ਅਮਰੀਕਾ 'ਚ ਤੇਜ਼ ਰਫਤਾਰ ਕਾਰ ਪਲਟਣ ਕਾਰਨ ਤਿੰਨ ਭਾਰਤੀ-ਅਮਰੀਕੀ ਵਿਦਿਆਰਥੀਆਂ ਦੀ ਮੌਤ ਹੋ ਗਈ ਜਦਕਿ ਦੋ ਹੋਰ ਜ਼ਖਮੀ ਹੋ ਗਏ। ਮਰਨ ਵਾਲਿਆਂ ਵਿੱਚ ਦੋ ਔਰਤਾਂ ਸਨ ਅਤੇ ਉਨ੍ਹਾਂ ਸਾਰਿਆਂ ਦੀ ਉਮਰ 18 ਸਾਲ ਦੇ ਕਰੀਬ ਸੀ। ਇਹ ਹਾਦਸਾ 14 ਮਈ ਨੂੰ ਜਾਰਜੀਆ ਦੇ ਅਲਫਾਰੇਟਾ 'ਚ ਮੈਕਸਵੈੱਲ ਰੋਡ ਦੇ ਉੱਤਰ ਵਿੱਚ ਵੈਸਟਸਾਈਡ ਪਾਰਕਵੇਅ ਉੱਤੇ ਵਾਪਰਿਆ।
ਮ੍ਰਿਤਕਾਂ ਦੀ ਪਛਾਣ
ਮਰਨ ਵਾਲੇ ਵਿਦਿਆਰਥੀਆਂ ਦੀ ਪਛਾਣ ਅਲਫਾਰੇਟਾ ਹਾਈ ਸਕੂਲ ਦੇ ਸੀਨੀਅਰ ਆਰੀਅਨ ਜੋਸ਼ੀ, ਜਾਰਜੀਆ ਯੂਨੀਵਰਸਿਟੀ ਵਿੱਚ ਪਹਿਲੇ ਸਾਲ ਦੀ ਵਿਦਿਆਰਥਣ ਸ਼੍ਰੀਆ ਅਵਸਾਰਲਾ ਅਤੇ ਅਨਵੀ ਸ਼ਰਮਾ ਵਜੋਂ ਹੋਈ ਹੈ। ਜ਼ਖਮੀ ਵਿਦਿਆਰਥੀਆਂ ਵਿੱਚ ਜਾਰਜੀਆ ਸਟੇਟ ਯੂਨੀਵਰਸਿਟੀ ਦਾ ਵਿਦਿਆਰਥੀ ਹੋਂਡਾ ਅਕਾਰਡ ਡਰਾਈਵਰ ਰਿਥਵਾਕ ਸੋਮਪੱਲੀ ਹੈ, ਅਤੇ ਅਲਫਾਰੇਟਾ ਹਾਈ ਸਕੂਲ ਦੇ ਸੀਨੀਅਰ ਮੁਹੰਮਦ ਲਿਆਕਾਥ ਹੈ ।
ਹਾਦਸੇ ਦਾ ਕਾਰਨ ਕਾਰ ਦੀ ਤੇਜ਼ ਰਫਤਾਰ ਬਣੀ
ਪੁਲਸ ਮੁਤਾਬਕ ਡਰਾਈਵਰ ਨੇ ਕਾਰ 'ਤੇ ਸੰਤੁਲਨ ਗੁਆ ਦਿੱਤਾ, ਜਿਸ ਕਾਰਨ ਕਾਰ ਬੇਕਾਬੂ ਹੋ ਕੇ ਦਰੱਖਤ ਨਾਲ ਜਾ ਟਕਰਾਈ। ਫਿਲਹਾਲ ਪੁਲਸ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕਰ ਰਹੀ ਹੈ।