ਅਮਰੀਕਾ ਵਿੱਚ ਖਾਲਿਸਤਾਨੀ ਸਮਰਥਕਾਂ ਨੇ ਭਾਰਤੀ ਰਾਜਦੂਤ ਤਰਨਜੀਤ ਸਿੰਘ ਸੰਧੂ ਨੂੰ ਰਾਹ ਵਿੱਚ ਰੋਕਣ ਦੀ ਕੋਸ਼ਿਸ਼ ਕੀਤੀ। ਉਹ ਗੁਰੂ ਪਰਵ ਮੌਕੇ ਗੁਰਦੁਆਰਾ ਸਾਹਿਬ ਮੱਥਾ ਟੇਕਣ ਲਈ ਪੁੱਜੇ ਸਨ। ਇਸ ਦੌਰਾਨ ਕੁਝ ਖਾਲਿਸਤਾਨੀ ਸਮਰਥਕ ਤਰਨਜੀਤ ਸੰਧੂ ਕੋਲ ਪਹੁੰਚੇ ਅਤੇ ਕਿਹਾ- ਤੁਸੀ ਨਿੱਝਰ 'ਤੇ ਹਮਲਾ ਕਰਵਾਇਆ ਹੈ।
ਘੇਰ ਕੇ ਕਹੇ ਅਪਮਾਨਜਨਕ ਸ਼ਬਦ
ਜਦੋਂ ਖਾਲਿਸਤਾਨੀ ਸਮਰਥਕਾਂ ਨੇ ਦੇਖਿਆ ਕਿ ਭਾਰਤੀ ਰਾਜਦੂਤ ਕੁਝ ਸਾਥੀਆਂ ਨਾਲ ਮੱਥਾ ਟੇਕਣ ਪਹੁੰਚੇ ਹਨ ਤਾਂ ਉਨ੍ਹਾਂ ਨੂੰ ਘੇਰ ਲਿਆ। ਇਸ ਤੋਂ ਬਾਅਦ ਖਾਲਿਸਤਾਨੀ ਸਮਰਥਕਾਂ ਨੇ ਬਹੁਤ ਹੀ ਇਤਰਾਜ਼ਯੋਗ ਸ਼ਬਦ ਕਹੇ। ਪਰ ਜਦੋਂ ਤਰਨਜੀਤ ਸਿੰਘ ਨੇ ਇਸ 'ਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਤਾਂ ਖਾਲਿਸਤਾਨੀ ਸਮਰਥਕਾਂ ਨੇ ਉਹਨਾਂ ਨਾਲ ਹੱਥੋਪਾਈ ਸ਼ੁਰੂ ਕਰ ਦਿੱਤੀ।
ਨਿੱਝਰ ਦੇ ਕਤਲ ਦਾ ਦੋਸ਼
ਖਾਲਿਸਤਾਨੀ ਸਮਰਥਕ ਵਾਰ-ਵਾਰ ਤਰਨਜੀਤ ਸੰਧੂ 'ਤੇ ਨਿੱਝਰ ਦੇ ਕਤਲ ਕਰਾਉਣ ਦਾ ਦੋਸ਼ ਲਗਾ ਰਹੇ ਹਨ। ਇਸ ਦੇ ਨਾਲ ਹੀ ਉਹਨਾਂ ਨੇ ਕਿਹਾ ਕਿ ਭਾਰਤੀ ਰਾਜਦੂਤਾਂ ਨੇ ਹੀ ਹਰਦੀਪ ਨਿੱਝਰ ਦਾ ਕਤਲ ਕਰਵਾਇਆ ਸੀ। ਇਸ ਦੇ ਨਾਲ ਹੀ ਉਹ ਸਿੱਖ ਫਾਰ ਜਸਟਿਸ ਦੇ ਮੁਖੀ ਗੁਰਪਤਵੰਤ ਪੰਨੂ ਦਾ ਨਾਂ ਵੀ ਲੈ ਰਹੇ ਸਨ।
ਬਚਾਅ ਲਈ ਆਏ ਸਿੱਖ ਕੌਮ ਦੇ ਲੋਕ
ਭਾਰਤੀ ਡਿਪਲੋਮੈਟ ਨੂੰ ਘਿਰਿਆ ਦੇਖ ਕੇ ਗੁਰਦੁਆਰੇ ਵਿੱਚ ਮੌਜੂਦ ਸਿੱਖ ਭਾਈਚਾਰੇ ਦੇ ਲੋਕ ਆ ਗਏ। ਜਿਵੇਂ ਹੀ ਖਾਲਿਸਤਾਨੀਆਂ ਨੇ ਤਰਨਜੀਤ ਸਿੰਘ 'ਤੇ ਹੱਥ ਚੁੱਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਸਿੱਖ ਭਾਈਚਾਰੇ ਦੇ ਲੋਕਾਂ ਨੇ ਖਾਲਿਸਤਾਨੀ ਸਮਰਥਕਾਂ ਨੂੰ ਪਿੱਛੇ ਧੱਕ ਦਿੱਤਾ। ਸਿੱਖ ਕੌਮ ਦੇ ਲੋਕਾਂ ਨੇ ਹੀ ਡਿਪਲੋਮੈਟ ਤਰਨਜੀਤ ਸਿੰਘ ਨੂੰ ਖਾਲਿਸਤਾਨੀਆਂ ਦੀ ਭੀੜ ਤੋਂ ਸੁਰੱਖਿਅਤ ਬਚਾਇਆ।