੰਦਾਜ਼ਨ ਆਕਾਰ, ਆਵਾਜਾਈ ਦੀ ਸਹੂਲਤ, ਆਸ-ਪਾਸ ਦੀ ਆਬਾਦੀ, ਅੱਗ ਬੁਝਾਊ ਸਾਧਨਾਂ ਦੀ ਉਪਲਬਧਤਾ ਆਦਿ ਬਾਰੇ ਵੀ ਵੇਰਵਾ ਦਿੱਤਾ ਜਾਵੇ।
ਬਲਰਟਨ ਪਾਰਕ ਨੂੰ ਆਰਜੀ ਪਟਾਖਾ ਮਾਰਕੀਟ ਲਈ ਵਰਤਣਾ ਸੁਰੱਖਿਆ ਪੱਖੋਂ ਉਚਿਤ ਨਹੀਂ ਹੋਵੇਗਾ। ਉਨ੍ਹਾਂ ਨੇ ਮਾਰਕਿਟ ਲਈ ਉਚਿਤ ਜਗ੍ਹਾਂ ਚੁਣਨ ‘ਤੇ ਜ਼ੋਰ ਦਿੱਤਾ ਹੈ | ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਹਨ ਕਈ ਨਿਗਮ ਅਧੀਨ ਆਉਣ ਵਾਲੇ ਸ਼ਹਿਰੀ ਖੇਤਰ ਵਿੱਚ ਉਪਲਬਧ ਵੱਡੀਆਂ ਗਰਾਊਂਡਾਂ ਜਾਂ ਖਾਲੀ ਥਾਵਾਂ ਦੀ ਵਿਸਥਾਰਪੂਰਵਕ ਸੂਚੀ ਤਿਆਰ ਕਰਕੇ ਡੀਸੀ ਦਫ਼ਤਰ ਭੇਜੀ ਜਾਵੇ |
11 ਜੂਨ ਨੂੰ CM ਮਾਨ ਨੇ ਕੀਤਾ ਸੀ ਉਦਘਾਟਨ
ਦੱਸ ਦੇਈਏ ਕਈ ਮੁੱਖ ਮੰਤਰੀ ਭਗਵੰਤ ਮਾਨ ਨੇ 11 ਜੂਨ ਨੂੰ ਬਰਲਟਨ ਪਾਰਕ ਦਾ ਉਦਘਾਟਨ ਕੀਤਾ ਹੈ| ਸੀਐਮ ਮਾਨ ਅਤੇ ਕੇਜਰੀਵਾਲ ਨੇ 77.77 ਕਰੋੜ ਰੁਪਏ ਦੇ ਬਰਲਟਨ ਪਾਰਕ ਪ੍ਰੋਜੈਕਟ ਦਾ ਨੀਂਹ ਪੱਥਰ ਰੱਖਿਆ ਸੀ। 17 ਸਾਲਾਂ ਬਾਅਦ, ਸੂਬੇ ਨੂੰ ਇੱਕ ਨਵੇਂ ਖੇਡ ਹੱਬ ਦੇ ਰੂਪ ਵਿੱਚ ਤੋਹਫ਼ਾ ਮਿਲਿਆ ਹੈ।
