ਖ਼ਬਰਿਸਤਾਨ ਨੈੱਟਵਰਕ: ਇੰਦੌਰ ਤੋਂ ਹਨੀਮੂਨ ਮਨਾਉਣ ਲਈ ਘਰ ਤੋਂ ਨਿਕਲੇ ਰਾਜਾ ਰਘੂਵੰਸ਼ੀ ਅਤੇ ਸੋਨਮ ਰਘੂਵੰਸ਼ੀ ਦੀ ਕਹਾਣੀ ਨੇ ਨਵਾਂ ਮੋੜ ਲੈ ਲਿਆ ਹੈ। ਇਸ ਮਾਮਲੇ ਵਿੱਚ ਇੱਕ ਨਵਾਂ ਮੋੜ ਉਦੋਂ ਆਇਆ ਜਦੋਂ 2 ਜੂਨ ਨੂੰ ਰਾਜਾ ਦੀ ਲਾਸ਼ ਮੇਘਾਲਿਆ ਦੇ ਜੰਗਲਾਂ ਵਿੱਚੋਂ ਮਿਲੀ। ਰਾਜਾ ਦੀ ਪਤਨੀ ਸੋਨਮ ਉਦੋਂ ਤੋਂ ਲਾਪਤਾ ਹੈ। ਉਸਨੂੰ ਯੂਪੀ ਪੁਲਿਸ ਨੇ ਗਾਜ਼ੀਪੁਰ ਦੇ ਇੱਕ ਢਾਬੇ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਸੋਨਮ ਨੇ ਆਪਣੇ ਹੀ ਪਤੀ ਦਾ ਕਰਵਾਇਆ ਕਤਲ
ਇਸ ਮਾਮਲੇ ‘ਤੇ ਮੇਘਾਲਿਆ ਦੇ ਡੀਜੀਪੀ ਆਈ ਨੋਂਗਰਾਂਗ ਦਾ ਬਿਆਨ ਸਾਹਮਣੇ ਆਇਆ ਹੈ। ਉਨ੍ਹਾਂ ਕਿਹਾ ਕਿ ਰਾਜਾ ਰਘੂਵੰਸ਼ੀ ਦੀ ਹੱਤਿਆ ਉਸਦੀ ਪਤਨੀ ਸੋਨਮ ਨੇ ਕੀਤੀ ਸੀ। ਉਸਨੇ ਪੇਸ਼ੇਵਰ ਕਾਤਲਾਂ ਨੂੰ ਸੁਪਾਰੀ ਦੇ ਕੇ ਕਤਲ ਕਰਵਾਇਆ ਸੀ। ਇਸ ਮਾਮਲੇ ਵਿੱਚ 3 ਹਮਲਾਵਰਾਂ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਜਿਨ੍ਹਾਂ ਵਿੱਚੋਂ 2 ਇੰਦੌਰ ਤੋਂ ਹਨ ਅਤੇ ਇੱਕ ਯੂਪੀ ਦਾ ਰਹਿਣ ਵਾਲਾ ਹੈ।
ਯੂਪੀ ਪੁਲਿਸ ਨੇ ਸੋਨਮ ਨੂੰ ਮੇਘਾਲਿਆ ਪੁਲਿਸ ਹਵਾਲੇ ਕੀਤਾ
ਯੂਪੀ ਪੁਲਿਸ ਨੂੰ ਸੋਨਮ ਰਘੂਵੰਸ਼ੀ ਬਾਰੇ ਜਾਣਕਾਰੀ ਮਿਲੀ, ਉਨ੍ਹਾਂ ਨੇ ਤੁਰੰਤ ਉਸਨੂੰ ਗ੍ਰਿਫ਼ਤਾਰ ਕਰ ਲਿਆ। ਉਸਨੂੰ ਗ੍ਰਿਫ਼ਤਾਰ ਕਰਨ ਤੋਂ ਬਾਅਦ, ਉਨ੍ਹਾਂ ਨੇ ਮੇਘਾਲਿਆ ਪੁਲਿਸ ਨੂੰ ਇਸ ਬਾਰੇ ਸੂਚਿਤ ਕੀਤਾ। ਕਿਉਂਕਿ ਇਹ ਸਾਰਾ ਮਾਮਲਾ ਮੇਘਾਲਿਆ ਪੁਲਿਸ ਨਾਲ ਸਬੰਧਤ ਹੈ, ਯੂਪੀ ਪੁਲਿਸ ਨੇ ਦਖਲ ਨਹੀਂ ਦਿੱਤਾ ਅਤੇ ਸੋਨਮ ਨੂੰ ਉਨ੍ਹਾਂ ਦੇ ਹਵਾਲੇ ਕਰ ਦਿੱਤਾ।
ਸੋਨਮ ਦੇ ਪਿਤਾ ਨੇ ਪੁਲਿਸ ਦੇ ਬਿਆਨ ਨੂੰ ਰੱਦ ਕਰ ਦਿੱਤਾ
ਸੋਨਮ ਦੇ ਪਿਤਾ ਨੇ ਮੇਘਾਲਿਆ ਪੁਲਿਸ ਵੱਲੋਂ ਦਿੱਤੇ ਗਏ ਬਿਆਨ ਨੂੰ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਧੀ ਬੇਕਸੂਰ ਹੈ, ਪੁਲਿਸ ਨੇ ਉਸਨੂੰ ਫਸਾਉਣ ਲਈ ਇੱਕ ਝੂਠੀ ਕਹਾਣੀ ਘੜੀ ਹੈ। ਸਾਡੇ ਬੱਚੇ ਅਜਿਹਾ ਨਹੀਂ ਕਰ ਸਕਦੇ। ਉਨ੍ਹਾਂ ਨੂੰ ਅਜਿਹੀ ਸਿੱਖਿਆ ਨਹੀਂ ਦਿੱਤੀ ਗਈ ਹੈ। ਮੇਰੀ ਧੀ 25 ਸਾਲ ਦੀ ਹੈ, 10 ਸਾਲ ਦੀ ਨਹੀਂ।
