ਮੱਧ ਪ੍ਰਦੇਸ਼ ਦੇ ਗੁਨਾ 'ਚ ਪ੍ਰਸ਼ਾਸਨ ਨੇ ਲੜਕੀ ਦੀ ਬੇਰਹਿਮੀ ਨਾਲ ਕੁੱਟਮਾਰ ਕਰਨ ਵਾਲੇ ਨੌਜਵਾਨ ਦੇ ਘਰ 'ਤੇ ਬੁਲਡੋਜ਼ਰ ਚਲਾ ਦਿੱਤਾ ਹੈ। ਦੋਸ਼ੀ ਅਯਾਨ ਪਠਾਨ ਨੇ ਪਹਿਲਾਂ ਆਪਣੇ ਗੁਆਂਢ 'ਚ ਰਹਿਣ ਵਾਲੀ ਲੜਕੀ ਨੂੰ ਬੰਧਕ ਬਣਾ ਕੇ ਉਸ ਦੀ ਕੁੱਟਮਾਰ ਕੀਤੀ, ਫਿਰ ਉਸ ਦੀਆਂ ਅੱਖਾਂ ਤੇ ਮੂੰਹ 'ਚ ਲਾਲ ਮਿਰਚ ਦਾ ਪਾਊਡਰ ਭਰ ਦਿੱਤਾ। ਇਸ ਤੋਂ ਬਾਅਦ ਉਸ ਨੇ ਲੜਕੀ ਦੇ ਮੂੰਹ 'ਤੇ ਫੇਵਿਕਿਕ ਨਾਲ ਚਿਪਕਾ ਦਿੱਤਾ।
ਜਾਣਕਾਰੀ ਮੁਤਾਬਕ ਇਹ ਘਟਨਾ 18 ਅਪ੍ਰੈਲ 2024 ਦੀ ਹੈ। ਇਕ ਰਿਪੋਰਟ ਮੁਤਾਬਕ ਪੁਲਸ ਦੋਸ਼ੀ ਅਯਾਨ ਨੂੰ ਗ੍ਰਿਫਤਾਰ ਕਰ ਕੇ ਉਸ ਦੇ ਘਰ ਲੈ ਗਈ। ਥਾਂ-ਥਾਂ ਫੇਵਿਕਿਕ, ਬੈਲਟ ਅਤੇ ਪਲਾਸਟਿਕ ਦੇ ਪਾਈਪ ਪਾਏ ਗਏ। ਜਾਂਚ ਦੌਰਾਨ ਪੁਲਸ ਨੂੰ ਪਤਾ ਲੱਗਾ ਕਿ ਮੁਲਜ਼ਮ ਅਯਾਨ ਪਠਾਨ ਦਾ ਘਰ 375 ਵਰਗ ਫੁੱਟ ਸਰਕਾਰੀ ਜ਼ਮੀਨ ’ਤੇ ਬਣਿਆ ਹੋਇਆ ਹੈ। ਅੱਜ ਇਸ ਨੂੰ ਬੁਲਡੋਜ਼ਰ ਨਾਲ ਢਾਹ ਦਿੱਤਾ ਗਿਆ ਹੈ।
ਕੁੜੀ ਦੇ ਘਰ 'ਤੇ ਸੀ ਅੱਖ
ਰਿਪੋਰਟ ਮੁਤਾਬਕ ਪੀੜਤਾ ਨੇ ਦੱਸਿਆ ਸੀ ਕਿ ਦੋਵੇਂ ਇੱਕ ਦੂਜੇ ਨੂੰ ਕਾਫੀ ਸਮੇਂ ਤੋਂ ਜਾਣਦੇ ਸਨ। ਕਥਿਤ ਤੌਰ 'ਤੇ ਅਯਾਨ ਦੀ ਨਜ਼ਰ ਲੜਕੀ ਦੇ ਘਰ 'ਤੇ ਸੀ। ਉਹ ਚਾਹੁੰਦਾ ਸੀ ਕਿ ਲੜਕੀ ਆਪਣੇ ਘਰ ਦੀ ਰਜਿਸਟਰੀ ਅਯਾਨ ਦੇ ਨਾਂ ਕਰਵਾਵੇ, ਜਦੋਂ ਉਸ ਨੇ ਇਸ ਦਾ ਵਿਰੋਧ ਕੀਤਾ ਤਾਂ ਅਯਾਨ ਨੇ ਹੈਵਾਨੀਅਤ 'ਤੇ ਉਤਾਰ ਆਇਆ। ਘਟਨਾ ਤੋਂ ਬਾਅਦ ਗੁਆਂਢੀਆਂ ਨੇ ਬੱਚੀ ਨੂੰ ਗੰਭੀਰ ਹਾਲਤ 'ਚ ਹਸਪਤਾਲ ਪਹੁੰਚਾਇਆ।
ਘਰ ਵਿੱਚ ਨੋਟਿਸ ਚਿਪਕਾਇਆ
ਪੁਲਸ ਨੇ ਜ਼ਖਮੀ ਲੜਕੀ ਦੇ ਬਿਆਨ ਦਰਜ ਕਰਕੇ ਕਾਰਵਾਈ ਕੀਤੀ। ਅਯਾਨ ਪਠਾਨ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਏਐਸਪੀ ਮਾਨ ਸਿੰਘ ਠਾਕੁਰ ਅਨੁਸਾਰ ਨਗਰ ਪਾਲਿਕਾ ਵੱਲੋਂ ਅਯਾਨ ਪਠਾਨ ਦੇ ਘਰ ’ਤੇ ਨੋਟਿਸ ਚਿਪਕਾਇਆ ਗਿਆ ਸੀ। ਇਸ ਤੋਂ ਬਾਅਦ 21 ਅਪ੍ਰੈਲ ਨੂੰ ਪੁਲਿਸ ਪ੍ਰਸ਼ਾਸਨ ਤੇ ਨਗਰ ਨਿਗਮ ਦੀ ਟੀਮ ਨੇ ਅਯਾਨ ਪਠਾਨ ਦੇ ਘਰ ਦੇ ਨਾਜਾਇਜ਼ ਹਿੱਸੇ ’ਤੇ ਬੁਲਡੋਜ਼ਰ ਚਲਾ ਕੇ ਨਾਜਾਇਜ਼ ਹਿੱਸੇ ਨੂੰ ਢਾਹ ਦਿੱਤਾ।