ਪੰਜਾਬ ਆਉਣ ਵਾਲੀਆਂ 4 ਮਹੱਤਵਪੂਰਨ ਰੇਲਗੱਡੀਆਂ ਰੱਦ ਕਰ ਦਿੱਤੀਆਂ ਗਈਆਂ ਹਨ। ਰੇਲਵੇ ਅਧਿਕਾਰੀਆਂ ਅਨੁਸਾਰ ਇਹ ਰੇਲਗੱਡੀਆਂ 28 ਜਨਵਰੀ ਤੋਂ 15 ਫਰਵਰੀ ਤੱਕ ਰੱਦ ਕਰ ਦਿੱਤੀਆਂ ਹਨ। ਇਹ ਸਾਰੀਆਂ ਰੇਲਗੱਡੀਆਂ ਹਰਿਆਣਾ ਰਾਹੀਂ ਪੰਜਾਬ ਆਉਂਦੀਆਂ ਹਨ।
ਹਰਿਆਣਾ ਤੋਂ ਪੰਜਾਬ ਆਉਣ ਵਾਲੀਆਂ ਇਹ ਰੇਲਗੱਡੀਆਂ ਰੱਦ
ਰੇਲਵੇ ਵੱਲੋਂ ਰੱਦ ਕੀਤੀਆਂ ਗਈਆਂ ਟ੍ਰੇਨਾਂ ਵਿੱਚ ਟ੍ਰੇਨ ਨੰਬਰ 54603 ਹਿਸਾਰ-ਲੁਧਿਆਣਾ ਟ੍ਰੇਨ, ਟ੍ਰੇਨ ਨੰਬਰ 54604 ਲੁਧਿਆਣਾ-ਚੁਰੂ ਟ੍ਰੇਨ, ਟ੍ਰੇਨ ਨੰਬਰ 54605 ਚੁਰੂ-ਲੁਧਿਆਣਾ ਟ੍ਰੇਨ, ਟ੍ਰੇਨ ਨੰਬਰ 54606 ਲੁਧਿਆਣਾ-ਹਿਸਾਰ ਟ੍ਰੇਨ 15 ਫਰਵਰੀ ਤੱਕ ਰੱਦ ਰਹਿਣਗੀਆਂ।
ਮੁਰੰਮਤ ਦਾ ਚੱਲ ਰਿਹਾ ਕੰਮ
ਦੱਸ ਦੇਈਏ ਕਿ ਪਲੇਟਫਾਰਮ ਨੰਬਰ 6 ਅਤੇ 7 'ਤੇ ਮੁੜ ਵਿਕਾਸ ਕਾਰਨ ਕਈ ਰੇਲਗੱਡੀਆਂ ਪ੍ਰਭਾਵਤ ਹੋਣਗੀਆਂ। ਰੇਲਵੇ ਨੇ ਯਾਤਰੀਆਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਯਾਤਰਾ ਕਰਨ ਤੋਂ ਪਹਿਲਾਂ ਟ੍ਰੇਨਾਂ ਅਤੇ ਉਨ੍ਹਾਂ ਦੇ ਰੂਟਾਂ ਦੀ ਜਾਂਚ ਕਰਨ ਤਾਂ ਜੋ ਉਨ੍ਹਾਂ ਨੂੰ ਕਿਸੇ ਵੀ ਤਰ੍ਹਾਂ ਦੀ ਸਮੱਸਿਆ ਦਾ ਸਾਹਮਣਾ ਨਾ ਕਰਨਾ ਪਵੇ।