ਮੱਧ ਪ੍ਰਦੇਸ਼ ਦੇ ਦਤਿਆ ਜ਼ਿਲ੍ਹੇ ਵਿੱਚ ਸ਼ੁੱਕਰਵਾਰ ਸਵੇਰੇ ਸ਼ਰਧਾਲੂਆਂ ਨੂੰ ਲੈ ਕੇ ਜਾ ਰਹੀ ਇੱਕ ਟਰੈਕਟਰ ਟਰਾਲੀ ਪਲਟ ਗਈ। ਇਸ ਹਾਦਸੇ 'ਚ 5 ਲੋਕਾਂ ਦੀ ਮੌਤ ਹੋ ਗਈ ਅਤੇ 15 ਹੋਰ ਜ਼ਖਮੀ ਹੋ ਗਏ। ਜਾਣਕਾਰੀ ਅਨੁਸਾਰ ਪਿੰਡ ਦੀਸਵਾਰ ਦੇ ਸ਼ਰਧਾਲੂ ਕਈ ਟਰੈਕਟਰ ਟਰਾਲੀਆਂ ਵਿੱਚ ਜਵਾਰ ਚੜ੍ਹਾਉਣ ਲਈ ਰਤਨਗੜ੍ਹ ਮਾਤਾ ਮੰਦਰ ਜਾ ਰਹੇ ਸਨ ਪਰ ਇਨ੍ਹਾਂ ਵਿੱਚੋਂ ਇੱਕ ਟਰੈਕਟਰ ਟਰਾਲੀ ਬੇਕਾਬੂ ਹੋ ਕੇ ਪੁਲ ਤੋਂ ਹੇਠਾਂ ਡਿੱਗ ਗਈ। ਇਸ ਵਿੱਚ ਕਰੀਬ 30 ਲੋਕ ਸਵਾਰ ਸਨ।
ਟਰੈਕਟਰ-ਟਰਾਲੀ ਪਲਟੀ , ਪੰਜ ਦੀ ਮੌਤ
ਪ੍ਰਾਪਤ ਜਾਣਕਾਰੀ ਅਨੁਸਾਰ ਦਿਸਵਾਰ ਪਿੰਡ ਦੇ ਸਰਪੰਚ ਬਾਪੂ ਦਾਂਗੀ ਦੇ ਘਰ ਦੇਵੀ ਅਨੁਸ਼ਠਾਨ ਸੀ। ਇਸ ਰਸਮ ਵਿੱਚ ਜੌਂ ਦੀ ਬਿਜਾਈ ਕੀਤੀ ਗਈ ਸੀ।ਇਸ ਜਵਾਰ ਨੂੰ ਰਤਨਗੜ੍ਹ ਮਾਤਾ ਮੰਦਿਰ ਵਿੱਚ ਚੜ੍ਹਾਏ ਜਾਣੇ ਸਨ। ਜਿਸ ਲਈ ਸਰਪੰਚ ਸਮੇਤ ਦੋ ਸੌ ਸ਼ਰਧਾਲੂ ਵੱਖ-ਵੱਖ 6 ਟਰੈਕਟਰ ਟਰਾਲੀਆਂ 'ਤੇ ਸਵਾਰ ਹੋ ਕੇ ਸਵੇਰੇ ਘਰੋਂ ਰਵਾਨਾ ਹੋਏ | ਪਰ ਫਿਰ ਜੋਰਾ ਬਾਗਪੁਰਾ ਅਤੇ ਮੇਂਥਾਣਾ ਪਾਲੀ ਦੇ ਵਿਚਕਾਰ ਬਣੀ ਕੁਰੇਠਾ ਪੁਲ ’ਤੇ ਇੱਕ ਟਰੈਕਟਰ ਟਰਾਲੀ ਪਲਟ ਗਈ। ਜਿਸ ਕਾਰਨ 5 ਲੋਕਾਂ ਦੀ ਮੌਤ ਹੋ ਗਈ।
ਮਰਨ ਵਾਲਿਆਂ 'ਚ 3 ਲੜਕੀਆਂ ਅਤੇ ਦੋ ਔਰਤਾਂ ਸ਼ਾਮਲ
ਮਰਨ ਵਾਲਿਆਂ ਵਿੱਚ ਤਿੰਨ ਲੜਕੀਆਂ ਅਤੇ ਦੋ ਔਰਤਾਂ ਸ਼ਾਮਲ ਹਨ। ਇਨ੍ਹਾਂ ਵਿੱਚ ਇੱਕ ਔਰਤ ਅਤੇ ਉਸ ਦੀਆਂ ਦੋ ਧੀਆਂ ਸ਼ਾਮਲ ਹਨ। ਇਸ ਹਾਦਸੇ 'ਚ ਜ਼ਖਮੀ ਹੋਏ ਕੁਝ ਲੋਕਾਂ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ ਅਤੇ ਉਨ੍ਹਾਂ ਨੂੰ ਗਵਾਲੀਅਰ ਰੈਫਰ ਕਰ ਦਿੱਤਾ ਗਿਆ ਹੈ। ਮ੍ਰਿਤਕਾਂ ਵਿੱਚ ਸੋਨਮ (11), ਕ੍ਰਾਂਤੀ (17), ਸੀਮਾ (30), ਕਾਮਿਨੀ (19) ਅਤੇ ਵਿਨੀਤਾ (30) ਸ਼ਾਮਲ ਹਨ।