ਲੁਧਿਆਣਾ ਦੀ ਰਹਿਣ ਵਾਲੀ ਇਕ ਔਰਤ ਆਪਣੇ ਬੱਚੇ ਦਾ ਨਾਂ ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਤੋਂ ਰੱਖਣ 'ਤੇ ਅੜੀ ਹੋਈ ਹੈ। ਬੱਚੇ ਦੇ ਜਨਮ ਨੂੰ 10 ਦਿਨ ਤੋਂ ਵੱਧ ਸਮਾਂ ਹੋ ਗਿਆ ਹੈ ਪਰ ਅਜੇ ਤੱਕ ਉਸ ਦਾ ਨਾਂ ਨਹੀਂ ਰੱਖਿਆ ਗਿਆ ਹੈ। ਔਰਤ ਚਾਹੁੰਦੀ ਹੈ ਕਿ ਉਸ ਦੇ ਪੁੱਤਰ ਦਾ ਨਾਂ ਰਾਹੁਲ ਗਾਂਧੀ ਹੀ ਰੱਖਣ, ਕਿਉਂਕਿ ਉਹ ਉਹਨਾਂ ਦੀ ਭਾਰਤ ਜੋੜੋ ਯਾਤਰਾ ਤੋਂ ਬਹੁਤ ਪ੍ਰਭਾਵਿਤ ਹੋਈ ਸੀ।
ਭਾਰਤ ਜੋੜੋ ਯਾਤਰਾ ਦੌਰਾਨ ਰਾਹੁਲ ਗਾਂਧੀ ਤੋਂ ਸਿੱਖਣ ਨੂੰ ਮਿਲਿਆ
ਅਰਬਨ ਅਸਟੇਟ ਦੀ ਰਹਿਣ ਵਾਲੀ ਨੇਹਾ ਨੇ ਦੱਸਿਆ ਕਿ ਉਹ ਇੱਕ ਸਮਾਜ ਸੇਵੀ ਹੈ। ਰਾਹੁਲ ਗਾਂਧੀ ਦੇ ਭਾਰਤ ਜੋੜੋ ਯਾਤਰਾ ਦੌਰਾਨ ਉਨ੍ਹਾਂ ਤੋਂ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ। ਉਦੋਂ ਤੋਂ ਉਸ ਨੇ ਫੈਸਲਾ ਕੀਤਾ ਸੀ ਕਿ ਉਹ ਆਪਣੇ ਬੱਚੇ ਦਾ ਨਾਂ ਰਾਹੁਲ ਗਾਂਧੀ ਦਾ ਨਾਂ ਉਹਨਾਂ ਤੋਂ ਹੀ ਰਖਾਵੇਗੀ। ਰਾਹੁਲ ਗਾਂਧੀ ਖੁਦ ਬੱਚਿਆਂ ਨੂੰ ਬਹੁਤ ਪਿਆਰ ਕਰਦੇ ਹਨ।
ਰਾਹੁਲ ਗਾਂਧੀ ਪੂਰੀ ਕਰਦੇ ਹਨ ਮੰਗਾਂ
ਨੇਹਾ ਨੇ ਅੱਗੇ ਕਿਹਾ ਕਿ ਉਸ ਨੂੰ ਪੂਰੀ ਉਮੀਦ ਹੈ ਕਿ ਰਾਹੁਲ ਗਾਂਧੀ ਬੱਚੇ ਦਾ ਨਾਂ ਜ਼ਰੂਰ ਰੱਖਣਗੇ। ਕਿਉਂਕਿ ਜੇਕਰ ਕੋਈ ਰਾਹੁਲ ਗਾਂਧੀ ਤੋਂ ਕੋਈ ਮੰਗ ਕਰਦਾ ਹੈ ਤਾਂ ਉਹ ਉਸ ਨੂੰ ਜ਼ਰੂਰ ਪੂਰਾ ਕਰਦੇ ਹਨ। ਜੇਕਰ ਰਾਹੁਲ ਗਾਂਧੀ ਪੰਜਾਬ ਨਹੀਂ ਆ ਸਕਦੇ ਤਾਂ ਉਹ ਉਸ ਥਾਂ 'ਤੇ ਜਾ ਕੇ ਬੱਚੇ ਦਾ ਨਾਮਕਰਨ ਕਰਵਾਏਗੀ।
ਨੇਹਾ ਸੇਵਾਮੁਕਤ ਸੈਨਿਕਾਂ ਦੀ ਕਰਦੀ ਮਦਦ
ਨੇਹਾ ਨੇ ਕਿਹਾ ਕਿ ਮੈਂ ਕਿਸੇ ਸਿਆਸੀ ਪਾਰਟੀ ਨਾਲ ਜੁੜੀ ਨਹੀਂ ਹਾਂ। ਸਮਾਜ ਸੇਵੀ ਹੋਣ ਦੇ ਨਾਲ-ਨਾਲ ਉਹ ਸੇਵਾਮੁਕਤ ਸੈਨਿਕਾਂ ਨਾਲ ਜੁੜੀ ਹੋਈ ਹੈ। ਕਈ ਵੈਲਫੇਅਰ ਸੋਸਾਇਟੀਆਂ ਵਿੱਚ ਕੰਮ ਕਰਦੀ ਹੈ। ਬੱਚੇ ਦਾ ਕੋਈ ਨਾਂ ਨਾ ਹੋਣ ਕਾਰਨ ਪਰਿਵਾਰ ਵਾਲੇ ਉਸ ਨੂੰ ਨੋਨੂੰ, ਗੁੱਡੂ ਆਦਿ ਕਹਿ ਕੇ ਬੁਲਾ ਰਹੇ ਹਨ।